Teluguone News

సినిమా బాక్సాఫీస్ వద్ద విజయం సాధించాలంటే కేవలం భారీ విజువల్స్, వందల కోట్ల బడ్జెట్, స్టార్ కాస్టింగ్ మాత్రమే ఉంటే సరిపోదని మరోసారి రుజువైంది. బలమైన కథ, గుండెలను తాకే భావోద్వేగాలు ఉంటే చిన్న చిత్రాలు కూడా ప్రపంచ స్థాయి బాక్సాఫీస్‌ను షేక్ చేయగలవని అనేక సినిమాలు నిరూపించాయి. మన దగ్గర వచ్చిన 'హనుమాన్' వంటి చిత్రాలు అల్ప బడ్జెట్‌తో వచ్చి ఊహించని వసూళ్లు సాధించినట్లే, ఇప్పుడు అంతర్జాతీయ స్థాయిలో ఒక చైనీస్ ఫ్యామిలీ డ్రామా భారీ సంచలనం సృష్టిస్తోంది. అదే 'డియర్ యూ' (Dear You). హాంగ్‌చున్ లాన్ దర్శకత్వంలో తెరకెక్కిన ఈ చిత్రం చైనీస్ బాక్సాఫీస్ వద్ద సరికొత్త చరిత్ర తిరగరాస్తోంది. 2026 ఏప్రిల్ 30న థియేటర్లలోకి వచ్చిన ఈ సినిమా సుమారు 14 మిలియన్ డాలర్ల బడ్జెట్‌తో (మన భారతీయ కరెన్సీలో రూ. 132 కోట్లు) రూపుదిద్దుకుంది. అయితే ఈ చిన్న బడ్జెట్‌తో తెరకెక్కిన చిత్రం బాక్సాఫీస్ వద్ద రాబట్టిన వసూళ్లు చూసి గ్లోబల్ ట్రేడ్ వర్గాలు సైతం నోరెళ్లబెడుతున్నాయి. ఇప్పటికే ఈ సినిమా చైనాతో పాటు అంతర్జాతీయ మార్కెట్లో ఏకంగా 300 మిలియన్ డాలర్ల మార్కును దాటేసింది. అంటే ఇండియన్ రూపాయిల్లో ఈ వసూళ్లు దాదాపు రూ. 2,849 కోట్లకు పైగానే ఉండటం విశేషం! పెట్టిన పెట్టుబడికి ఏకంగా ఇరవై రెట్లకు పైగా లాభాలను తీసుకొచ్చి 2026లో గ్లోబల్ బాక్సాఫీస్ వద్ద అతిపెద్ద సంచలనాల్లో ఒకటిగా నిలిచింది. ఈ సినిమా కథ విషయానికి వస్తే.. చైనీస్ భాషలో 'డియర్ యూ' అంటే 'అమ్మమ్మకు ప్రేమలేఖ' అనే ఆత్మీయ భావం వస్తుంది. అప్పులు, కుటుంబ సమస్యల్లో కూరుకుపోయిన ఒక యువకుడు, థాయ్‌లాండ్‌లో కోటీశ్వరుడిగా స్థిరపడ్డాడని భావిస్తున్న తన తాతను వెతికేందుకు బయలుదేరడంతో ఈ కథ ప్రారంభమవుతుంది. తీరా అక్కడికి వెళ్లాక దశాబ్దాల క్రితం నాటి ఒక హృదయవిదారక రహస్యం బయటపడుతుంది. వలసల నేపథ్యం, మానవ అనుబంధాలు, ఫ్యామిలీ ఎమోషన్స్ చుట్టూ

హాలీవుడ్ ప్రముఖ కథానాయిక, 'వండర్ వుమెన్' ఫేమ్ గాల్ గాడోట్ నటించిన సరికొత్త సస్పెన్స్ థ్రిల్లర్ చిత్రం 'ది రన్నర్' (The Runner) ఎలాంటి ముందస్తు థియేట్రికల్ రిలీజ్ లేకుండా నేరుగా ఓటీటీలోకి అడుగుపెట్టింది. లండన్ నేపథ్యంగా సాగే ఈ ఇంటెన్స్ యాక్షన్ డ్రామా ప్రముఖ డిజిటల్ ప్లాట్‌ఫామ్ అమెజాన్ ప్రైమ్ వీడియోలో అందుబాటులోకి వచ్చింది. ఈ చిత్రం కేవలం ఇంగ్లీష్‌లోనే కాకుండా భారతీయ ప్రేక్షకుల కోసం తెలుగు, హిందీ, తమిళం, కన్నడ, మలయాళ భాషల డబ్బింగ్ వర్షన్లలో అందుబాటులో ఉండటం విశేషం. గాల్ గాడోట్ క్రేజ్ దృష్ట్యా ఈ చిత్రాన్ని తెలుగు డబ్బింగ్‌లో కూడా అందుబాటులోకి తేవడంతో టాలీవుడ్ ఓటీటీ ప్రియులు ఆనందం వ్యక్తం చేస్తున్నారు. ఈ సినిమా కథాంశం విషయానికి వస్తే.. లండన్‌లోని ఓ ప్రముఖ లాయర్ పాత్రలో గాల్ గాడోట్ నటించారు. ఒక రోజు ఉదయం జాగింగ్‌కు వెళ్లిన ఆమెకు ఓ అపరిచిత వ్యక్తి నుంచి ఫోన్ కాల్ వస్తుంది. ఆమె కుమారుడిని కిడ్నాప్ చేసినట్లు బెదిరిస్తూ, అతడు చెప్పిన ఆదేశాలను కచ్చితంగా పాటించాలని షరతు విధిస్తాడు. సమయం తక్కువగా ఉండటంతో తన కుమారుడి ప్రాణాలను కాపాడుకోవడానికి ఆ తల్లి ఎలాంటి సాహసాలు చేసింది? కిడ్నాపర్ల ప్లాన్‌ను ఎలా తిప్పికొట్టింది? అనే ఉత్కంఠభరిత అంశాలతో దర్శకుడు కెవిన్ మెక్‌డొనాల్డ్ ఈ చిత్రాన్ని తెరకెక్కించారు. సీటు అంచున కూర్చోబెట్టేలా ఉన్న స్క్రీన్‌ప్లే ఈ సినిమాకు ప్రధాన బలం. గాల్ గాడోట్ గతంలో 'వండర్ వుమెన్', 'ఫాస్ట్ అండ్ ఫ్యూరియస్', 'రెడ్ నోటీస్', 'హార్ట్ ఆఫ్ స్టోన్' వంటి బిగ్ బడ్జెట్ యాక్షన్ చిత్రాలతో ప్రపంచ వ్యాప్తంగా గుర్తింపు తెచ్చుకున్నారు. ఈ సినిమాలో ఒకవైపు తల్లిగా భావోద్వేగాలను పండిస్తూనే, మరోవైపు రేసింగ్ యాక్షన్ సీన్స్‌లో తన నటనతో మెప్పించారు. డెమియన్ లూయిస్, ఆల్ఫ్రెడ్ ఎనోచ్ తదితరులు కీలక పాత్రలలో కనిపించారు. ఓటీటీ రిలీజ్ అయినప్పటి నుంచి సోషల్ మీడియాలో ఈ చిత్రంపై మంచి

పవర్ స్టార్ పవన్ కళ్యాణ్ కి ఉన్న ఫ్యాన్ బేస్ తెలిసిందే. సదరు ఫ్యాన్ బేస్ యొక్క ప్రకంపనలు వరల్డ్ వైడ్ గా 'వైఫె' లా తిరుగుతూనే ఉంటాయి. రేపు పవన్ కళ్యాణ్ పుట్టినరోజు. ఈ సందర్భంగా రేపు పవన్ స్టైలిస్ట్ మూవీలో ఒకటైన 'పంజా' 4K వెర్షన్‌లో భారీ స్థాయిలో రీ రిలీజ్ కాబోతుంది. ఎప్పడు లేని విధంగా ఈ రోజు నైట్ ప్రీమియర్స్ కూడా పడబోతున్నాయి. ఇంతవరకు బాగానే ఉంది. కానీ మహారాష్ట్రలోని పూణే నగరంలో కూడా ఈ రోజు ప్రీమియర్ ప్రదర్శిస్తుండటం, టికెట్స్ అన్ని అయిపోవడం ట్రేడ్ వర్గాలని ఆశ్చర్యపరుస్తుంది. పూణేలోని ప్రధాన థియేటర్ల వద్ద భారీ కటౌట్లు, బ్యానర్లు ఏర్పాటు చేసి, బాణాసంచా కాల్చుతూ రచ్చ రచ్చ చేస్తున్నారు. ఐటీ నిపుణులు, విద్యార్థులు పెద్ద ఎత్తున అడ్వాన్స్ బుకింగ్స్ చేసుకుని థియేటర్లను హౌస్‌ఫుల్ చేస్తుండటంతో మహారాష్ట్ర బాక్సాఫీస్ వద్ద పవన్ కళ్యాణ్ సత్తా ఏంటో మరోసారి రుజువవుతోంది. దాదాపు 15 ఏళ్ల క్రితం నాటి సినిమా కూడా రీ-రిలీజ్ వేళ కొత్త సినిమాను తలపించేలా పూణే నగర వీధుల్లో మారుమోగిపోతుండటం పవర్ స్టార్‌కి ఉన్న తిరుగులేని మాస్ ఫాలోయింగ్‌కి సజీవ నిదర్శనం తెలుగు స్టేట్స్ లాగానే రీ రిలీజ్ ఈ స్థాయిలో వేడుకలా మారడం కూడా నిజంగానే ఒక అరుదైన విషయం. మరి ఈ నేపథ్యంలో తొలి రోజు ఏ మేర కలెక్షన్స్ వసూలు చేస్తుందో చూడాలి. 2011 డిసెంబర్ 9న కోలీవుడ్ దర్శకుడు విష్ణువర్ధన్ మేకింగ్‌లో 33 కోట్ల భారీ బడ్జెట్‌తో నిర్మితమైన ఈ సినిమా అప్పట్లోనే సరికొత్త స్టైలిష్ గ్యాంగ్‌స్టర్ లుక్‌తో అభిమానులను అలరించింది. అప్పట్లో బాక్సాఫీస్ వద్ద మిశ్రమ స్పందన తెచ్చుకున్నప్పటికీ, దాదాపు 40 కోట్లకి పైగా గ్రాస్ వసూళ్లను సాధించింది. ఆంధ్ర, నైజాం ప్రాంతాల్లోనే 15.86 కోట్ల షేర్ రాబట్టగా, కర్ణాటక మరియు రెస్ట్ ఆఫ్ ఇండియాలో 1.50 కోట్లు, ఓవర్సీస్‌లో 1.75

తెలంగాణ జానపద కళారంగంలో ఎంతో ప్రజాదరణ పొందిన జానపద నటులు, డ్యాన్సర్లు ఈశ్వర్ సాయి, మాధురి రాథోడ్ ల వ్యవహారం ఇప్పుడు సంచలన మలుపు తిరిగింది. సోషల్ మీడియాలో సంచలనం సృష్టించిన వేములవాడ హోటల్ రూమ్ ఘటన తర్వాత, ఈ వివాదం కాస్తా క్రిమినల్ కేసు వైపు వెళ్ళింది. హైదరాబాద్ నార్సింగ్ పోలీస్ స్టేషన్ లో మాధురి రాథోడ్ తన ఫిర్యాదులో 'ఫోక్ డ్యాన్సర్ ఈశ్వర్ సాయి పెళ్లి చేసుకుంటానని నమ్మించి, నాతో శారీరక సంబంధం పెట్టుకుని తీవ్రంగా మోసం చేసాడు. కేవలం మోసం చేయడమే కాకుండా, నా పరువుకి భంగం కలిగించేలా ప్రవర్తించాడు. నా వ్యక్తిగత ఫోన్‌లో ఉన్న దృశ్యాలు, వీడియోలని ఉపయోగించి ఆర్టిఫిషియల్ ఇంటెలిజెన్స్ (AI) సాంకేతికత ద్వారా మార్ఫింగ్ వీడియోలని సృష్టించాడు. నాకు ఇతరులతో అక్రమ సంబంధాలు ఉన్నట్లు చిత్రీకరిస్తూ ఆ ఏఐ మార్ఫింగ్ వీడియోలని సోషల్ మీడియా వేదికగా ప్రచారం చేసి తీవ్ర మనోవేదనకి గురిచేశాడని ఫిర్యాదులో పేర్కొంది. దీంతో ఫిర్యాదులోని అంశాలని పరిశీలించిన పోలీసులు, ఈశ్వర్ సాయిపై నూతన భారతీయ న్యాయ సంహిత (BNS) సెక్షన్ 69 కింద కేసు నమోదు చేశారు. మోసపూరిత వాగ్దానాలు, పెళ్లి చేసుకుంటాననే నెపంతో శారీరక సంబంధం పెట్టుకోవడం వంటి నేరాల కింద ఈ సెక్షన్ వర్తిస్తుంది. ఇది నాన్-బెయిలబుల్ అఫెన్స్ కావడంతో ఈ వ్యవహారం మరింత తీవ్రరూపం దాల్చింది. ఈశ్వర్ సాయి ప్రస్తుతం పోలీసులకు చిక్కకుండా పరారీలో ఉన్నట్లు సమాచారం. అతడిని పట్టుకునేందుకు నార్సింగి పోలీసులు రెండు ప్రత్యేక పోలీసు బృందాలని రంగంలోకి దించి జల్లెడ పడుతున్నారు. ఆగస్టు నెలలో వేములవాడలోని ఒక లాడ్జి లేదా హోటల్ గదిలో ఈశ్వర్ సాయి, మాధురి రాథోడ్‌లు కలిసి ఉన్న సమయంలో, ఈశ్వర్ సాయి భార్య శరణ్య అక్కడికి చేరుకోవడంతోవివాదం మొదలైన విషయం తెలిసిందే. టాక్సిక్ కి షాకింగ్ రేటింగ్ ఇచ్చిన మహేష్ కుమారుడు గౌతమ్ 'పుష్ప'లో చీరకట్టుపై అల్లు అర్జున్ షాకింగ్

సూపర్ స్టార్ మహేష్ బాబు తనయుడు గౌతమ్ ప్రముఖ గ్లోబల్ మూవీ రివ్యూయింగ్ ప్లాట్‌ఫామ్ 'లెటర్‌బాక్స్' (Letterboxd) ప్రొఫైల్ ద్వారా ఇచ్చే సినిమా రేటింగ్‌లు బయటకు రావడంతో ఇంటర్నెట్‌లో పెద్ద ఎత్తున చర్చ మొదలైంది. కంటెంట్‌ని మాత్రమే ప్రామాణికంగా తీసుకుని నిర్భయంగా ఇచ్చే ఈ రేటింగ్‌లు ఇప్పుడు సినీ వర్గాల్లో తీవ్రంగా చర్చనీయాంశమవుతున్నాయి. ముఖ్యంగా టాక్సిక్ పై ఇచ్చిన రేటింగ్ వైరల్ గా మారింది. టాక్సిక్ కి గౌతమ్ అర నక్షత్రం రేటింగ్ ఇచ్చాడు. ఇప్పటివరకు వివిధ భాషలు, వివిధ జోనర్లకి చెందిన 400లకి పైగా సినిమాలని గౌతమ్ వీక్షించినట్లు అతని ప్రొఫైల్ గణాంకాలు స్పష్టం చేస్తున్నాయి.ఈ రివ్యూల సమాహారంలో అందరినీ విపరీతంగా ఆకట్టుకున్న అంశం ఏమిటంటే, గౌతమ్ తన తండ్రి మహేష్ బాబు నటించిన కల్ట్ క్లాసిక్ సినిమాలైన 'పోకిరి', '1: నేనొక్కడినే' చిత్రాలకు ఏకంగా పూర్తిస్థాయి 5/5 నక్షత్రాల రేటింగ్ ఇచ్చాడు. తన తండ్రి కెరీర్‌లోనే ఎంతో వైవిధ్యమైన, సాహసోపేతమైన ప్రయోగాత్మక పాత్రలను గౌతమ్ ఎంతగా అభినందిస్తాడో ఈ రేటింగ్స్ నిరూపిస్తున్నాయి. అయితే అదే సమయంలో, నెగెటివ్ టాక్ తెచ్చుకున్న మహేష్ బాబు సినిమా 'బ్రహ్మోత్సవం' చిత్రానికి గౌతమ్ కేవలం 1 స్టార్ మాత్రమే ఇచ్చి సరిపెట్టుకోవడం విశేషం. అంతేకాదు, మహేష్ బాబు నటించిన 'నిజం', 'వంశీ' చిత్రాలకు కూడా కేవలం 2 స్టార్ల చొప్పున మాత్రమే రేటింగ్ కేటాయించి తన స్వతంత్ర అభిప్రాయాన్ని ఏమాత్రం దాచుకోలేదు. టాలీవుడ్‌తో పాటు ఇతర ఇండస్ట్రీల పాన్-ఇండియా, హాలీవుడ్ చిత్రాల విషయంలోనూ గౌతమ్ తన సమీక్షా ముద్రను స్పష్టంగా వేశాడు. దర్శకుడు ఎస్.ఎస్. రాజమౌళి రూపొందించిన దృశ్య కావ్యం 'బాహుబలి 2' చిత్రానికి గౌతమ్ సంపూర్ణంగా 5 నక్షత్రాలు అందించగా, క్లాసిక్ లవ్ అండ్ యూత్ ఫుల్ డ్రామాలైన 'పెళ్లిచూపులు', 'సీతారామం' సినిమాలకు 4.5 రేటింగ్ ఇచ్చి తన సినిమా అభిరుచి ఎంత పరిణతి చెందిందో చాటిచెప్పాడు. ప్రతికూల వైపు చూస్తే, యశ్ నటించిన

ప్రముఖ ఆర్ట్ డైరెక్టర్ ఆనందసాయి కుమారుడు సందీప్ పై హిట్ అండ్ రన్ కేసు నమోదైంది. ఈ రోజు తెల్లవారుజామున గచ్చిబౌలి ఓఆర్ ఆర్ నుంచి ఖాజాగూడ వైపు వస్తున్న ఒక ఇన్నోవా కారు ఒక వ్యక్తిని ఢీ కొట్టింది. దీంతో ఇన్నోవా కారు డ్రైవర్ గాయపడిన వ్యక్తిని తన చేతుల మీదుగా హాస్పిటల్ కి తీసుకెళ్తున్నాడు. సందీప్ కాజాగూడ నుంచి నానక్ రామ్ గూడ వైపు వెళ్తున్నాడు.ఆ క్రమంలోనే సందీప్ కారు ఆ ఇద్దరి వ్యక్తులని ఢీ కొట్టింది. దీంతో ఇన్నోవా డ్రైవర్ ప్రాణాపాయం నుంచి బయటపడగా గాయాలపాలైన వ్యక్తి మాత్రం చనిపోయాడు. ఘటనా సమయంలో సందీప్ సందీప్ కారు నడిపినట్టుగా తేలడంతో పోలీసులు అరెస్ట్ చేశారు. సిసి టివి ఫుటేజ్ ఆధారంగా పోలీసులు సందీప్ ని మరింతగా విచారిస్తున్నారు. సందీప్ తల్లి ప్రముఖ నటి వాసుకి. తొలిప్రేమలో పవన్ కళ్యాణ్ కి సోదరురాలిగా చేసింది. రీసెంట్ గా ఘట్టమనేని జై కృష్ణ శ్రీనివాస మంగాపురంలో చేసి మెప్పించింది. ఆనంద సాయి అయితే పవన్ కళ్యాణ్ కి బెస్ట్ ఫ్రెండ్ తో పాటు చిన్న నాటి స్నేహితుడు. తెలుగు చిత్ర సీమలో ఎన్నో హిట్ సినిమాలకి ఆర్ట్ డైరెక్టర్ గా పని చేసాడు. ప్రీవియస్ మూవీ ఉస్తాద్ భగత్ సింగ్. ఇది కిక్ అంటే: సంక్రాంతి బరిలో విజయ్ సేతుపతి, సాయిపల్లవి

ఇంట గెలిచి రచ్చ గెలవాలనే ఈక్వెషన్ యష్ విషయంలో శృతి తప్పింది. యష్ హోమ్ స్టేట్ కర్ణాటకలో టాక్సిక్ కి తగిలిన షాక్ ట్రేడ్ వర్గాలని షాక్ కి గురి చేస్తుంది. షాక్ కి గురి చేయడమే కాదు ఎందుకు ఇలా అనే విశ్లేషణలు కూడా మొదలయ్యాయి. యష్‌ కి ఉన్న క్రేజ్, మాస్ ఇమేజ్‌ని బట్టి కర్ణాటకలో టాక్సిక్ చాలా తేలికగా 100 కోట్ల గ్రాస్ క్లబ్‌లో చేరుతుందని అందరూ ఆశించారు. మొదటి రోజు వరల్డ్ వైడ్‌గా వచ్చిన . 140 కోట్ల గ్రాస్ లో కర్ణాటకలోనే దాదాపు 30.65 కోట్ల గ్రాస్ కలెక్షన్స్ రాబట్టి రికార్డుల బోణీ కొట్టింది. కానీ, రెండో రోజు నుంచి కలెక్షన్స్ దారుణంగా పడిపోయాయి. కర్ణాటకలో ఎలాంటి సినిమా లేకపోయినా కూడా ప్రేక్షకులు టాక్సిక్ థియేటర్ వైపు కన్నెత్తి కూడా చూడలేదు. దీంతో కర్ణాటక థియేట్రికల్ రన్‌లో కనీసం 100 కోట్ల గ్రాస్ మార్జిన్‌ అందుకోలేక చేతులెత్తేసింది. అయితే ఉత్తరాది హిందీ బెల్ట్‌లో మాత్రం ‘టాక్సిక్’ అద్భుతమైన ప్రదర్శనతో ఊరటనిస్తోంది. కన్నడ వెర్షన్‌తో పోలిస్తే బాలీవుడ్ మార్కెట్‌లో ఈ చిత్రానికి విశేష ఆదరణ దక్కుతుండటం విశేషం. హిందీ బెల్ట్‌లో తొలి రోజే ఏకంగా 55 కోట్ల మేర సాలిడ్ కలెక్షన్లు సాధించి, సౌత్ ఇండియా సినిమాల్లోనే హిందీ వెర్షన్‌లో బిగ్గెస్ట్ ఓపెనర్‌గా సరికొత్త చరిత్ర సృష్టించింది. ఉత్తరాది ప్రేక్షకులు ఈ సినిమా కంటెంట్‌కి, యశ్ స్క్రీన్ ప్రజెన్స్‌కి బ్రహ్మరథం పడుతుండటంతో అక్కడ కలెక్షన్ల వర్షం కురుస్తోంది. అయితే తెలుగు రాష్ట్రాలైన ఆంధ్రప్రదేశ్ మరియు తెలంగాణ బాక్సాఫీస్ పరిస్థితిని పరిశీలిస్తే మరో రకమైన షాకింగ్ ట్రెండ్ కనిపిస్తోంది. తెలుగులో మొదటి రోజు 20.1 కోట్ల గ్రాస్ సాధించి సాలిడ్ ఓపెనింగ్ తెచ్చుకున్నప్పటికీ, రెండో రోజు నుంచే థియేటర్లలో దారుణమైన పరిస్థితి నెలకొంది. ఆడియన్స్ నుంచి సరైన స్పందన లేకపోవడంతో పలు థియేటర్లలో షోలు రద్దయ్యే పరిస్థితులు కూడా చూసింది

భాగ్యశ్రీ బోర్స్ ని చూస్తే చాలు 'అమ్మో అమ్మాయేనా ఎల్లోరా శిల్పమా అని పాడని వాళ్ళు ఉండరు. అలాంటిది అభిమానుల గుండెలో ఎంతటి కవిత్వం తన్నుకొస్తూ ఉంటుందో చెప్పక్కర్లేదు. కళ్ళతోనే తన క్యారక్టర్ భావజాలం మొత్తాన్ని చెప్పేసే ఈ ముద్దుగుమ్మ రీసెంట్ గా అఖిల్ అక్కినేని తో కలిసి 'లెనిన్' తో విజయాన్ని అందుకుంది. భాగ్యశ్రీకి తొలి విజయం కూడా.. లెనిన్ విజయం తర్వాత భాగ్యశ్రీ కి టాలీవుడ్‌లో వరుస ఆఫర్లు వస్తాయని అందరూ భావించారు. అయితే ఇప్పటివరకు అధికారికంగా ఏ కొత్త ప్రాజెక్ట్ ప్రకటించకపోవడం అభిమానులను తీవ్ర నిరాశకు గురిచేస్తోంది. ఈ ఆలస్యానికి వెనుక ప్రధాన కారణం భాగ్యశ్రీ స్క్రిప్ట్ ఎంపికలో చూపిస్తున్న జాగ్రత్తలేనని, తొందరపడి సినిమాలు ఒప్పుకోవడం కంటే, బలమైన క్యారెక్టర్స్ ఉన్న ప్రాజెక్టులకే ప్రాధాన్యం ఇవ్వాలని భావిస్తోందట. ఇండస్ట్రీ వర్గాల్లో తాజాగా వినిపిస్తున్న ప్రకరాం రామ్ చరణ్, సుకుమార్ కాంబోలో తెరకెక్కుతున్న కొత్త ప్రాజెక్ట్స్ లో చరణ్ కి జోడిగా భాగ్యశ్రీ కనిపించబోతుందనే సమాచారం అయితే వినిపిస్తూనే ఉంది. అదే జరిగితే టాలీవుడ్ నెంబర్ వన్ హీరోయిన్ పోస్ట్ కొన్ని సంవత్సరాల పాటు ఖాళీ లేనట్టే. విడదీయాలని చూస్తే రోడ్డుపైనే కొడతాం.. ఫిల్మ్ ఫెడరేషన్, రఘు వర్గానికి సుమలత వార్నింగ్‌.! సందీప్ సరోజ్, సాత్విక జంటగా ప్రారంభ‌మైన ‘వేట’.!

కేజీఎఫ్ సిరీస్‌తో ప్రపంచవ్యాప్తంగా కలెక్షన్ల వర్షం కురిపించిన రాకింగ్ స్టార్ యష్.. ఇప్పుడు తన తదుపరి పాన్-ఇండియా చిత్రం ‘టాక్సిక్’తో అలరించేందుకు సిద్ధమవుతున్నారు. విలక్షణ దర్శకురాలు గీతు మోహన్‌దాస్ తెరకెక్కిస్తున్న ఈ చిత్రం ప్రారంభం నుంచే ప్రేక్షకులు, సినీ వర్గాల్లో భారీ అంచనాలను నెలకొల్పింది. బిగ్ స్క్రీన్‌పై యష్‌ను సరికొత్త డార్క్ అవతార్‌లో చూడటానికి ఫ్యాన్స్ ఆత్రుతగా ఎదురుచూస్తున్నారు. తాజాగా ఈ సినిమా సెన్సార్ ప్రక్రియను పూర్తి చేసుకుని విడుదలకు సిద్ధమైంది. చిత్రంలో ఉన్న తీవ్రమైన యాక్షన్ సీన్లు, డార్క్ థీమ్‌ను పరిగణనలోకి తీసుకుని సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC) ఈ చిత్రానికి 'A' (అడల్ట్స్ ఓన్లీ) సర్టిఫికేట్‌ను మంజూరు చేసింది. విశేషమేమిటంటే, సినిమాలో ఎలాంటి ప్రధాన సన్నివేశాలపై కట్స్ విధించకుండా బోర్డు క్లియరెన్స్ ఇచ్చింది. కేవలం ఒకటి రెండు సంభాషణల్లోని పదాలను మ్యూట్ చేయడం, చట్టబద్ధమైన హెచ్చరికలను స్పష్టంగా ప్రదర్శించడం వంటి చిన్నచిన్న మార్పులను మాత్రమే సూచించారు. ఇక ఈ మోస్ట్ అవైటెడ్ యాక్షన్ డ్రామా రన్‌టైమ్ 3 గంటల 12 నిమిషాలుగా లాక్ అయినట్లు అధికారిక సమాచారం. నిడివి కాస్త ఎక్కువగా ఉన్నప్పటికీ, కథనంలోని ఇంటెన్సిటీ ప్రేక్షకులను సీట్ల అంచులపై కూర్చోబెడుతుందని మేకర్స్ ధీమా వ్యక్తం చేస్తున్నారు. గతంలో భారీ హింసాత్మక సన్నివేశాలున్న చిత్రాలకు సెన్సార్ బోర్డ్ తీవ్రమైన కోతలు విధించిన సందర్భాలున్నాయి. అయితే 'టాక్సిక్' చిత్రంలో ఉన్న రా వయొలెన్స్‌కు ఒక్క కట్ కూడా పడకపోవడం ఇప్పుడు ఫిలిం సర్కిల్స్‌లో విపరీతంగా చర్చనీయాంశమైంది. స్వయంగా యష్ కూడా గతంలో ఇచ్చిన ఒక ఇంటర్వ్యూలో ఈ సినిమా కేవలం పెద్దల కోసమే రూపొందించబడిన కథ అని స్పష్టం చేసిన విషయం తెలిసిందే. ఈ చిత్రంలో నయనతార, కియారా అద్వానీ, హుమా ఖురేషి, రుక్మిణి వసంత్, తారా సుతారియా వంటి ప్రసిద్ధ నటీనటులు కీలక పాత్రలు పోషిస్తుండటం సినిమాకు మరింత గ్లామర్, క్రేజ్‌ను తెచ్చిపెట్టింది. పవర్ ఫుల్ కాస్టింగ్ తో

సినిమా పేరు: ఇరుముడి -న‌టీన‌టులు:రవితేజ, ప్రియా భవానీ శంకర్, బేబీ నక్షత్ర, శ్వాసిక విజయ్, అజయ్ ఘోష్ తదితరులు -సినిమాటోగ్ర‌ఫీ: విష్ణు శర్మ -ఎడిటింగ్: ప్రవీణ్ పూడి -మ్యూజిక్: జివి ప్రకాష్ కుమార్ -నిర్మాత‌లు: నవీన్ ఎర్నేని, రవిశంకర్ యలమంచిలి -బ్యానర్: మైత్రి మూవీ మేకర్స్ -రచన,దర్శకత్వం: శివ నిర్వాణ -రిలీజ్ డేట్ : ఆగష్టు 21 ,2026 మాస్ మహారాజా రవితేజ ఈ రోజు ప్రియా భవాని శంకర్, బేబీ నక్షత్ర, శివ నిర్వాణ, మైత్రి మూవీ మేకర్స్ తో కలిసి 'ఇరుముడి' తో థియేటర్స్ లో ల్యాండ్ అయ్యాడు. అభిమానుల్లో, ప్రేక్షకుల్లో పాజిటివ్ వైబ్రేషన్ ఉన్న ఇరుముడి ఎలా ఉందో చూద్దాం. త్రినాధ్( రవితేజ) ఆంధ్రప్రదేశ్ శ్రీకాకుళం జిల్లాలోని పచ్చని అటవీ ప్రాంతంలో ఉండే పొల్లూరు అనే విలేజ్ కి చెందిన వ్యక్తి. ట్రాలీ ఆటోలో తన పొలంలోనే పండించిన అరటిగెలలని తన ఊరు పక్కన ఉండే టౌన్ లో అమ్ముకుంటూ జీవనాన్ని కొనసాగిస్తుంటాడు. ఆల్కహాల్ తాగే అలవాటు ఉన్నా మంచి వ్యక్తి. అయ్యప్పస్వామి దీక్ష తీసుకునే టైంలో మాత్రం ఆల్కహాల్ జోలికి వెళ్ళడు. ఆడవాళ్ళ అందర్నీ తన కూతురుగా భావించడంతో పాటు చెడుని అంతం చేయడం త్రినాధ్ నైజం. భార్య పేరు కావేరి. కూతురుపేరు మణికంఠ. తొమ్మిదేళ్ల వయసు ఉన్న మణికంఠ ఐదవ క్లాస్ చదువుతుంటుంది. ఏవైనా చెడు సంఘటనలు, అసాంఘిక కార్యక్రమాలు చూసినా తండ్రికి చెప్పడం అలవాటు. ఆ విధంగా చెప్పడం చిన్నప్పట్నుంచి తండ్రి, కూతురు మధ్య ఉన్న ఒప్పందం కూడా. మరి ఆ ఒప్పందం తండ్రి కూతుళ్ళ జీవితంలో ఏమైనా మార్పులు తీసుకొచ్చిందా? వస్తే ఆ మార్పులు ఏంటి? పరిచయమైన కొత్త క్యారెక్టర్స్ ఎవరు? సమాజానికి ఏమైనా మంచి జరిగిందా అనేదే ఇరుముడి సీలేరు లాంటి ఏరియాలో కంప్లీట్ లైవ్ లొకేషన్స్ లో ప్రశాంతమైన వాతావరణంలో మూవీ ఫస్ట్ నుంచి చివరి వరకు బోర్ కొట్టకుండా సాగింది

సినిమా పేరు: అమీర్ లోగ్ -న‌టీన‌టులు: వేద జలంధర్, హరి మున్నంగి, మనోజ్ ఆవుల, శశిధర్ కొచ్చర్ల కోట, రావణ్ నిట్టూరు, -విశ్వేందర్ రెడ్డి, పవన్ రమేష్ తదితరులు -సినిమాటోగ్ర‌ఫీ: సాలిగంటి విజయ్ కుమార్ -ఎడిటింగ్: రోహిత్ పెనుమత్స -మ్యూజిక్: స్మరన్ సాయి -నిర్మాత‌: మాధవి రెడ్డి సోమ -బ్యానర్ : అవాళ్ నెంబర్ ప్రొడక్షన్స్ -రచన,దర్శకత్వం: రమణా రెడ్డి సోమ -రిలీజ్ డేట్ : ఆగష్టు 21 ,2026 హైదరాబాద్ పోరగాళ్ల కథ అంటు 'అమీర్ లోగ్' థియేటర్స్ లోకి వచ్చేసింది. రిలీజ్ డేట్ ఇరవై ఒకటి అయినా, ప్రమోషన్స్ తో వచ్చిన క్రేజ్ తో ప్రీమియర్ కూడా ప్రదర్శించారు. మరి మూవీ ఎలా ఉందో చూద్దాం. శ్రీను( హరి మున్నంగి), రఫీక్(మనోజ్ ఆవుల), మల్లేష్( శశిధర్ కొచ్చర్ల కోట) చిన్నప్పట్నుంచి ప్రాణ స్నేహితులు. హైదరాబాద్ ఓల్డ్ సిటీలోని ఒక బస్తీ వాళ్ళ అడ్డా. ముగ్గురు మధ్యతరగతి కుటుంబానికి చెందిన వాళ్ళు. పెద్దగా చదువుకున్న వాళ్ళు కూడా కావడంతో పాటు పని పాట లేకుండా తిరుగుతుంటారు. కానీ అమాయకత్వం, మంచితనం ఆ ముగ్గురి సొంతం. సాఫ్ట్ వేర్ కంపెనీలో పని చేసే గీత(వేద జలంధర్) ఆ ముగ్గురికి ఆత్మీయురాలు లాంటిది. తమ బస్తీలోనే ఉండే గీతని అక్క అని పిలుస్తుండటంతో పాటు తమ కష్ట సుఖాలని పంచుకుంటూ ఉంటారు. గీత తన ఆఫీస్ లోనే పని చేసే టీం లీడర్ రవి(రావణ్ నిట్టూరు) ని ప్రేమిస్తూ ఉంటుంది. రవి వల్ల శ్రీను, రఫీక్, మల్లేష్ కి అన్యాయం జరుగుతుంది. దీంతో రవికి గీత బ్రేక్ అప్ చెప్తుంది. జులాయిగా తిరిగే శ్రీను, రఫీక్, మల్లేష్ కి రవి అన్యాయం చేయడం ఏంటి? అసలు ఆ ముగ్గురి స్నేహితుల కథ మొత్తం ఏంటి? వాళ్ళ జీవితంలో ఎవరెవరు ఉన్నారన్నదే అమీర్ లోగ్. ఎనాలసిస్ కథలో గొప్పతనం లేకపోయినా ఎక్కడ ఎలాంటి హడావిడి లేకుండా మంచి

ఐకాన్ స్టార్ అల్లుఅర్జున్, అట్లీ కాంబోలో తెరకెక్కుతున్న సైన్స్ ఫిక్షన్ యాక్షన్ ఫాంటసీ రాకా. పుష్ప 2 , జవాన్ తర్వాత ఆ ఇద్దరు కలుస్తుండటంతో 'రాకా' పై అంచనాలు ఏ రేంజ్ లో ఉంటాయో చెప్పాక్కర్లేదు. సన్ పిక్చర్స్ సుమారు 700 కోట్ల భారీ బడ్జెట్‌తో నిర్మిస్తున్న ఈ భారీ వండర్ ప్రాజెక్ట్ గురించి తాజాగా బయటకు వచ్చిన న్యూస్ ఒకటి వైరల్ గా మారింది. ఆస్కార్ అవార్డు గ్రహీత, హాలీవుడ్ స్టార్ నటుడు విల్ స్మిత్ ఈ సైన్స్ ఫిక్షన్ ఎపిక్‌లో కీలకమైన విలన్ రోల్ లో లేదాప్రైమరీ అంటాగనిస్ట్ గా కనిపించనున్నారనే వార్తలు వినబడుతున్నాయి. విల్ స్మిత్ డేట్స్ ఖరారైన వెంటనే షూటింగ్ పార్ట్‌ని విదేశీ షెడ్యూల్‌లో ప్లాన్ చేయడానికి టీమ్ సమాయత్తమవుతుందని,అల్లు అర్జున్, విల్ స్మిత్ నేరుగా ఢీకొట్టే సన్నివేశాలు ఇండియన్ స్క్రీన్‌పై ఊహించని స్థాయిలో సరికొత్త విజువల్ వండర్‌ని ఆవిష్కరించనున్నాయని కూడా అంటున్నారు. మరి విల్ స్మిత్ రాకాలో భాగస్వామ్యం కావడం నిజమైతే భారతీయ సినిమా పక్కాగా ప్రపంచ సినీ ప్రేక్షకుల ఒడిలో చేరినట్టే. రాకా సబ్జెక్టు ప్రకారం ఒక భారీ విదేశీ స్టార్ విలన్ గా అవసరం అనేది మాత్రం నిజం. దీపికా పదుకొణే ఒక హీరోయిన్ గా చేస్తుండగా రష్మిక మందన్న, జాన్వీ కపూర్, మృణాల్ ఠాకూర్ వంటి హీరోయిన్ల పేర్లు ఎప్పటినుంచో వినిపిస్తున్నాయి. బాలీవుడ్ బాద్‌షా షారుఖ్ ఖాన్ ఒక ప్రత్యేకమైన కేమియో రోల్ అనే టాక్ కూడా నడుస్తూ ఉంది. ఏది ఏమైనా రూమర్స్ అన్ని నిజం అయ్యి భారతీయ సినీ ప్రేమికులు, ముఖ్యంగా తెలుగు సినిమా ప్రేమికుల కలలు నెరవేరాలని కోరుకుందాం. సూప‌ర్‌స్టార్స్ సినిమాల‌కు స్పెష‌ల్ ఎట్రాక్ష‌న్‌గా మారిన పూర్ణ‌.! గ్లామర్ సెల్ఫీలతో కేక పుట్టిస్తున్న 'అర్జున్ రెడ్డి' భామ.. వైర‌ల్ అవుతున్న పిక్స్‌.!

రొమాంటిక్ అట్మాస్పియర్ ఉన్న సినిమాల క్రేజ్ కి ఎక్స్ పైరీ డేట్ అనేది ఇంకా పుట్టలేదు. కంటెంట్ కూడా బాగుంటే ఇక ఆ సినిమా విజయ ప్రవాహాన్ని ఎవరు ఆపలేరు. ఇటీవలి కాలంలో ఆ తరహా కంటెంట్‌కి ఆదరణ విపరీతంగా పెరుగుతోంది. ఈ క్రమంలోనే నెట్టింట విపరీతమైన క్రేజ్ సంపాదించుకుంటూ, ప్రేక్షకులకు మైండ్ బ్లాక్ అయ్యేలా చేస్తోన్న సంచలనాత్మక వెబ్ సిరీస్ ‘పాంచాలి’. మహాభారతంలోని ద్రౌపది పాత్ర నేపథ్యాన్ని ఆధారంగా చేసుకుని సమకాలీన కోణంలో రూపొందించిన ఈ రొమాంటిక్ డ్రామా సిరీస్ డిజిటల్ వేదికపై సంచలనం సృష్టిస్తోంది. వినూత్నమైన కథనం, ఉత్కంఠ రేకెత్తించే మలుపులతో సాగే ఈ సిరీస్ వీక్షకులను ఆద్యంతం కట్టిపడేస్తోంది. ఈ సిరీస్ ప్రధాన కథాంశం ఒకే కుటుంబానికి చెందిన అన్నదమ్ముల చుట్టూ తిరుగుతుంది. గ్రామీణ ఆచారాల నెపంతో భూమి అనే యువతి ఒకే ఇంట్లోని నలుగురు అన్నదమ్ములను వివాహం చేసుకుంటుంది. ఈ నలుగురు సోదరులతో కలసి జీవిస్తూ ఒక కుమారుడికి జన్మనిస్తుంది. అయితే, ఆ కుటుంబంలో పట్టణంలో చదువుకుని ఆధునిక ఆలోచనలతో పెరిగిన ఐదో తమ్ముడు కూడా ఉంటాడు. తమ వంశ పరంపర మరియు సాంప్రదాయం ప్రకారం అతడు కూడా తన వదిననే వివాహం చేసుకోవాలని నలుగురు అన్నలు కండిషన్ పెడతారు. కానీ నగరం నుండి వచ్చిన ఆ ఐదో తమ్ముడు ఈ విచిత్రమైన ఆచారాన్ని, పెళ్లి ప్రతిపాదనను తీవ్రంగా వ్యతిరేకిస్తాడు. ఆ క్రమంలో కథ అనుకోని మలుపు తిరుగుతుంది. ఒకరోజు వారి ఇంట్లోని పూజ గదిలోని దేవుడి విగ్రహం నుండి ఆకస్మికంగా రక్తం కారడం కుటుంబ సభ్యులు గమనిస్తారు. ఐదో తమ్ముడు భూమిని పెళ్లి చేసుకోకపోవడం వల్లనే ఇంటికి ఈ అనర్థం మరియు దైవాగ్రహం కలుగుతోందని అన్నలు నమ్ముతారు. ఇక ఆ ఐదో తమ్ముడిని కూడా తన వలలో వేసుకుని పెళ్లికి ఒప్పించడానికి భూమి ఎలాంటి వ్యూహాలు పన్నింది, లోభం మరియు ఆకర్షణతో అతడిని ఎలా లోబరుచుకోవడానికి ప్రయత్నించింది

కన్నడ చిత్ర పరిశ్రమలో తీవ్ర సంచలనం సృష్టించిన రేణుకాస్వామి హత్య కేసులో ఎ1 నిందితురాలిగా బెంగుళూరు పరప్పన అగ్రహార జైలులో కస్టడీలో ఉన్న నటి పవిత్ర గౌడ జీవితంలో మరొక విషాదకర అధ్యాయం చోటుచేసుకుంది. ఆమె మొదటి భర్త సంజయ్ సింగ్ కన్నుమూసినట్లు సంచలన వార్త బయటకు వచ్చింది. అయితే, ఈ ఘోర విషాదం ఇటీవల జరిగింది కాదు. సుమారు 7 నుండి 8 నెలల క్రితమే రాజస్థాన్‌లో తుదిశ్వాస విడిచారనే వార్త ఆలస్యంగా వెలుగులోకి వచ్చి పరిశ్రమ వర్గాలని, ప్రజలని తీవ్ర దిగ్భ్రాంతికి గురిచేస్తోంది. సంజయ్ సింగ్, పవిత్ర గౌడల బంధం వెనుక పెద్ద కథే ఉంది. వీరిద్దరి ప్రయాణం 2007-2008 కాలంలో ఒకరినొకరు ప్రేమించుకోవడంతో ప్రారంభమైంది. ఆ ప్రేమ కాస్తా పెళ్లి పీటల దాకా వెళ్లి ఇద్దరూ దంపతులుగా కొత్త జీవితాన్ని ప్రారంభించారు. వీరికి ఖుషీ గౌడ అనే కుమార్తె కూడా జన్మించింది. అయితే, మనస్పర్థలు మరియు వ్యక్తిగత విబేధాల కారణంగా వీరి వైవాహిక బంధం ఎక్కువ కాలం నిలవలేదు. పరస్పర అంగీకారంతో 2013లో వీరు అధికారికంగా విడాకులు తీసుకుని వేర్వేరు మార్గాల్లో పయనించడం ప్రారంభించారు. విడాకుల తర్వాత సంజయ్ సింగ్ తీవ్ర మానసిక కుంగుబాటుకు గురయ్యారని సమాచారం. విడాకుల అనంతరం ఆయన మద్యపానానికి తీవ్రంగా బానిసయ్యారాని మీడియా వర్గాలు వెల్లడించాయి. విపరీతమైన ఆల్కహాల్ అలవాటు వల్ల ఆయన కాలేయ సంబంధిత వ్యాధులకు (లవర్ కాంప్లికేషన్స్) గురయ్యారు. బెంగళూరు వదిలి రాజస్థాన్‌కు వెళ్లిన ఆయన అక్కడ కొన్ని నెలల పాటు తీవ్ర అనారోగ్యంతో బాధపడ్డారు. చికిత్స ఫలించక 7 నుంచి 8 నెలల కిందటే తన స్వస్థలంలో మరణించారు. రేణుకాస్వామి హత్య కేసు విచారణ సమయంలోనే సంజయ్ సింగ్ పేరు తొలిసారిగా మీడియా ముందుకు వచ్చింది. ఆ సమయంలో పవిత్రతో తన గతాన్ని, 2013 నాటి విడాకుల వివరాలను ఆయన బహిరంగంగానే పంచుకున్నారు. ఆ తర్వాత సైలెంట్‌గా ఉండిపోయిన ఆయన మరణవార్త

మాస్ మహారాజా రవితేజ రేపు ఉదయం ఎనిమిది గంటల ఆట నుంచి ఇరుముడితో వరల్డ్ సెల్యులాయిడ్ పై సందడి చేయనున్నాడు. సాంగ్స్ తో పాటు ప్రచార చిత్రాలు పాజిటివ్ గా ఉండటంతో అభిమానులు, మూవీ లవర్స్, ప్రేక్షకులు పెద్ద ఎత్తున ఇరుముడి వీక్షించడానికీ థియేటర్స్ దగ్గర బారులు తీరడం ఖాయమని ట్రేడ్ వర్గాలు అంచనా వేస్తున్నాయి. ఈ చిత్రం ఇప్పటికే తన సెన్సార్ కార్యక్రమాలను పూర్తి చేసుకుంది. సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC) నుంచి U/A 16+ సర్టిఫికెట్ లభించగా, రన్‌టైమ్ 2 గంటల 25 నిమిషాలు. సెన్సార్ సభ్యులు మరియు ఇండస్ట్రీ వర్గాల నుంచి బయటకు వచ్చిన ఫస్ట్ రివ్యూ టాక్ ప్రకారం, రవితేజ కెరీర్‌లోనే ఒక అద్భుతమైన ఎమోషనల్ అండ్ పవర్ ప్యాక్డ్ కంబ్యాక్ మూవీగా నిలవబోతోంది. ఈ కథలో రవితేజ "త్రినాథ్" అనే ఆటో డ్రైవర్ పాత్రలో కనిపించనున్నారు. మొదట్లో మద్యానికి విపరీతంగా బానిసైన నెగెటివ్ షేడ్స్ ఉన్న వ్యక్తిగా రవితేజ నటన మునుపెన్నడూ చూడని రీతిలో ఉంటుంది. తన భార్య (ప్రియా భవానీ శంకర్), ముద్దుల కూతురు మణెమ్మ (బేబీ నక్షత్ర)లతో సాధారణ జీవితం గడుపుతున్న క్రమంలో, కూతురి కోరిక మేరకు ఆయన అయ్యప్ప మాల ధరిస్తారు. మద్యానికి బానిసైన ఒక తండ్రి అయ్యప్ప దీక్ష తీసుకున్న తర్వాత అతని ప్రవర్తనలో ఎలాంటి మార్పులు వచ్చాయి, నిష్టగా మాల ఎలా కొనసాగించాడు అనేది సినిమాకు ప్రధాన హైలైట్‌గా మారనుంది. అంతేకాకుండా, ఊరిలో ఆడపిల్లలకు ముప్పు తలపెడుతున్న ఒక క్రైమ్ సస్పెన్స్ డ్రామాను దర్శకుడు శివ నిర్వాణ ఈ తండ్రీకూతుళ్ల సెంటిమెంట్‌కు అద్భుతంగా ముడిపెట్టారు. తన కూతురితో పాటు గ్రామంలోని మహిళల రక్షణ కోసం అయ్యప్ప దీక్షలో ఉన్న త్రినాథ్ ఏ విధంగా పోరాడాడు అనే అంశం ప్రేక్షకులకు పూనకాలు తెప్పించడం ఖాయం. మాస్ యాక్షన్‌కి తోడుగా భక్తి రసం, తండ్రీ కూతుళ్ల మధ్యన సాగే ఎమోషనల్

తమన్.. సాంగ్స్ ,బ్యాక్ గ్రౌండ్ స్కోర్ కొడితే ప్రేక్షకుడు తనకి తెలియకుండానే సీట్ లో నుంచి లేచి పూనకంతో డాన్స్ చేస్తాడు. హీరోకి గాని, ప్రతినాయకుడుకి గాని ఇచ్చే ఎలివేషన్ అయితే నభూతో నభవిష్యత్. కథ, కథనంకి తగ్గ మూడ్ తో బిజిఎమ్ ఇవ్వడంలో కూడా స్పెషలిస్ట్. తమన్ రీసెంట్ గా ఒక ఇంటర్వ్యూలో మాట్లాడుతు 'సమాజంలో ఆదరణ కరువై అనాథలుగా మారుతున్న వృద్ధుల కోసం ఒక అత్యాధునిక ఓల్డ్ ఏజ్ హోమ్‌ నిర్మిస్తున్నాను. ఈ ప్రాజెక్ట్ మొత్తం అంచనా వ్యయం 12 కోట్లు. ఇప్పటికే 4 కోట్లు ఖర్చు చేశాను. సినిమాల ద్వారా వచ్చే రెమ్యునరేషన్‌ మాత్రమే కాకుండా విదేశీ, స్వదేశీ మ్యూజిక్ కాన్సర్ట్స్ ద్వారా వచ్చే ఆదాయాన్ని సంపూర్ణంగా ఈ వృద్ధాశ్రమ నిర్మాణానికే కేటాయిస్తున్నానని చెప్పుకొచ్చాడు. చాలా మంది ఈ మంచి కార్యక్రమానికి విరాళాలు ఇస్తామని ముందుకు వచ్చినప్పటికీ, తమన్ ప్రేమగా తిరస్కరించడం విశేషం. సొంత కష్టార్జితంతోనే ఈ కలల ప్రాజెక్టును పూర్తి చేయాలని దృఢ సంకల్పంతో ఉన్నారు. కేవలం వృద్ధాశ్రమమే కాకుండా, పేద విద్యార్థుల చదువులకు సహాయం చేయడం, అత్యవసర వైద్య శస్త్రచికిత్సలకు ఆర్థిక సాయం అందించడం వంటి ఎన్నో గుప్తదానాలను తమన్ ఏళ్ల తరబడి చేస్తున్నారు. ఈ సేవా కార్యక్రమాల పర్యవేక్షణ కోసం ప్రత్యేకంగా ఒక టీమ్‌ని కూడా ఏర్పాటు చేసుకున్నారు. రీల్ హీరోగానే కాకుండా రియల్ లైఫ్‌లోనూ తోటివారికి సహాయపడుతూ రియల్ హీరో అనిపించుకుంటున్న తమన్ మానవత్వానికి సినీ ప్రముఖులు మరియు అభిమానుల నుంచి ప్రశంసల వర్షం కురుస్తోంది. కేవలం తన అద్భుతమైన మ్యూజిక్‌తోనే కాకుండా, తన ఉదార స్వభావంతో కూడా లక్షలాది మంది అభిమానుల హృదయాలని గెలుచుకుంటున్నారు. చిన్నతనంలోనే తండ్రిని కోల్పోయి, తీవ్రమైన ఆర్థిక ఇబ్బందులను ఎదుర్కొంటూ, ఎన్నో కష్టనష్టాల నడుమ గ్రౌండ్ లెవెల్ నుంచి స్టార్ మ్యూజిక్ డైరెక్టర్‌గా ఎదిగిన ఆయన జీవిత ప్రయాణం అందరికీ ఎంతో స్ఫూర్తిదాయకం. అయితే సమాజం నుంచి తాను

'పాండవులే పాండవులే తుమ్మెద' అంటూ తెలుగు ప్రేక్షకుల మనస్సులో ఎవర్ గ్రీన్ హీరోయిన్ గా ముద్రపడిన సీనియర్ నటి షావుకారు జానకి. పద్మశ్రీ అవార్డుతో పాటు ఎన్నో ప్రతిష్టాత్మక పురస్కారాలని అందుకున్న జానకి గారు కొంతకాలంగా వృద్ధాప్య సంబంధిత ఆరోగ్య సమస్యలు, తీవ్రమైన శ్వాసకోశ ఇబ్బందులతో బాధపడుతున్నారు. దాంతో కుటుంబ సభ్యులు వారం రోజుల క్రితం చెన్నైలోని ప్రముఖ ప్రైవేటు ఆస్పత్రి కావేరిలో చేర్పించి చికిత్స అందిస్తున్నారు. నిన్న రాత్రి ఆమె ఆరోగ్య పరిస్థితి మరింత క్షీణించడంతో, వైద్యులు తక్షణమే ఇంటెన్సివ్ కేర్ యూనిట్ (ICU) కు తరలించి ప్రత్యేక పర్యవేక్షణలో అత్యవసర వైద్య సేవలు అందిస్తున్నారు. ప్రస్తుతం ఆమె ఆరోగ్య పరిస్థితి నిలకడగా ఉందని ఆస్పత్రి వర్గాలు ప్రాథమికంగా వెల్లడించినప్పటికీ, ఆరోగ్య పరిస్థితిపై పూర్తి వివరాలతో కూడిన అధికారిక హెల్త్ బులిటెన్ వెలువడాల్సి ఉంది. నాటకరంగంలో తన నట ప్రస్థానాన్ని ప్రారంభించి, వివాహం తర్వాత చిత్రసీమలోకి అడుగుపెట్టారు. 1949లో ఎన్టీఆర్ సరసన 'షావుకారు' చిత్రంతో సినీ రంగ ప్రవేశం చేయగా, ఆ సినిమా సాధించిన విజయం కారణంగా తన ఇంటిపేరునే 'షావుకారు జానకి'గా మార్చుకుని సినీ చరిత్రలో సువర్ణాక్షరాలతో నిలిచిపోయారు. ఆ మూవీ అప్పడు ఆమె వయసు పంతొమ్మిది సంవత్సరాలు. కళాత్మక నటనకు చిరునామాగా నిలిచిన ఆమె సుదీర్ఘ సినీ ప్రయాణంలో తెలుగు, తమిళం, కన్నడ మరియు మలయాళ భాషల్లో ఏఎన్ఆర్, ఎన్టీఆర్, ఎంజిఆర్, రాజ్‌కుమార్‌ వంటి అగ్ర హీరోలతో జత కట్టి తొలి పాన్ ఇండియా నటీమణులలో ఒకరిగా ప్రత్యేక ముద్ర వేశారు. 400 కి పైగా చిత్రాలు ఆమె ఖాతాలో ఉన్నాయి. భారత ప్రభుత్వం ఆమె విశిష్ట సేవా నిరతికి గుర్తించి దేశంలోనే అత్యున్నత పౌర పురస్కారమైన 'పద్మశ్రీ'తో గౌరవించింది. ఎన్నో ప్రతిష్టాత్మక అవార్డులు, రివార్డులు అందుకున్న ఈ మహానటి ఆస్పత్రి పాలయ్యారనే వార్త తెలియగానే టాలీవుడ్, కోలీవుడ్ సినీ ప్రముఖులు, అభిమానులు తీవ్ర దిగ్భ్రాంతికి గురవుతున్నారు. మహానటి త్వరగా

మెగా ప్రిన్స్ వరుణ్ తేజ్ ప్రస్తుతం కొరియన్ కనకరాజు సక్సెస్ ని ఎంజాయ్ చేస్తున్నాడు. ఐదు సంవత్సరాల తర్వాత వచ్చిన సోలో విజయం కాబట్టి కనకరాజు మూడ్ ఎలా ఉంటుందో అర్ధం చేసుకోవచ్చు. ఇటీవల ఒక ఇంటర్వ్యూ లో వరుణ్ మాట్లాడుతు ప్రేక్షకులు ఎంటర్ టైన్ మెంట్ ని కోరుకుంటున్నారనే విషయం బాగా అర్థమైందని చెప్పుకొచ్చాడంటే తన అప్ కమింగ్ సినిమాల విషయంలో ఎలాంటి జాగ్రత్తలతో ఉండబోతున్నాడో తెలుస్తుంది. వరుణ్ తేజ్ అప్ కమింగ్ సినిమాల విషయానికి వస్తే తన సోదరి నీహారిక నిర్మాణ సారధ్యంలో కమిటి కర్రోళ్ళు డైరెక్టర్ తో 'బరి' మూవీ చేస్తున్న విషయం తెలిసిందే. ఇప్పుడు తన లిస్ట్ లో తమిళ చిత్రసీమలో తనకంటూ ఒక ప్రత్యేకమైన ట్రెండ్ సృష్టించిన స్టార్ డైరెక్టర్ కార్తీక్ సుబ్బరాజ్ కలయికలో ఓ ప్రాజెక్ట్ రూపుదిద్దుకోబోతుంది. ఇటీవలే "కొరియన్ కనకరాజు" చిత్రంతో బాక్సాఫీస్ వద్ద బ్లాక్‌బస్టర్ విజయాన్ని అందుకని పూర్తి జోరు మీదున్న వరుణ్ తేజ్, తన తదుపరి సినిమాల విషయంలో చాలా ఆచితూచి అడుగులు వేస్తున్నారు. రొటీన్ మాస్, యాక్షన్ సినిమాల బాటలో వెళ్లకుండా, కథాంశంలో వైవిధ్యం ఉన్న ప్రాజెక్టులకే ప్రాధాన్యత ఇస్తూ సినీ ప్రియులను ఆకట్టుకుంటున్నారు. ఈ క్రమంలోనే కార్తీక్ సుబ్బరాజ్‌తో కలిసి ఓ విభిన్నమైన రొమాంటిక్ ఎంటర్‌టైనర్ చేయడానికి గ్రీన్ సిగ్నల్ ఇచ్చారని తెలిసింది. సాధారణంగా ప్రేమకథలంటే ఒకే రకమైన మూస ధోరణిలో, రెగ్యులర్ ఎమోషన్స్‌తో సాగుతుంటాయి. కానీ, ఈ సినిమా మాత్రం దానికి నూటికి నూరు శాతం భిన్నంగా ఉండబోతోందని సినీ వర్గాలు చెబుతున్నాయి. తన ప్రస్తుత వయస్సుకు, మెచ్యూరిటీకి సరిగ్గా సరిపోయే ఒక పరిణతి చెందిన ప్రేమకథగా ఈ చిత్రం తెరకెక్కనుందని వరుణ్ తేజ్ స్వయంగా వెల్లడించారు. ఇది రొటీన్ లవ్ స్టోరీలా కాకుండా, ప్రేక్షకులు అస్సలు ఊహించని కొత్త కోణంలో సాగుతుందని, కథనంలో ఉండే వినూత్న ట్విస్టులు ప్రతి ఒక్కరినీ ఆశ్చర్యపరుస్తాయని ఆయన పేర్కొన్నారు. కార్తీక్

పవర్ స్టార్ పవన్ కళ్యాణ్ వన్ మాన్ షో 'ఓజి' సాధించిన విజయం తాలూకు ప్రకంపనలు ఇంకా అభిమానుల మెదళ్లలో నుంచి పోలేదు. వాళ్ళకి అంత స్పెషల్ మూవీ. పవన్ కి కూడా స్పెషల్ మూవీ అని చెప్పుకోవడంలో అతుసయోక్తి లేదు. అంతలా 300 కోట్ల కలెక్షన్స్ తో ఎంటైర్ పవన్ కెరీర్ లోనే బిగ్గెస్ట్ బ్లాక్ బస్టర్ గా నిలిచింది. మరి ఈ లెక్కన ఓ OG పార్ట్ 2 పై అంచనాలు ఏ విధంగా ఉంటాయో చెప్పక్కర్లేదు. కానీ ఎప్పుడు షూటింగ్‌కి వెళ్లి కంప్లీట్ చేసుకొని ఎప్పుడు థియేటర్లలో విడుదలవుతుందనే డిస్కర్షన్ పవన్ ఫ్యాన్స్ తమ రోజు వారి దినచర్యలో భాగంగా చేర్చుకున్నారు. ఓజి పార్ట్ 2 ఎప్పుడు సెట్స్‌పైకి వెళ్తుందనే విషయానికి వస్తే నవంబర్ లో ఉంటుందనే వార్తలు వచ్చాయి. కానీ ఈ మధ్యన పవన్ వరుసగా అనారోగ్య సమస్యలకి గురి కావడంతో నవంబర్ డౌట్ అనే అంటున్నారు. తిరిగి ఎప్పుడు స్టార్ట్ అవుతుందనే విషయంలో కనీసం రూమర్ గా అయినా ఎలాంటి వార్త హల్ చల్ చేయడం లేదు. ఏది ఏమైనా అభిమానులు మాత్రం ఓజి 2 అప్ డేట్ కోసం ఎదురుచూస్తూ ఉన్నారు. పవన్ కళ్యాణ్ తన సొంత బ్యానర్ పై నిర్మిస్తున్న విషయం తెలిసిందే. యధావిధిగా సుజిత్ దర్శకుడు. ‘ఇరుముడి’కి చాలా నేషనల్ అవార్డ్స్ వస్తాయి: సంగీత దర్శకుడు జీవీ ప్రకాష్ కుమార్

గాడ్ ఆఫ్ మాసెస్ బాలకృష్ణ నటవారసుడు సెమి గాడ్ ఆఫ్ మాసెస్ గా అభిమానులు పిలుచుకుంటున్న మోక్షజ్ఞ సినీ ఎంట్రీ కోసం తెలుగు ప్రేక్షకులు ఎంతో రీగర్ గా వెయిట్ చేస్తూ ఉన్నారు. అభిమానులైతే సెల్యులాయిడ్ నందమూరి మూడో తరం వారసుడు నట విశ్వరూపాన్ని చూసే భాగ్యం కలిగించమని మొక్కని దేవుడు లేడంటే అతిశయోక్తి కాదు. దీన్ని బట్టి నందమూరి సినీ వారసత్వానికి ఉన్న చరిష్మాని అర్ధం చేసుకోవచ్చు. తాజా ఫిలింనగర్ బజ్ ప్రకారం, మెగాస్టార్ చిరంజీవి ప్రతిష్టాత్మక సోషియో ఫాంటసీ మూవీ 'విశ్వంభర'ని తెరకెక్కిస్తున్న వశిష్ట దర్శకత్వంలో మోక్షజ్ఞ డెబ్యూ ఉంటుందనే పేరు పేరు వినిపిస్తోంది. బింబిసార లాంటి విజువల్ వండర్‌తో మొదటి సినిమాతోనే బాక్సాఫీస్ వద్ద భారీ విజయాన్ని అందుకుని 70 కోట్లకు పైగా వసూళ్లతో తన ప్రతిభను నిరూపించుకున్న వశిష్ట, నందమూరి వారసుడి ఎంట్రీ కోసం ఒక అద్భుతమైన ఫాంటసీ యాక్షన్ కథని సిద్ధం చేసినట్లు సమాచారం. బాలకృష్ణ గారే స్వయంగా తన కుమారుడి డెబ్యూ గ్రాండ్ scale లో ఉండాలని, ఎలాంటి కంప్రమైజ్ కాకుండా రూ. 100 కోట్లకు పైగా భారీ బడ్జెట్‌తో ఈ చిత్రాన్ని నిర్మించేందుకు ప్రణాళికలు రచిస్తున్నారట. గతంలో 'ఆదిత్య 369' సీక్వెల్ 'ఆదిత్య 999 మ్యాక్స్' గురించి వార్తలు వచ్చినప్పటికీ, మోక్షజ్ఞను సరికొత్త మాస్ మరియు యూత్ ఫుల్ అవతార్‌లో గ్రాండ్‌గా లాంచ్ చేసేందుకే బాలయ్య నిర్ణయించుకున్నట్టుగా టాక్. త్వరలోనే ఈ మోస్ట్ అవేటెడ్ డెబ్యూ ప్రాజెక్ట్ గురించి అధికారిక ప్రకటన వెలువడే అవకాశం ఉందని కూడా అంటున్నారు. సోషల్ మీడియాలో ఈ న్యూస్ వైరల్ కావడంతో విశ్వంభర డైరెక్టర్ కూడా మంచి ఛాయస్ అనే కామెంట్స్ వినిపిస్తున్నాయి. ఆ ఇద్దరు హీరోలతో జాగ్రత్తగా ఉండు.. చరణ్ కి చిరంజీవి సలహా! బఘీరా ఇకలేడు: కంటతడి పెట్టిస్తున్న ఎన్టీఆర్ ఎమోషనల్ పోస్ట్.!

స్వయం కృషితో స్టార్ డమ్ సంపాదించాడు ఎనర్జిటిక్ స్టార్ రామ్ పోతినేని. ఇప్పుడు స్వీయ దర్శకత్వంలో తన 23 వ చిత్రాన్ని తెరకెక్కిస్తున్నాడు. వరుస పరాజయాల తర్వాత ఈసారి ఎలాగైనా సరే బాక్సాఫీస్ వద్ద తన జెండా పాతాలనే లక్ష్యంతో తెరకెక్కిస్తుండటంతో అభిమానులతో పాటు టాలీవుడ్ వ్యాప్తంగా ఆసక్తి నెలకొంది. సినిమా మేకింగ్ విషయంలో రామ్ ఎలాంటి రాజీ పడటం లేదు. ఇటీవల పుదుచ్చేరిలో జరిగిన షెడ్యూల్‌లో ఏకంగా 24 గంటల పాటు విరామం లేకుండా నాన్‌స్టాప్‌గా కీలక సన్నివేశాలను చిత్రీకరించి ఇండస్ట్రీ వర్గాలని ఆశ్చర్యపరిచాడు. భారీ వర్షాల కారణంగా ప్రస్తుతం చిత్రీకరణకు చిన్న విరామం లభించింది. అయితే ఈ గ్యాప్‌లోనే చిత్ర యూనిట్ సినిమాలోని అత్యంత కీలకమైన విలన్ పాత్ర ఎంపికపై దృష్టి సారించింది. హీరో పాత్రకు సరిసమానమైన పవర్ ఫుల్ నెగెటివ్ షేడ్స్ ఉన్న ఈ రోల్ కోసం మొదట కోలీవుడ్ వర్సటైల్ నటుడు ఎస్‌జే సూర్య పేరు ప్రముఖంగా వినిపించింది. కానీ ఆయన అడిగిన భారీ రెమ్యునరేషన్ కారణంగా మేకర్స్ ప్రత్యామ్నాయాల వైపు మొగ్గు చూపారు. ఆ తర్వాత బాలీవుడ్ దిగ్గజం జాకీ ష్రాఫ్ పేరు కూడా పరిశీలనకు వచ్చింది. అయితే చివరికి ఈ పవర్‌ఫుల్ పాత్రకు బాలీవుడ్ ప్రముఖ హీరో రితేష్ దేశ్‌ముఖ్‌ను తుది ఎంపిక చేసినట్లు సమాచారం. రితేష్ దేశ్‌ముఖ్ ఎంట్రీతో ఈ ప్రాజెక్ట్‌కి జాతీయ స్థాయిలో విపరీతమైన క్రేజ్ పెరిగింది. ఈ సర్ప్రైజింగ్ కాస్టింగ్ వెనుక ఒక ఆసక్తికరమైన స్నేహ బంధం ఉందనే వార్త ఫిల్మ్ నగర్ లో హాట్ టాపిక్‌గా మారింది. రామ్ పోతినేని, కథానాయకి జెనీలియా డిసౌజా మధ్య 'రెడీ' సినిమా సమయం నుంచే మంచి స్నేహం ఉంది. జెనీలియా భర్త అయిన రితేష్ దేశ్‌ముఖ్‌తో కూడా రామ్‌కు మంచి ఆత్మీయ అనుబంధం ఉంది. ఆ ఆత్మీయత, ప్రత్యేకమైన ఫ్రెండ్‌షిప్ వల్లే రితేష్ ఈ టాలీవుడ్ ఎంట్రీ ప్రాజెక్ట్‌కు వెంటనే గ్రీన్ సిగ్నల్

కామెడీ బ్రహ్మా బ్రహ్మానందం సృష్టించిన సినీ 'ఆరా; గురించి ఇప్పుడు ప్రత్యేకంగా చెప్పుకోవాల్సిన పని లేదు. స్టిల్ ఈ టైంకి కొన్ని లక్షల మంది బ్రహ్మానందం గారి కామెడీ వీడియోస్ చూసి రిఫ్రెష్ అవుతుంటారు. రీసెంట్ గా బ్రహ్మానందం పై అయన సోదరుడు చేసిన వ్యాఖ్యలు వైరల్ గా మారాయి. బ్రహ్మానందం అన్నయ పేరు వదన్ . ఆయన మాట్లాడుతు' మేము ఆరుగురం. నలుగురు చనిపోయారు. మిగిలింది ఇద్దరమే. ఇప్పుడు ఇక్కడ ఒంటరిగా మిగిలిపోయాను. తమ్ముడు ఒక్కసారైనా ఫోన్ చేసి ‘అన్నయ్య ఎలా ఉన్నావు?’ అని అడుగుతాడేమో అని ఆశగా ఎదురుచూస్తున్నాను. గొప్పవాళ్లు పలకరిస్తే చిన్నవారికి చాలా సంతోషంగా ఉంటుందని చెప్పుకొచ్చాడు. రామ్‌ పోతినేనికి విలన్‌గా మారిన ఆ స్టార్ హీరో!

తెలంగాణ రాష్ట్ర వ్యాప్తంగా సంక్షేమ పథకాల అమలును మరింత వేగవంతం చేస్తూ, ములుగు జిల్లాలోని ప్రముఖ పుణ్యక్షేత్రం మేడారంలో ముఖ్యమంత్రి రేవంత్ రెడ్డి చేయూత పింఛన్ల పంపిణీ కార్యక్రమాన్ని అధికారికంగా ప్రారంభించారు. వనదేవతలైన సమ్మక్క-సారలమ్మ అమ్మవార్ల సన్నిధిలో నూతన లబ్ధిదారులకు పింఛన్ల మంజూరు పత్రాలను స్వయంగా అందజేశారు. ఈ పర్యటనలో భాగంగా ముఖ్యమంత్రి గారితో పాటు పలువురు మంత్రులు, ప్రజాప్రతినిధులు అమ్మవార్లను దర్శించుకుని ప్రత్యేక పూజలు నిర్వహించారు. క్షేత్ర సంప్రదాయం ప్రకారం నిలువెత్తు బంగారాన్ని (బెల్లం) నైవేద్యంగా సమర్పించి మొక్కులు తీర్చుకున్నారు. అనంతరం పరిసర ప్రాంతాల్లో ప్రభుత్వ ఆధ్వర్యంలో జరుగుతున్న సౌకర్యాల విస్తరణ పనులను క్షుణ్ణంగా పరిశీలించారు. మేడారం పరిసరాల్లో పర్యటించిన అనంతరం గట్టమ్మ ఆలయం సమీపంలో పంచాయతీరాజ్ శాఖ ఏర్పాటు చేసిన ప్రత్యేక జ్ఞాపికను (పైలాన్) ఆవిష్కరించారు. ఆ తర్వాత ఉమ్మడి వరంగల్ జిల్లాలోని ములుగు, పరకాల ప్రాంతాల్లో పర్యటించి భారీ ఎత్తున అభివృద్ధి కార్యక్రమాలకు శ్రీకారం చుట్టారు. పరకాల నియోజకవర్గ పరిధిలో సుమారు రూ. 443.42 కోట్ల అంచనా వ్యయంతో చేపట్టనున్న పలు మౌలిక వసతుల పనులను ప్రారంభించారు. అదేవిధంగా ములుగు ప్రాంతంలో రూ. 868 కోట్ల భారీ బడ్జెట్‌తో ప్రతిపాదించిన పనులకు భూమిపూజ చేశారు. కలెక్టరేట్ ఆవరణలో నూతనంగా ఏర్పాటు చేసిన తెలంగాణ తల్లి విగ్రహాన్ని ఆవిష్కరించి, సుమారు 16 ఎకరాల్లో రూ. 63 కోట్లతో నిర్మించిన కలెక్టరేట్ సముదాయాన్ని ప్రారంభించారు. ఈ సందర్భంగా ఏర్పాటు చేసిన బహిరంగ సభలో సీఎం రేవంత్ రెడ్డి మాట్లాడుతూ, గత పాలకులు గిరిజన ప్రాంతాల అభివృద్ధిని, మేడారం క్షేత్ర విశిష్టతను పూర్తిగా విస్మరించారని విమర్శించారు. గతంలో పీసీసీ అధ్యక్షుడిగా ఉన్న సమయంలో ములుగు నేల నుంచే తమ ప్రజా యాత్రను ప్రారంభించామని, ప్రజల కష్టాలను నేరుగా తెలుసుకున్నామని గుర్తు చేసుకున్నారు. ప్రజా ప్రభుత్వం అధికారంలోకి వచ్చిన తర్వాత చారిత్రక రామప్ప దేవాలయంతో సమానంగా మేడారాన్ని సర్వాంగ సుందరంగా తీర్చిదిద్దేందుకు చర్యలు తీసుకుంటున్నామని స్పష్టం

సీఎం రేవంత్ రెడ్డి ములుగు జిల్లాలో పర్యటించారు. ఈ పర్యటనలో భాగంగా ఆసియాలోనే అతిపెద్ద గిరిజన జాతరగా పేరొందిన మేడారం క్షేత్రానికి చేరుకుని వనదేవతలైన సమ్మక్క-సారలక్క గద్దెలను దర్శించుకున్నారు. దేవతలకు మొక్కులు చెల్లించుకుని ప్రత్యేక పూజలు నిర్వహించారు. సమ్మక్క-సారక్క అమ్మవార్లను దర్శించుకున్న అనంతరం మేడారం గద్దెల పరిసరాల్లో జరుగుతున్న విస్తరణ, సౌకర్యాల కల్పన పనులను ముఖ్యమంత్రి పరిశీలించారు. జాతర ప్రాంగణంలో భక్తులకు కల్పిస్తున్న ఏర్పాట్లపై అధికారులతో మాట్లాడి పలు సూచనలు చేశారు. అనంతరం అక్కడే ఏర్పాటు చేసిన ప్రజా బహిరంగ సభకు సీఎం రేవంత్ రెడ్డి హాజరయ్యారు. కాంగ్రెస్ ప్రభుత్వం ఎంతో ప్రతిష్టాత్మకంగా అమలు చేస్తున్న 'చేయూత' పథకంలో భాగంగా నూతనంగా ఎంపికైన లబ్ధిదారులకు పింఛన్ మంజూరు పత్రాలను స్వయంగా అందజేశారు. మేడారానికి చేరుకున్న ముఖ్యమంత్రి రేవంత్ రెడ్డికి మంత్రులు ధనసరి అనసూయ (సీతక్క), మంత్రి పొంగులేటి, అడ్లూరి లక్ష్మణ్ లతో పాటు ఎంపీలు బలరాం నాయక్, కడియం కావ్య, ప్రభుత్వ విప్ రామచంద్ర నాయక్ ఇతర ప్రజాప్రతినిధులు అధికారులు ఘన స్వాగతం పలికారు. అమ్మవార్ల దర్శనం ముగించుకున్న అనంతరం సీఎం రేవంత్ రెడ్డి ములుగు గట్టమ్మ ఆలయం వద్దకు చేరుకుని తెలంగాణ వ్యాప్తంగా నిర్మిస్తున్న హ్యామ్ రహదారుల పైలాన్‌ను ఆవిష్కరించనున్నారు. రాష్ట్రవ్యాప్తంగా తొలి విడతలో భాగంగా సుమారు 3 వేల గ్రామాల్లో రహదారుల నిర్మాణానికి ఆయన శ్రీకారం చుట్టనున్నారు. ఈ పర్యటనలో భాగంగా ములుగు జిల్లా ప్రజలకు ఎంతో కాలంగా ఎదురుచూస్తున్న కొత్త కలెక్టరేట్ సముదాయాన్ని కూడా సీఎం ప్రారంభించనున్నారు. మొత్తంగా ములుగు జిల్లా ప్రగతి కోసం దాదాపు రూ.868 కోట్ల విలువైన వివిధ అభివృద్ధి పనులకు శంకుస్థాపనలు ప్రారంభోత్సవాలు చేపడుతున్నారు. రాష్ట్రంలో కాంగ్రెస్ ప్రభుత్వం అధికారంలోకి వచ్చిన తర్వాత గిరిజన ప్రాంతాల ప్రగతికి, మౌలిక వసతుల కల్పనకు ప్రాధాన్యత ఇస్తామని ఇచ్చిన హామీకి అనుగుణంగా ఈ విస్తృత పర్యటన సాగుతోంది. గిరిజన సంక్షేమంతో పాటు మారుమూల ప్రాంతాల రవాణా సౌకర్యాలను మెరుగుపరచడం

కలియుగ దైవమైన శ్రీ వేంకటేశ్వర స్వామి దివ్యక్షేత్రం తిరుమల పవిత్రతకు భంగం కలిగేలా మరొక ఘటన వెలుగులోకి రావడం తీవ్ర కలకలం రేపుతోంది. అలిపిరి మెట్ల మార్గంలో ఒక వ్యక్తి యథేచ్ఛగా సిగరెట్ తాగుతున్న దృశ్యాలు సామాజిక మాధ్యమాల్లో ప్రత్యక్షం కావడంతో భక్తులు, విపక్షాలు తీవ్ర ఆగ్రహం వ్యక్తం చేస్తున్నాయి. తిరుమల కొండకు కాలినడకన వెళ్లే అలిపిరి మెట్ల మార్గంలో దాదాపు 2,600వ మెట్టు సమీపంలో ఒక వ్యక్తి కూర్చొని ధూమపానం చేస్తున్న వీడియోను వైఎస్సార్ కాంగ్రెస్ పార్టీ సోషల్ మీడియా వేదికగా పంచుకుంది. తిరుమల పరిసరాల్లోకి సిగరెట్లు, బీడీలు వంటి నిషేధిత వస్తువులు ఎలా వస్తున్నాయంటూ ప్రభుత్వాన్ని నేరుగా ప్రశ్నించింది. ఈ ఘటనపై టీటీడీ యంత్రాంగాన్ని వైసీపీ తీవ్రస్థాయిలో నిలదీసింది. పవిత్రమైన పుణ్యక్షేత్రంలో భద్రత మరియు తనిఖీల విషయంలో రాష్ట్ర ప్రభుత్వం, టీటీడీ తీవ్రంగా విఫలమయ్యాయని ఆరోపించింది. ప్రత్యేకంగా టిటిడి ఛైర్మన్ బి.ఆర్. నాయుడును లక్ష్యంగా చేసుకుంటూ విపక్షాలు ఘాటు విమర్శలు గుప్పించాయి. తనకు ఇతర వ్యాపారాలు ఉన్నాయని, ఇదొక్కటే పని కాదని వ్యాఖ్యానించిన వ్యక్తిని దేవస్థానం ఛైర్మన్‌గా నియమించడం వల్లే ఇలాంటి నిర్లక్ష్య వైఖరి కనిపిస్తోందని వైసీపీ నాయకులు ధ్వజమెత్తారు. శ్రీవారి దర్శనానికి వచ్చే లక్షలాది మంది భక్తుల నమ్మకాలను దెబ్బతీసేలా అలిపిరి తనిఖీ కేంద్రాల వద్ద భద్రతా సిబ్బంది తీరు ఉందనే విమర్శలు వెల్లువెత్తుతున్నాయి. నిషేధిత వస్తువులు కొండపైకి రాకుండా కట్టుదిట్టమైన తనిఖీలు చేపట్టడంలో టీటీడీ భద్రతా విభాగం నిమ్మకు నీరెత్తినట్లు వ్యవహరిస్తోందని ప్రతిపక్షం ఆరోపించింది. ఈ రకమైన ఘటనలు ఆధ్యాత్మిక వాతావరణానికి హాని కలిగిస్తాయని, తిరుమల క్షేత్ర మహత్యాన్ని కాపాడటంలో కూటమి ప్రభుత్వం బాధ్యతారాహిత్యంగా వ్యవహరిస్తోందని ఆవేదన వ్యక్తం చేశారు. భద్రతా తనిఖీలను తక్షణమే సమీక్షించాలని డిమాండ్ చేశారు. తాజా ఘటనపై సాధారణ భక్తుల నుంచి కూడా తీవ్ర నిరసన వ్యక్తమవుతోంది. అలిపిరి, శ్రీవారి మెట్టు మార్గాలతో పాటు కొండపై ప్రతిపాదిత తనిఖీ వ్యవస్థను మరింత కఠినతరం చేయాలని

రాజకీయాలు వ్యాపారంగా మారాయి.. ప్రజాసేవే పరమావధిగా పనిచేయాలి సభాపతి పిలుపు..! దివంగత మాజీ ముఖ్యమంత్రి నందమూరి తారకరామారావు హయాంలో ఉన్న రాజకీయ విలువలు, క్రమశిక్షణ ప్రస్తుత రోజుల్లో మళ్లీ పునరావృతం కావాల్సిన అవసరం ఉందని ఆంధ్రప్రదేశ్ శాసనసభ స్పీకర్ చింతకాయల అయ్యన్నపాత్రుడు ఆకాంక్షించారు. గుంటూరు జిల్లా పర్యటనలో భాగంగా మీడియాతో మాట్లాడిన ఆయన, సీనియర్ రాజకీయ నాయకుడు కన్నా లక్ష్మీనారాయణ రాజకీయ ప్రస్థానాన్ని ప్రజా సేవను ప్రత్యేకంగా అభినందించారు. ప్రస్తుత రాజకీయ వాతావరణంలో ప్రజలు ఒకసారి ఎన్నుకున్న నాయకుడికే మళ్లీ అవకాశం ఇవ్వడానికి సంకోచిస్తున్న తరుణంలో, కన్నా లక్ష్మీనారాయణ వరుసగా ఆరుసార్లు ఎమ్మెల్యేగా విజయం సాధించడం ఆయన సాధించిన గొప్ప ఘనత అని స్పీకర్ పేర్కొన్నారు. నిరంతరం ప్రజల్లో ఉంటూ వారి ఆదరాభిమానాలను పొందడం వల్లనే ఇది సాధ్యమైందని చెప్పారు. రాజకీయ రంగంలోకి అడుగుపెట్టాలని భావించే వర్ధమాన నాయకులు కన్నా లక్ష్మీనారాయణను ఆదర్శంగా తీసుకుని ఆయన నుంచి అనేక విషయాలు నేర్చుకోవాలని అయ్యన్నపాత్రుడు సూచించారు. ప్రజా సమస్యల పరిష్కారం కోసం నిబద్ధతతో పనిచేసే నాయకులు అరుదుగా ఉంటారని, అందులో కన్నా ముందువరుసలో ఉంటారని కొనియాడారు. తన వద్దకు వచ్చే ప్రజలను ఆప్యాయంగా పలకరించడం, ప్రజా పనులను వెంటనే పూర్తిచేయడం కన్నా ప్రత్యేక శైలి అని స్పీకర్ విశ్లేషించారు. క్రమశిక్షణతో కూడిన రాజకీయ జీవితాన్ని గడుపుతూ, నియోజకవర్గ అభివృద్ధికి, ప్రజల సంక్షేమానికి ఆయన ఎంతో కృషి చేశారని గుర్తుచేశారు. నేటి కాలంలో రాజకీయాలు కొంతవరకు వ్యాపారాత్మక ధోరణిలోకి మారిపోవడం పట్ల అయ్యన్నపాత్రుడు ఆందోళన వ్యక్తం చేశారు. ప్రజా ప్రతినిధులు కేవలం అధికార పదవులకే పరిమితం కాకుండా, కన్నా లక్ష్మీనారాయణ తరహాలో ప్రజాసేవే ధ్యేయంగా పనిచేస్తే రాష్ట్రం మరింత వేగంగా అభివృద్ధి పథంలో పయనిస్తుందని ఆయన అభిప్రాయపడ్డారు. ఉమ్మడి రాష్ట్రంలో మంత్రిగా, సుదీర్ఘ కాలం ప్రజాప్రతినిధిగా వివిధ హోదాల్లో సేవలుందించిన కన్నా లక్ష్మీనారాయణ అనుభవం రాష్ట్రాభివృద్ధికి ఎంతగానో ఉపయోగపడుతుందని పలువురు రాజకీయ విశ్లేషకులు భావిస్తున్నారు. పార్టీలకు అతీతంగా

భారత రథసారథి, హిట్‌మ్యాన్ రోహిత్ శర్మ భవిష్యత్తుపై అంతర్జాతీయ క్రికెట్ ప్రపంచంలో ఊహాగానాలు తీవ్రంగా జోరందుకున్నాయి. 2027 వన్డే ప్రపంచకప్‌లో రోహిత్ శర్మ మైదానంలో కనిపిస్తాడా లేదా అనే ఆసక్తికరమైన చర్చ అభిమానులతో పాటు దిగ్గజ క్రికెటర్ల మధ్య నడుస్తోంది. ఇప్పటికే టెస్టులు, టీ20 అంతర్జాతీయ ఫార్మాట్లకు వీడ్కోలు పలికి కేవలం వన్డేల్లో మాత్రమే కొనసాగుతున్న రోహిత్ శర్మ కెరీర్ ప్రణాళికపై ఆస్ట్రేలియా మాజీ దిగ్గజ ఓపెనర్ మ్యాథ్యూ హేడెన్ అత్యంత కీలకమైన విశ్లేషణను పంచుకున్నాడు. 39 ఏళ్ల వయసులో కూడా రోహిత్ శర్మ ప్రదర్శిస్తున్న ఫిట్‌నెస్, అతనిలో ఇంకా మిగిలి ఉన్న ఎనర్జీ, ఆట పట్ల ఉన్న తీవ్రమైన కసిపైనే అతని 2027 వరల్డ్ కప్ ఫ్యూచర్ పూర్తిగా ఆధారపడి ఉంటుందని హేడెన్ స్పష్టం చేశాడు. ఒక వయసు వచ్చాక ప్రతి అంతర్జాతీయ ప్లేయర్‌కు ఇలాంటి ప్రశ్నలు ఎదురవ్వడం సహజమని, అంతిమంగా రిటైర్మెంట్ నిర్ణయం రోహిత్ పర్సనల్ ఛాయిస్ మాత్రమేనని హేడెన్ పేర్కొన్నాడు. గతంలో విరాట్ కోహ్లీ, గౌతమ్ గంభీర్ వంటి భారతీయ దిగ్గజాలు కూడా తమ కెరీర్ ముగింపు దశలో ఇలాంటి సవాళ్లనే ఎదుర్కొన్నారని హేడెన్ గుర్తుచేశాడు. ప్రతిరోజూ యంగ్ ఏజ్ ఎనర్జీతో మైదానంలోకి దిగి అత్యుత్తమ ప్రదర్శన చేయడం ఏ ఆటగాడికైనా పెద్ద సవాలేనని ఆయన అభిప్రాయపడ్డాడు. ఇప్పటికే సుదీర్ఘమైన టెస్ట్ క్రికెట్ నుండి తప్పుకున్నప్పటికీ, ఇండియన్ ప్రిమియర్ లీగ్ (ఐపీఎల్) కాంట్రాక్ట్‌తో పాటు బిజీగా ఉండే అంతర్జాతీయ వన్డే షెడ్యూల్‌ను హ్యాండిల్ చేయడం రోహిత్‌కు ఫిజికల్ మరియు మెంటల్ ఛాలెంజ్‌గా మారిందని తెలిపాడు. అయినప్పటికీ, మైదానంలో అడుగుపెట్టిన ప్రతిసారీ తన విధ్వంసకర బ్యాటింగ్‌తో విమర్శకుల నోళ్లు మూయించడం హిట్‌మ్యాన్‌కు మొదటి నుంచీ అలవాటేనని చెప్పడంలో ఎలాంటి సందేహం లేదు. రోహిత్ శర్మలోని బ్యాటింగ్ పవర్ ఇప్పటికీ ఏమాత్రం తగ్గలేదని నిరూపించడానికి ఇటీవల ఇంగ్లాండ్ పర్యటనలో జరిగిన వన్డే సిరీస్ ఒక గొప్ప ఉదాహరణగా నిలిచింది. ఆ జూలై వన్డే

భారత క్రికెట్ జట్టు ప్రస్తుతం కీలకమైన మార్పుల దిశగా పయనిస్తోంది. ప్రత్యేకించి రెడ్ బాల్ క్రికెట్‌లో టీమిండియా స్పిన్ రంగానికి దశాబ్ద కాలంగా వెన్నుముకగా నిలిచిన రవీంద్ర జడేజా తన కెరీర్ చరమాంకానికి చేరుకోవడంతో, భారత స్పిన్ విభాగానికి తదుపరి నాయకుడు ఎవరు అనే ప్రశ్న తీవ్రంగా వినిపిస్తోంది. శ్రీలంకతో జరుగుతున్న రెండు టెస్టుల సిరీస్ ఈ నేపథ్యంలో చైనామాన్ స్పిన్నర్ కుల్దీప్ యాదవ్‌కు అత్యంత కీలకమైన అవకాశంగా మారింది. కుల్దీప్ తన అద్భుతమైన వైవిధ్యంతో మ్యాచ్ విన్నర్‌గా పేరు తెచ్చుకున్నప్పటికీ, టెస్టుల్లో అతనికి సుదీర్ఘ కాలం పాటు క్రమం తప్పకుండా అవకాశాలు లభించకపోవడం పెద్ద లోటుగా పరిణమించింది. ఇంగ్లాండ్ పర్యటనలో ఐదు టెస్టుల సిరీస్ మొత్తం అతను రిజర్వ్ బెంచ్ కే పరిమితమవ్వడంపై క్రీడా విశ్లేషకులు ఎన్నో ప్రశ్నలు గుప్పించారు. భారత మాజీ స్పిన్నర్ మురళీ కార్తీక్ స్పందిస్తూ, జడేజా తర్వాత స్పిన్ అటాక్‌ను ముందుండి నడిపించే నాయకుడిగా ఎదగడం కుల్దీప్ యాదవ్‌కు అత్యంత కష్టతరమైన సవాల్‌ అని విశ్లేషించారు. వివిధ నాయకుల పర్యవేక్షణలో కుల్దీప్ యాదవ్ ప్రదర్శన గణాంకాలను పరిశీలిస్తే అతని సామర్థ్యం తేటతెల్లమవుతుంది. మాజీ కెప్టెన్ విరాట్ కోహ్లీ సారథ్యంలో 2017 నుండి 2021 మధ్యకాలంలో కుల్దీప్ అత్యధికంగా 75 మ్యాచ్‌లు ఆడి, 25.34 సగటుతో, 5.12 ఎకానమీ మరియు 29.6 స్ట్రైక్ రేట్‌తో 140 వికెట్లు పడగొట్టాడు. ఇందులో 4 సార్లు ఐదు వికెట్ల ప్రదర్శనలు ఉన్నాయి, అత్యుత్తమ ప్రదర్శన 6/25 గా నమోదైంది. అలాగే రోహిత్ శర్మ కెప్టెన్సీలో 2017 నుండి 2025 వరకు 62 మ్యాచ్‌లలో పాల్గొని, 20.92 అత్యుత్తమ సగటుతో, 4.57 ఎకానమీ మరియు 27.4 స్ట్రైక్ రేట్‌తో 116 వికెట్లు సాధించాడు, అందులో 2 ఐదు వికెట్ల ప్రదర్శనలు ఉన్నాయి. ఇక శుభ్‌మన్ గిల్ నాయకత్వంలో 2025 నుండి 2026 మధ్య 9 మ్యాచ్‌లు ఆడి 27.65 సగటు, 4.10 ఎకానమీ మరియు

పాకిస్థాన్ రాజకీయ నాయకులకు, ఉగ్రవాదులకు ఉన్న అనుబంధం మరో సారి వెల్లడైంది. ఆ దేశ మాజీ మంత్రి, అవామీ ముస్లిం లీగ్ అధినేత షేక్ రషీద్ అహ్మద్ ఉగ్రవాదులతో వేదిక పంచుకున్నారు. నిషేధిత ఉగ్ర సంస్థ లష్కరే తోయిబాకు చెందిన కీలక ఉగ్ర నేతలతో ఒకే వేదికపై ప్రత్యక్షమైన పాకిస్థాన్ మాజీ అంతర్గత వ్యవహారాల శాఖ మంత్రి, అవామీ ముస్లిం లీగ్ అధినేత షేక్ రషీద్ అహ్మద్ చేసిన వ్యాఖ్యలు తీవ్ర కలకలం రేపుతున్నాయి. అంతర్జాతీయంగా నిషేధిత ఉగ్రవాద సంస్థ లష్కరే తోయిబాకు చెందిన కీలక నాయకులతో కలిసి ఒకే వేదికపై ప్రత్యక్షమైన ఆయన షేక్ రషీద్ అహ్మద్ ఇండియాపై విషం కక్కారు. విద్వేష పూరిత వ్యాఖ్యతో విరుచుకుపడ్డారు. పాకిస్థాన్ మాజీ మంత్రి, రాజకీయ నాయకుడు ఉగ్రవాదులతో ఒకే వేదికపై కూర్చుని భారత్ అంతు చూస్తామంటూ చేసిన వ్యాఖ్యలు ప్రపంచ వ్యాప్తంగా సంచలనం సృష్టిస్తున్నాయి. ఒక బహిరంగ సభలో షేక్ రషీద్ అహ్మద్ లష్కరే తోయిబా సీనియర్ కమాండర్ ఖలీద్ మసూద్ సంధు, ఆ ఉగ్ర సంస్థ కేంద్ర సలహా మండలి సభ్యుడు ఖారీ మహమ్మద్ యాకూబ్ షేక్‌లతో కలిసి వేదికను పంచుకున్నారు. ఆ సందర్భంగా ప్రసంగించిన ఆయన తాను లష్కరే తోయిబా వ్యవస్థాపకుడు, మోస్ట్ వాంటెడ్ ఉగ్రవాది హఫీజ్ సయీద్‌కు బానిసనని బాహాటంగా ప్రకటించారు. భారత్ గనుక పాకిస్థాన్ వైపు కన్నెత్తి చూస్తే.. ఆ దేశాన్ని దేవుడు నాశనం చేస్తాడంటూ శాపనార్ధాలు పెట్టారు. భారత్‌పై దాడి జరిగితే అక్కడ పక్షులు కూయవని, ఆలయాల్లో గంటలు డా మోగవనీ హెచ్చరికలు జారీ చేశారు. గతంలో తాను అమెరికా పర్యటనలో ఉన్న సమయంలో తన ఫోన్‌లో హఫీజ్ సయీద్ ఫోన్ నంబర్ ఉండటంతో అమెరికా అధికారులు తనను ఆ దేశం నుంచి బహిష్కరించారని రషీద్ స్వయంగా వెల్లడించారు. ఇమ్రాన్ ఖాన్ నేతృత్వంలోని పాకిస్థాన్ ప్రభుత్వంలో 2020 నుంచి 2022 వరకు మంత్రిగా షేక్ రషీద్ కీలక

వైసీపీ మాజీ నాయకుడు, మాజీ ఎంపీ విజయసాయి రెడ్డి ఏపీ రాజకీయాల్లో మళ్లీ చర్చనీయాంశంగా మారారు. ఇటీవల రాజకీయాలకు కొంత దూరంగా ఉంటున్నట్లు సంకేతాలు ఇచ్చినప్పటికీ.. ఆయన అడుగులు మాత్రం రాజకీయంగా ఆయన వ్యూహాత్మకంగా ముందుకు సాగుతున్నయని అనిపిం చకతప్పదు. దీనిపై ప్రముఖ విశ్లేషకుడు భరద్వాజ తెలుగువన్ న్యూస్ చానల్ లో ప్రత్యేకంగా మాట్లాడుతూ.. హైదరాబాద్‌ ఫిలింనగర్ కేంద్రంగా కార్యాలయం ఏర్పాటు చేయడం, నూతన మీడియా సంస్థ స్థాపనకు యత్నాలు జరపడం ఆయన వ్యూహాత్మకంగా ముందుకు సాగుతున్నారన్న సంకేతాలేనన్నారు. తాజాగా భారత్ జన వికాస్ పేరిట ఆయన ఒక కొత్త జాతీయ పార్టీ ఆలోచన వెనుక వేరే వ్యూహం ఉందన్నారు. వైసీపీ అధినేత జగన్ పై ఒత్తిడి పెంచి, లేదా బ్లాక్ మెయిల్ చేసి పార్టీలో లేదా ఢిల్లీ నెట్‌వర్క్ బాధ్యతల్లో తిరిగి పట్టు సాధించేందుకు చేస్తున్న ప్రయత్నమా అన్న అనుమానాన్ని భరద్వాజ వ్యక్తం చేశారు. ఢిల్లీ స్థాయిలో వైసీపీకి లైజనింగ్ బాధ్యతలు చూసే సరైన నేత అవసరం ఉన్నందున, జగన్ పిలుపు కోసం ఈ సంకేతాలు పంపుతున్నారని విశ్లేషించారు. కొత్త పార్టీ స్థాపన కాకుండా బిజెపి లేదా జనసేన వైపు విజయసాయి రెడ్డి అడుగులు వేసే అవకాశాలు ఉన్నాయనే వార్తలు కూడా వినిపిస్తున్నాయన్న భరద్వాజ.. జనసేనాని పవన్ కళ్యాణ్‌తో ఉన్న సాన్నిహిత్యం దృష్ట్యా ఆ పార్టీలోకి వెళ్తారా లేక స్వతంత్రంగానే ఒక జాతీయ పార్టీకి నాయకత్వం వహిస్తారా అనేది చూడాల్సి ఉందన్నారు. మీడియా ఛానెల్ ఏర్పాటు ప్రక్రియ ద్వారా విజయసాయి, తనకంటూ ఒక వేదికను సిద్ధం చేసుకుంటున్నారన్నది వాస్తవమన్నారు

బీఆర్ఎస్ అధినేత, మాజీ ముఖ్యమంత్రి కల్వకుంట్ల చంద్రశేఖరరావుకు కోర్టు మళ్లీ నోటీసులు జారీ చేసింది. కాళేశ్వరం ఎత్తిపోతల పథకంలోని మేడిగడ్డ బ్యారేజీ కుంగుబాటు కేసు విచారణకు సంబంధించి కేసీఆర్ కు జయశంకర్ భూపాలపల్లి జిల్లా కోర్టు మరోసారి నోటీసులు జారీ చేసింది. గతంలో కోర్టు ద్వారా జారీ అయిన నోటీసులు కేసీఆర్‌కు సక్రమంగా చేరలేదని వెల్లడవ్వడంతో.. న్యాయస్థానం తాజాగా ఈ నిర్ణయాన్ని తీసుకుంది. గత విచారణల సందర్భంగా మాజీ సీఎం కేసీఆర్‌కు పంపిన నోటీసులు ఆయనకు అందలేదని తేలడంపై న్యాయమూర్తి.. ఈసారి ఎలాంటి సాంకేతిక విఘాతాలు లేదా డెలివరీ సమస్యలు తలెత్తకుండా పక్కాగా నోటీసులు అందజేయాలని స్పష్టమైన ఆదేశాలు ఇచ్చారు. నోటీసుల జారీ ప్రక్రియను త్వరితగతిన పూర్తి చేసి, ప్రతివాదికి సమాచారం అందినట్లు రుజువులను న్యాయస్థానం ముందు ఉంచాన్నారు. పిటిషన్‌లో పేర్లు ఉన్న ప్రతివాదులందరికీ నోటీసులు సమర్పించాల్సిన బాధ్యతను సంబంధిత యంత్రాంగానికి కోర్టు అప్పగించింది. కాళేశ్వరం ప్రాజెక్టు పనుల్లో భాగమైన మేడిగడ్డ బ్యారేజీ నిర్మాణంలో నాణ్యతా లోపాలు జరిగాయని, అలాగే నిధుల వినియోగంలో భారీగా అక్రమాలు చోటుచేసుకున్నాయని ఆరోపిస్తూ గతంలో రాజలింగమూర్తి అనే వ్యక్తి భూపాలపల్లి జిల్లా కోర్టును ఆశ్రయించారు. ఈ వ్యవహారంపై సమగ్ర విచారణ జరిపి బాధ్యులపై చర్యలు తీసుకోవాలని కోరుతూ ఆయన ఒక ప్రైవేట్ పిటిషన్‌ను దాఖలు చేశారు. ఈ పిటిషన్‌ను విచారణకు స్వీకరించి, నాటి ముఖ్యమంత్రి కేసీఆర్‌తో పాటు సంబంధిత శాఖ అధికారులు, కాంట్రాక్టు సంస్థలకు నోటీసులు జారీ చేసే ప్రక్రియను ప్రారంభించింది. అయితే ఈ కేసు విచారణ కొనసాగుతున్న సమయంలో పిటిషనర్ రాజలింగమూర్తి అనారోగ్యంతో మరణించారు. దీంతో పిటిషనర్ మృతి చెందడం వల్ల ఈ కేసు విచారణ ఆగిపోతుందా అనే సందేహాలు సర్వత్రా వ్యక్తమయ్యాయి. ఈ తరుణంలో ఈ అంశం తెలంగాణ హైకోర్టు దృష్టికి వెళ్లగా.. అత్యున్నత న్యాయస్థానం ఈ విషయంలో స్పష్టమైన తీర్పునిచ్చింది. ప్రజా ప్రయోజనాలు, ప్రాజెక్టు భద్రతతో ముడిపడి ఉన్న అంశం కాబట్టి పిటిషనర్ మరణించినప్పటికీ

వైసీపీ ఎమ్మెల్యే తాటిపర్తి వ్యాఖ్యలు సర్వత్రా వైరల్ అవుతున్నాయి. ప్రకాశం జిల్లా ఎర్రగొండపాలెం ఎమ్మెల్యే తాటిపర్తి చంద్రశేఖర్ గ్రాడ్యుయేట్.. ఎక్కడ చవిరారో, ఎలా పాస్ అయ్యారో అనే అనుమానాలు కలిగేలా ఆయన మాటలు ఉన్నాయి. అమరావతిని అంతర్జాతీయ ప్రమాణాలతో కూడిన గ్రీన్ ఫీల్డ్ స్మార్ట్ సిటీగా ప్రణాళికా బద్ధంగా ముందుకు సాగుతోంది. అందులో భాగంగానే నగరంలో ఎక్కడా పైకి కరెంట్ వైర్లు, విద్యుత్ స్తంభాలు కనిపించకుండా, అండర్ గ్రౌండ్ కేబులింగ్ వ్యవస్థను ప్రత్యేకంగా డిజైన్ చేశారు. అంతర్జాతీయ నగరాల తరహాలో అమరావతి వీధుల కింద విద్యుత్, డ్రైనేజీ, కమ్యూనికేషన్ కేబుళ్ల నిర్వహణ కోసం డక్ట్ సిస్టమ్‌ను నిర్మించారు. ఈ సాంకేతిక అంశాలపై కనీస అవగాహన లేకుండా తాటిపర్తి చంద్రశేఖర్ ఇటీవల చేసిన వ్యాఖ్యలు ఆయన పరువును నిండా తీయడమే కాకండా వైసీపీని నవ్వుల పాలు చేశాయి. అమరావతి నిర్మాణ పనులు వేగంగా ముందుకు సాగుతుండటం.. సహజంగానే వైసీపీయులకు మింగుడు పడటంలేదు. ఆ క్రమంలోనే.. వైసీపీ అధినేత జగన్.. అమరావతి కాదు మావిగన్ రాజధాని అంటూ ప్రతిపాదన చేసి నవ్వుల పాలయ్యారు. మొత్తంగా వైసీపీయులు తమ అమరావతి వ్యతిరేకతను దాచుకోవడానికి ఇసుమంతైనా ప్రయత్నించకుండా ఇష్టారీతి వ్యాఖ్యలతో ప్రజా వ్యతిరేకతను మూటగట్టుకుంటున్నారు. ఆ క్రమంలోనే అమరావతి అండర్ గ్రౌండ్ పవర్ గ్రిడ్ నెట్‌వర్క్ అంటే ఏమిటో కూడా తెలియని అజ్ణానంతో ఎమ్మెల్యే తాటిపర్తి చంద్రశేఖర్ చేసిన వ్యాఖ్యలతో తెగ ట్రోలింగ్ కు గురౌతున్నారు. ఇటీవల మీడియాతో మాట్లాడిన తాటిపర్తి చంద్రశేఖర్ అమరావతిపై విమర్శలు గుప్పిస్తూ.. అడ్డంగా బుక్కయ్యారు. తెలుగుదేశం కూటమి ఆధ్వర్యంలో జరుగుతున్న పనులలో తప్పులను చూపడమే లక్ష్యంగా సాగిన ఆయన ప్రెస్ మీట్ లో దేశంలోనే ఫ్రీ పోల్ సిటీగా రూపుదిద్దుకుంటున్న అమరావతిలో విద్యుత్ స్తంభాలను అండర్ గ్రౌండ్ లో పెడితే.. జనాలకు షాక్ కొట్టదా అంటూ ప్రశ్నించి, ఈ విధానాన్ని ఖండిస్తున్నానంటూ గంభీరమైన స్టేట్ మెంట్ ఇచ్చేశారు. ఒకవేళ ఈ విషయం మీద అవగాహన

ఏపీ పాలిటిక్స్ లో ఆసక్తికరమైన పరిణామం చోటుచేసుకోబోతోంది. తెలుగుదేశం వ్యవస్థాపకుడు నందమూరి తారక రామారావు (ఎన్టీఆర్) మనవడు, పురందేశ్వరి కుమారుడు దగ్గుబాటి హితేష్ చెంచురాం త్వరలోనే తెలుగుదేశం పార్టీలో చేరనున్నారు. నందమూరి, దగ్గుబాటి, నారా కుటుంబాల మధ్య సంబంధాలు మళ్లీ బలపడుతున్న తరుణంలో.. హితేష్ చెంచురాం టిడిపి కండువా కప్పుకోనున్నారన్న ప్రచారం జోరుగా సాగుతోంది. తెలుగుదేశం ఆవిర్భావం నుంచి ఎన్టీఆర్ కుటుంబ సభ్యులు ఆ పార్టీలో అత్యంత కీలక పాత్రలను పోషిస్తూ వస్తున్నారు. ప్రస్తుతం ఎన్టీఆర్ అల్లుడు నారా చంద్రబాబు నాయుడు తెలుగుదేశం అధినేతగా, ఆయన కుమారుడు, ఎన్టీఆర్ మనవడు నారా లోకేష్ పార్టీ జాతీయ కార్యదర్శిగా ఉన్నారు. ఇక ఎన్టీఆర్ కుమారుడు నందమూరి బాలకృష్ణ హిందూపురం ఎమ్మెల్యేగా, పార్టీ పొలిట్ బ్యూరో సభ్యుడిగా ఉన్నారు. ఇక ఎన్టీఆర్ మరో కుమారుడు దివంగత హరికృష్ణ కుమార్తె సుహాసిని పార్టీ కార్యక్రమాలలో చురుకుగా పాల్గొంటున్నారు. ఇప్పుడు తాజాగా దగ్గుబాటి పురందేశ్వరి కుమారుడు హితేష్ తెలుగుదేశం ద్వారా ప్రత్యక్ష రాజకీయాలలోకి అడుగు పెట్టనున్నారు. కుటుంబ బంధాలు, రాజకీయ వేదికలు ఏకతాటిపైకి రావడం పార్టీలో నూతనోత్తేజాన్ని నింపుతుందని పరిశీలకులు అంటున్నారు. లభిస్తుందని విశ్లేషకులు భావిస్తున్నారు. దగ్గుబాటి హితేష్ రాజకీయ ప్రవేశం వెనుక కుటుంబ పెద్దల సహకారం, పొత్తుల సమీకరణాలు ఉన్నాయని అంటున్నారు. గతంలో జరిగిన కొన్ని రాజకీయ పరిణామాల కారణంగా దగ్గుబాటి కుటుంబం తెలుగుదేశం పార్టీకి దూరంగా ఉంటూ వచ్చింది. అయితే మారుతున్న పరిస్థితులకు అనుగుణంగా చంద్రబాబు నాయకత్వంలో తెలుగుదేశం పార్టీలో క్రియాశీలంగా పనిచేసేందుకు హితేష్ ను తెలుగుదేశంలో చేర్చడం ద్వారా ఈ దూరం తగ్గుతుందని భావిస్తున్నారు. బాపట్ల జిల్లా కారంచేడు పరిధిలో ఇటీవల జరిగిన పలు అభివృద్ధి కార్యక్రమాల్లో హితేష్ క్రియాశీలకంగా పాల్గొన్నారు. అలాగే స్థానిక ప్రజా సమస్యల పరిష్కారానికి సొంతంగా నిధులు కేటాయించడం వంటి అంశాలు ఆయన రాజకీయ ప్రవేశానికి సంకేతాలుగా పరిశీలకులు విశ్లేషిస్తున్నారు. 2019 శాసనసభ ఎన్నికలకు ముందు దగ్గుబాటి వెంకటేశ్వరరావు, ఆయన కుమారుడు

ప్రతిష్ఠ పరంగా ఏపీ పాలిటిక్స్ లో వైసీపీ పరిస్థితి అత్యంత దయనీయంగా ఉంది. 2024 ఎన్నికలలో ఘోర పరాజయం తరువాత ఈ రెండేళ్లలో వైసీపీ రాష్ట్రంలో బలం పుంజుకునే దిశగా ఒక్కటంటే ఒక్క అడుగు కూడా ముందుకు వేయలేదు. అసెంబ్లీకి ముఖం చాటేయడం దగ్గర నుంచి, వైసీపీ అధినేత జగన్ చుట్టపు చూపుగా రాష్ట్రానికి రావడం వరకూ వైసీపీ చర్యలన్నీప్రజలకు దూరం జరిగేలాగే ఉన్నాయి. వైసీపీ అధినేత అడపాదడపా చేపట్టే నిరసన కార్యక్రమాలలోనూ ఆ పార్టీ జనాలకు చేరువకావడం అటుంచి అతి తీరుతో దూరం అవుతూనే వస్తోంది. తాజాగా మెగా డీఎస్సీలో అక్రమాలంటూ చేపట్టిన నిరసన కార్యక్రమాలలో వైసీపీ తెగింపు ఏ స్థాయికి చేరిందో తేటతెల్లమైంది. మెగా డీఎస్సీకి వ్యతిరేకంగా వైసీపీ నిరసనలను తప్పుపడుతూ... మెగా డీఎస్సీ ద్వారా ఎంపికైన ఉపాధ్యాయులు భారీ ప్రదర్శన నిర్వహించి, వైసీపీ ఆందోళనలకు వ్యతిరేకంగా నినదించారు. ఆత్మగౌరవం పేరుతో నూతనంగా ఎంపికైన ఉపాధ్యాయులు నిరసనకు దిగడంతో.. వైసీపీ కంగుతింది. అయినా మెగా డీఎస్సీ వ్యతిరేక ఆందోళన ఆపలేదు సరికదా.. ఏకంగా తమ నిరసనలకు సొంతంగా ప్రైవేట్ పోలీసు పార్టీనే ఏర్పాటు చేసుకుంది. ఉమ్మడి చిత్తూరు జిల్లా చంద్రగిరి నియోజకవర్గంలో వైసీపీ ప్రైవేటు పోలీస్ సైన్యం రంగంలోకి దిగింది. పోలీసులు, చిహ్నాలు ధరించిన ప్రైవేటు పోలీసు పార్టీ వైసీపీ నిరసనల్లో ప్రత్యక్షం కావడంతో.. నిజమైన పోలీసులు రంగ ప్రవేశం చేసి ఈ ప్రైవేట్ పోలీసులను అదుపులోనికి తీసుకున్నారు. ఎందుకంటే.. చట్ట ప్రకారం.. ప్రభుత్వ పోలీస్ యూనిఫామ్‌ను గానీ, పోలీస్ చిహ్నాలను గానీ పోలి ఉండే దుస్తులు ధరించడం నేరం. పోలీస్ శాఖ ఉపయోగించే ప్రత్యేకమైన బిల్లలు, స్టార్లు , టోపీలు వంటివి ప్రైవేటు వ్యక్తులు వాడటం శిక్షార్హమైన నేరం. ఆ నేరం చేసినందునే.. పోలీసులు వారిని అరెస్టు చేశారు. కాగగా వైసీపీ ప్రైవేటు పోలీసులకు చెందిన వీడియోలు సోషల్ మీడియాలో విపరీతంగా వైరల్ అయ్యాయి. నెటిజనులు వైసీపీ తెగింపునకు, అరాచకత్వానికీ

భారతీయ ప్రైమరీ స్టాక్ మార్కెట్‌లో లీప్ ఇండియా లిమిటెడ్ (LEAP India Ltd) ఐపీఓ పెట్టుబడిదారుల దృష్టిని విశేషంగా ఆకర్షిస్తోంది. ఆగస్టు 7, 2026న ప్రారంభమైన ఈ పబ్లిక్ ఇష్యూ బిడ్డింగ్ ప్రక్రియ ఈరోజు, అంటే ఆగస్టు 11, 2026తో ముగియనుంది. దీంతో పెట్టుబడిదారులు ఈ ఐపీఓలో దరఖాస్తు చేసుకోవడానికి కేవలం ఒక్క రోజు మాత్రమే సమయం ఉంది. సరఫరా సిస్టమ్ మరియు లాజిస్టిక్స్ రంగంలో తనకంటూ ఒక ప్రత్యేక గుర్తింపు తెచ్చుకున్న లీప్ ఇండియా, తన ఈక్విటీ షేర్ల ధరల శ్రేణిని (Price Band) రూ. 151 నుండి రూ. 159 గా నిర్ణయించింది. కంపెనీ మార్కెట్ నుండి మొత్తం రూ. 2,480 కోట్లను సమీకరించడమే లక్ష్యంగా పెట్టుకుంది. ఈ బుక్-బిల్ట్ పబ్లిక్ ఆఫరింగ్‌లో రూ. 480 కోట్ల విలువైన 3.02 కోట్ల కొత్త షేర్ల జారీ (Fresh Issue) తో పాటు, రూ. 2,000 కోట్ల విలువైన 12.58 కోట్ల షేర్ల ఆఫర్ ఫర్ సేల్ (OFS) భాగం కూడా ఉంది. ఈ ఆఫర్ ఫర్ సేల్ విభాగంలో, కేకేఆర్ (KKR) మద్దతు ఉన్న వర్టికల్ హోల్డింగ్స్ II సంస్థ సుమారు రూ. 1,998.6 కోట్ల విలువైన షేర్లను విక్రయిస్తుండగా, మిగిలిన షేర్లను ప్రమోటర్ గ్రూప్ సంస్థ అయిన కేఐఏ ఈబీటీ స్కీమ్ 3 (KIA EBT Scheme 3) విక్రయానికి ఉంచింది. బిడ్డింగ్ పూర్తయిన తర్వాత, షేర్ల కేటాయింపు ప్రక్రియ ఆగస్టు 12న పూర్తికానుండగా, నేషనల్ స్టాక్ ఎక్స్ఛేంజ్ (NSE), బాంబే స్టాక్ ఎక్స్ఛేంజ్ (BSE) లలో ఆగస్టు 14, 2026న ఈ కంపెనీ షేర్లు లిస్ట్ కానున్నాయి. ఇక మార్కెట్ క్రేజ్ విషయానికి వస్తే, గ్రే మార్కెట్‌లో లీప్ ఇండియా షేర్లు మంచి ప్రీమియంతో ట్రేడ్ అవుతున్నాయి. ఇన్వెస్టర్‌గేన్ మూలాల ప్రకారం, ఈరోజు లీప్ ఇండియా ఐపీఓ గ్రే మార్కెట్ ప్రీమియం (GMP) రూ. 13 గా నమోదైంది

ఆస్ట్రేలియా దేశ భవిష్యత్తును, మౌలిక వసతుల ప్రణాళికలను నిర్దేశించే అత్యంత కీలకమైన ఆస్ట్రేలియన్ సెన్సస్ (Australian Census 2026) ప్రక్రియ మళ్లీ మన ముందుకు వచ్చింది. ఆస్ట్రేలియన్ బ్యూరో ఆఫ్ స్టాటిస్టిక్స్ (ABS) ప్రతి ఐదేళ్లకు ఒకసారి దేశవ్యాప్తంగా ఉన్న జనాభా, గృహాల సమగ్ర వివరాలను సేకరిస్తుంది. గతంలో 2021లో విజయవంతంగా నిర్వహించిన ఈ జనాభా గణన, ఇప్పుడు 2026లో అత్యంత సమగ్రంగా ప్రారంభమవుతోంది. ఈ ప్రక్రియ ద్వారా లభించే ఖచ్చితమైన డేటా ఆధారంగానే ఆస్ట్రేలియా ప్రభుత్వం కొత్త పాఠశాలలు, ఆసుపత్రులు, రవాణా సౌకర్యాలు మరియు నివాస గృహాల వంటి అత్యవసర సేవలను ప్లాన్ చేస్తుంది. కాబట్టి ఆస్ట్రేలియాలో నివసిస్తున్న ప్రతి ఒక్కరి భాగస్వామ్యం ఈ జాతీయ యజ్ఞంలో ఎంతో కీలకం. ఈ 2026 జనాభా లెక్కలకు సంబంధించిన అత్యంత ముఖ్యమైన రోజు "సెన్సస్ నైట్" (Census Night). అది 2026 ఆగస్టు 11, మంగళవారం నాటి రాత్రిగా నిర్ణయించబడింది. ఆ రాత్రికి మీరు ఎక్కడ నివసిస్తున్నారు, మీ ఇంట్లో ఎంతమంది వ్యక్తులు ఉన్నారు అనే వివరాలను ఆధారంగా చేసుకుని ఈ ఫారమ్‌ను పూర్తి చేయాల్సి ఉంటుంది. ఒకవేళ మీ ప్రయాణ ప్రణాళికలు ముందే ఖాయమై ఉంటే, మీరు నిర్ణీత తేదీ కంటే ముందే ఈ ఫారమ్‌ను పూర్తి చేసి సమర్పించవచ్చు. ప్రణాళికలలో ఏమైనా మార్పులు ఉండే అవకాశం ఉంటే మాత్రం ఆగస్టు 11 రాత్రి వరకు వేచి చూసి సమాచారం నమోదు చేయడం ఉత్తమం. అనేకమందికి ఉన్న ఒక పెద్ద సందేహం ఏంటంటే, ఆగస్టు 11 మంగళవారం నాడే ఫారమ్ సమర్పించడం చివరి గడువా అని. అయితే ABS స్పష్టం చేసిన దాని ప్రకారం, అది కఠినమైన ఆఖరి తేదీ ఏమీ కాదు. మీరు ఆగస్టు 11న ఫారమ్ సమర్పించలేకపోయినా, తర్వాతి రోజు బుధవారం, గురువారం, శుక్రవారం లేదా ఆ తర్వాతి రోజుల్లో కూడా ఆన్‌లైన్ లేదా పేపర్ ఫారమ్ ద్వారా మీ

డిజిటల్ విప్లవం మరియు వేగవంతమైన ఇంటర్నెట్ సదుపాయాలు నేడు మనుషుల జీవితాల్లో, వ్యాపార రంగంలో మరియు వ్యక్తిగత ఆశయ సాధనలో ఊహించని మార్పులను తీసుకువస్తున్నాయి. ఇటీవల బ్రిటన్‌లో నిర్వహించిన ఒక సమగ్ర సర్వేలో వెల్లడైన విశేషాలు ప్రపంచవ్యాప్తంగా ప్రతీ ఒక్కరినీ ఆకట్టుకుంటున్నాయి. బ్రిటన్‌లోని ప్రముఖ టెలికాం సంస్థ వోడాఫోన్ చేపట్టిన ఈ అధ్యయనంలో తేలిన వివరాల ప్రకారం, నేడు ప్రజలు తమ కలలను, ఆశయాలను నెరవేర్చుకోవడంలో డిజిటల్ కనెక్టివిటీ అత్యంత కీలక పాత్ర పోషిస్తోంది. ఈ పరిశోధన ప్రకారం, బ్రిటన్‌లో దాదాపు 85 శాతం మంది ప్రజలు తమ జీవితంలో ఏదో ఒక పెద్ద ఆశయాన్ని లేదా లక్ష్యాన్ని సాధించే దిశగా నిరంతరం కృషి చేస్తున్నారు. నేటి ఆధునిక సాంకేతిక యుగంలో తమ కలలను సాకారం చేసుకోవడానికి గతంలో కంటే మెరుగైన అవకాశాలు లభిస్తున్నాయని, దాదాపు 40 శాతం మంది ప్రజలు తాము మునుపెన్నడూ లేనంత ఆశయంతో, ఉత్సాహంతో ఉన్నామని స్పష్టంగా తెలిపారు. ఈ డిజిటల్ యుగంలో అవకాశాలను వెతుక్కోవడం మరియు పట్టుకోవడం చాలా సులభతరమైందని సర్వేలో పాల్గొన్న 55 శాతం మంది అభిప్రాయపడ్డారు. సాంకేతికత అందుబాటులోకి రావడంతో తమ నైపుణ్యాలను పెంపొందించుకోవడం, కొత్త విషయాలు నేర్చుకోవడం, డిజిటల్ నెట్‌వర్కింగ్ పెంచుకోవడం ఎంతో తేలికైందని వారు భావిస్తున్నారు. అయితే, తమ ఆశయాల వైపు అడుగులు వేయడం కొంచెం త్వరగా ప్రారంభించి ఉంటే బాగుండేదని 20 శాతం మంది ఆవేదన వ్యక్తం చేశారు. మెరుగైన డిజిటల్ కనెక్టివిటీ మరియు హై-స్పీడ్ ఇంటర్నెట్ తమ లక్ష్యాలను చేరుకోవడంలో సానుకూల ప్రభావాన్ని చూపిస్తుందని 42 శాతం మంది విశ్వసిస్తున్నారు. అంతేకాకుండా, ఐదు లేదా పదేళ్ల క్రితంతో పోలిస్తే నేడు తాము తమ కలలను నెరవేర్చుకోవడానికి ఎంతో అనుకూలమైన వాతావరణంలో ఉన్నామని 49 శాతం మంది ధీమాగా చెబుతున్నారు. ఇది డిజిటల్ విప్లవం తీసుకొచ్చిన గొప్ప మార్పుకు స్పష్టమైన నిదర్శనంగా నిలుస్తోంది. ప్రజలలో ఆశయాలు ఎంత ఎక్కువగా ఉన్నప్పటికీ, వాటి

భారత టెస్టు క్రికెట్ జట్టులో యువ బ్యాటర్ సర్ఫరాజ్ ఖాన్ రీ-ఎంట్రీ ఇవ్వడం ఇప్పుడు తీవ్ర చర్చనీయాంశంగా మారింది. గాయపడిన సాయి సుదర్శన్ స్థానంలో శ్రీలంకతో జరగబోయే రెండు టెస్టుల సిరీస్ కోసం సర్ఫరాజ్ ఖాన్‌ను జట్టులోకి తీసుకోవడం క్రికెట్ వర్గాల్లో పెద్ద ఎత్తున ఆసక్తిని రేకెత్తించింది. అయితే, గత కొంతకాలంగా సర్ఫరాజ్‌ను జట్టుకు దూరం ఉంచడంపై భారత మాజీ క్రికెటర్ మొహమ్మద్ కైఫ్ తీవ్రస్థాయిలో ప్రశ్నలు గుప్పించారు. తన యూట్యూబ్ ఛానెల్‌లో మాట్లాడిన కైఫ్, సర్ఫరాజ్ ఖాన్‌ను తుది జట్టు నుంచి తొలగించడానికి అతని ప్రదర్శన ఎంతమాత్రం కారణం కాదని స్పష్టం చేశారు. ఫామ్‌లో ఉండి, వరుసగా పరుగులు చేస్తున్నప్పటికీ అతనిపై పక్కనబెట్టే నిర్ణయం ఎందుకు తీసుకున్నారో అర్థం కావడం లేదని ఆయన విమర్శించారు. గతంలో ఇంగ్లాండ్, న్యూజిలాండ్ లాంటి బలమైన జట్లపై సర్ఫరాజ్ అద్భుతమైన ప్రదర్శన కనబరిచాడు. భారత టెస్టు క్రికెట్ చరిత్రలో తనదైన ముద్ర వేసిన సర్ఫరాజ్ ఖాన్, ఇప్పటివరకు ఆడిన 6 టెస్టు మ్యాచ్‌ల్లో 37.10 సగటుతో 371 పరుగులు సాధించాడు. ఇందులో ఒక చిరస్మరణీయ సెంచరీతో పాటు 3 అర్ధసెంచరీలు ఉన్నాయి. ముఖ్యంగా న్యూజిలాండ్‌తో జరిగిన మ్యాచ్‌లో అతను సాధించిన 150 పరుగుల ఇన్నింగ్స్ అతని ప్రతిభకు, క్లిష్ట పరిస్థితుల్లోనూ నిలబడే తత్వానికి అద్దం పట్టింది. అయినప్పటికీ, నవంబర్ 2024 లో న్యూజిలాండ్‌తో మ్యాచ్ ఆడిన తర్వాత అతనికి తగిన అవకాశాలు లభించకపోవడం కైఫ్‌ను ఆశ్చర్యానికి గురిచేసింది. సర్ఫరాజ్ బ్యాట్ నుంచి పరుగులు వస్తూనే ఉన్నాయని, అతను మంచి ఫామ్‌లో ఉన్నప్పుడు జట్టుకు దూరం చేయడం ఏ రకమైన న్యాయమో సెలెక్టర్లకే తెలియాలని కైఫ్ వ్యాఖ్యానించారు. ఇప్పుడు శ్రీలంక పర్యటనకు సర్ఫరాజ్‌ను తిరిగి ఎంపిక చేయడంపై కైఫ్ హర్షం వ్యక్తం చేశారు. సర్ఫరాజ్ పేరును సెలెక్షన్ టేబుల్ మీదికి తెచ్చిన వారికి ఆయన ప్రత్యేక అభినందనలు తెలిపారు. భారత జట్టు విజయం సాధించాలంటే ప్రతిభావంతులైన ఆటగాళ్లకు ప్రాధాన్యత

పసిడి ప్రియులకు మరియు ఆభరణాల కొనుగోలుదారులకు బులియన్ మార్కెట్ షాకింగ్ న్యూస్ అందించింది. గత రెండు రోజులుగా స్వల్పంగా తగ్గుముఖం పట్టి ఊరటనిచ్చిన బంగారం ధరలు, ఆగస్టు 11 మంగళవారం నాటికి ఒక్కసారిగా నింగిని తాకాయి. పండుగల సీజన్ సమీపిస్తుండటంతో పసిడి ఆభరణాలు కొనుగోలు చేయాలా వద్దా అని ఆలోచిస్తున్న సామాన్య ప్రజలను ఈ ఆకస్మిక ధరల పెరుగుదల తీవ్ర ఆందోళనకు గురిచేస్తోంది. అంతర్జాతీయ మార్కెట్‌లో చోటుచేసుకుంటున్న ఆర్థిక పరిణామాలు, అమెరికా ద్రవ్యోల్బణ గణాంకాల కోసం పెట్టుబడిదారులు ఉత్కంఠగా ఎదురుచూస్తుండటం, రాబోయే రోజుల్లో వడ్డీ రేట్ల కోతపై వెలువడుతున్న అంచనాలు పసిడికి బలమైన మద్దతుగా నిలుస్తున్నాయి. దీనివల్ల గ్లోబల్ మార్కెట్‌లో వరుసగా మూడో సెషన్‌లోనూ బంగారం ధరలు ఎగబాకి గత రెండు నెలల గరిష్ఠ స్థాయికి చేరుకున్నాయి. దీని ప్రభావం భారతీయ బులియన్ మార్కెట్‌పై ప్రత్యక్షంగా పడటంతో దేశీయంగానూ పసిడి రేట్లు రికార్డు స్థాయికి చేరుకున్నాయి. వివరాల్లోకి వెళితే, ఆగస్టు 11న దేశ వ్యాప్తంగా 10 గ్రాముల బంగారం ధర ఏకంగా 3,000 రూపాయలకు పైగా పెరగడం విశేషం. 24 క్యారెట్ల స్వచ్ఛమైన బంగారం లభ్యతను పరిశీలిస్తే, గ్రాముకు రూ. 316 చొప్పున పెరిగి ప్రస్తుతం రూ. 15,513 వద్ద ట్రేడ్ అవుతోంది. దీని ప్రకారం 10 గ్రాముల 24 క్యారెట్ల మేలిమి బంగారం ధర రూ. 3,160 భారీగా పెరిగి రూ. 1,55,130 కి చేరింది. మరింత ఎక్కువగా అంటే 100 గ్రాముల 24 క్యారెట్ల బంగారం కొనుగోలు చేయాలనుకునే వారికి ఏకంగా రూ. 31,600 పెరుగుదలతో మొత్తం రూ. 15,51,300 పలుకుతోంది. ఆభరణాల తయారీలో ఎక్కువగా ఉపయోగించే 22 క్యారెట్ల బంగారం ధరలు కూడా భారీగానే పెరిగాయి. గ్రాముపై రూ. 290 చొప్పున పెరిగి రూ. 14,220 కి చేరుకోగా, 10 గ్రాముల 22 క్యారెట్ల పసిడి ధర రూ. 2,900 పెరుగుదలతో రూ. 1,42,200 తాకింది. ఇక 100 గ్రాముల

భారతీయ కార్పొరేట్ దిగ్గజం, అదానీ గ్రూప్ ఛైర్మన్ గౌతమ్ అదానీకి అమెరికా న్యాయస్థానంలో అనూహ్యమైన మరియు భారీ ఊరట లభించింది. గత కొన్ని నెలలుగా అంతర్జాతీయంగా తీవ్ర కలకలం రేపిన సంచలనాత్మక క్రిమినల్ కేసును న్యూయార్క్ తూర్పు జిల్లా యూఎస్ డిస్ట్రిక్ట్ కోర్టు అధికారికంగా కొట్టివేసింది. జస్టిస్ డిపార్ట్‌మెంట్ సమర్పించిన పిటిషన్‌ను విచారించిన న్యాయమూర్తి నికోలస్ గరౌఫిస్, ఈ అభియోగాలను 'విత్ ప్రెజుడిస్' పద్ధతిలో శాశ్వతంగా రద్దు చేస్తూ కీలక తీర్పు వెలువరించారు. ఈ తీర్పుతో గౌతమ్ అదానీతో పాటు ఆయన మేనల్లుడు సాగర్ అదానీ, అదానీ గ్రీన్ ఎనర్జీ మాజీ సీఈఓ వనీత్ ఎస్. జైన్‌లపై ఉన్న తీవ్రమైన క్రిమినల్ ఆరోపణలకు పూర్తిస్థాయిలో ముగింపు పడింది. చట్టపరంగా 'విత్ ప్రెజుడిస్' అంటే ఈ అభియోగాలపై భవిష్యత్తులో మళ్లీ ఎలాంటి విచారణ గానీ, విచారణ జరిపేందుకు కొత్త కేసు నమోదు చేయడం గానీ సాధ్యపడదు. ఈ కేసు నేపథ్యాన్ని పరిశీలిస్తే, నవంబర్ 2024లో అమెరికా ప్రాసిక్యూటర్లు గౌతమ్ అదానీ మరియు ఇతర అధికారులపై తీవ్రమైన అభియోగాలు నమోదు చేశారు. భారతదేశంలో భారీ సౌర విద్యుత్ కాంట్రాక్టులను దక్కించుకోవడానికి భారత ప్రభుత్వ అధికారులకు సుమారు 250 మిలియన్ డాలర్ల లంచాలు చెల్లించే పథకంలో వీరు భాగస్వాములయ్యారని ఆరోపించారు. ఈ కాంట్రాక్టుల ద్వారా రాబోయే రెండు దశాబ్దాల కాలంలో పన్నుల చెల్లింపుల తర్వాత దాదాపు 2 బిలియన్ డాలర్లకు పైగా లాభాలు పొందవచ్చని అంచనా వేశారని పేర్కొన్నారు. అంతేకాకుండా, అమెరికా మార్కెట్ల నుంచి అంతర్జాతీయ పెట్టుబడిదారుల ద్వారా రుణాలు, బాండ్ల రూపంలో దాదాపు 3 బిలియన్ డాలర్లకు పైగా నిధులను సమీకరించే క్రమంలో పెట్టుబడిదారులను తప్పుదోవ పట్టించారని ప్రాసిక్యూటర్లు కోర్టు దృష్టికి తీసుకెళ్లారు. ఇందులో సెక్యూరిటీల మోసానికి కుట్ర, వైర్ ఫ్రాడ్ మరియు ఇతర మోసపూరిత ఆరోపణలు ఉన్నాయి. అయితే, అమెరికా డిపార్ట్‌మెంట్ ఆఫ్ జస్టిస్ ఫెడరల్ రూల్ ఆఫ్ క్రిమినల్ ప్రొసీజర్ 48(ఎ) కింద ఈ

అమెరికాలో నివసిస్తున్న, అక్కడికి ప్రయాణించాలనుకుంటున్న విదేశీ పౌరులకు డోనాల్డ్ ట్రంప్ నేతృత్వంలోని అమెరికా యంత్రాంగం మైండ్ బ్లాకింగ్ షాక్ ఇచ్చింది. తమ దేశ వలస విధానాలను అత్యంత కఠినంగా పునర్నిర్మించే ప్రక్రియలో భాగంగా, ఏకంగా 1,75,000 కంటే ఎక్కువ యూఎస్ వీసాలను రద్దు చేస్తున్నట్లు అమెరికా విదేశాంగ శాఖ అధికారికంగా ప్రకటించింది. అమెరికా చరిత్రలోనే అత్యంత విప్లవాత్మకమైన, భారీ స్థాయి వీసా ప్రక్షాళన చర్యలలో ఇది ఒకటిగా నిలిచింది. విదేశీయులకు అమెరికా వీసా అనేది రాజ్యాంగబద్ధమైన హక్కు కాదని, అది ప్రభుత్వం అందించే ఒక ప్రత్యేక సదుపాయం మాత్రమేనని విదేశాంగ శాఖ స్పష్టం చేసింది. స్వదేశీ పౌరుల భద్రత, దేశ అంతర్గత రక్షణకు అత్యున్నత ప్రాధాన్యత ఇస్తూ ఈ సంచలన నిర్ణయం తీసుకున్నట్లు అధికారిక వర్గాలు వెల్లడించాయి. ఈ భారీ ప్రక్షాళన వెనుక అమెరికా చట్ట అమలు సంస్థలు మరియు విదేశాంగ శాఖ సంయుక్తంగా నిర్వహించిన విస్తృతమైన తనిఖీలు ఉన్నాయి. తీవ్రమైన నేరారోపణలు ఎదుర్కొంటున్న విదేశీయులను గుర్తించి వారి వీసాలను రద్దు చేశారు. ముఖ్యంగా మద్యం తాగి వాహనాలు నడపడం, దొంగతనాలు, గృహ హింస, లైంగిక వేధింపులు, చిన్నపిల్లలపై అక్రమాలు, కిడ్నాపింగ్‌లు, మాదకద్రవ్యాల విక్రయాలు వంటి తీవ్రమైన నేరాలకు పాల్పడిన అనేకమంది విదేశీయులపై కఠిన చర్యలు తీసుకున్నారు. చట్టాన్ని ఉల్లంఘించే ఏ ఒక్క విదేశీ పౌరుడినీ దేశంలో కొనసాగనివ్వకూడదనే స్పష్టమైన సంకల్పంతో ట్రంప్ ప్రభుత్వం ఈ చర్యలను శరవేగంగా అమలు చేస్తోంది. కేవలం భౌతిక నేరాలే కాకుండా, ఆర్థిక నేరాలకు పాల్పడిన వ్యక్తులపై కూడా అమెరికా ప్రభుత్వం ఉక్కుపాదం మోపింది. మిలియన్ల కొద్దీ డాలర్ల నిధులను చట్టవిరుద్ధంగా మళ్లించిన ఆర్థిక నేరస్థులు, నకిలీ పత్రాలు సమర్పించి వ్యాపార వీసాలు పొందిన వ్యాపారవేత్తలు ఈ జాబితాలో ఉన్నారు. అంతేకాకుండా, వైద్య రంగంలో ఏకంగా 5 మిలియన్ డాలర్ల కంటే ఎక్కువ మొత్తంలో మెడికేడ్ స్కామ్‌లకు పాల్పడిన హెల్త్‌కేర్ నిర్వాహకుల వీసాలను రద్దు చేస్తూ విదేశాంగ శాఖ

మన శరీరం సరిగ్గా పనిచేయడానికి అవసరమైన ముఖ్యమైన ఖనిజాల్లో పొటాషియం (Potassium) ఒకటి. శరీరంలో పొటాషియం స్థాయి సరైన మోతాదులో ఉండటం చాలా ముఖ్యం. అయితే రక్తంలో పొటాషియం స్థాయి ఎక్కువగా ఉన్నా (Hyperkalemia), తక్కువగా ఉన్నా (Hypokalemia) ఆరోగ్యంపై ప్రభావం పడే అవకాశం ఉంటుంది. అసలు పొటాషియం అంటే ఏమిటి? రక్తంలో పొటాషియం ఎందుకు పెరుగుతుంది? పొటాషియం తగ్గడానికి కారణాలు ఏమిటి? పొటాషియం ఎక్కువగా లేదా తక్కువగా ఉన్నప్పుడు ఎలాంటి లక్షణాలు కనిపిస్తాయి? ఈ సమస్యను నిర్ధారించడానికి ఎలాంటి పరీక్షలు చేయాలి? వంటి ముఖ్యమైన విషయాలను ఈ వీడియోలో ప్రముఖ వైద్యులు డా. N. Papa Rao సులభంగా వివరిస్తున్నారు. రక్తంలో పొటాషియం సాధారణ స్థాయికి మించి ఉండటాన్ని Hyperkalemia అంటారు. కొన్ని సందర్భాల్లో కిడ్నీల పనితీరు సరిగా లేకపోవడం, కొన్ని ఆరోగ్య సమస్యలు లేదా కొన్ని మందుల కారణంగా పొటాషియం స్థాయి పెరగవచ్చు. పొటాషియం ఎక్కువగా ఉన్నప్పుడు కండరాల బలహీనత, అలసట, గుండె కొట్టుకునే విధానంలో మార్పులు వంటి సమస్యలు కనిపించవచ్చు. ముఖ్యంగా గుండె పనితీరుపై ప్రభావం పడే అవకాశం ఉన్నందున ఈ సమస్యను నిర్లక్ష్యం చేయకూడదు. రక్తంలో పొటాషియం స్థాయి తక్కువగా ఉండటాన్ని Hypokalemia అంటారు. వాంతులు, విరేచనాలు, అధికంగా చెమట పట్టడం, కొన్ని మందుల వాడకం వంటి కారణాలతో శరీరంలో పొటాషియం తగ్గే అవకాశం ఉంటుంది. పొటాషియం తక్కువగా ఉన్నప్పుడు నీరసం, కండరాల బలహీనత, కండరాలు పట్టేయడం, గుండె దడ వంటి లక్షణాలు కనిపించవచ్చు. పొటాషియం స్థాయి ఎక్కువగా ఉందా లేదా తక్కువగా ఉందా అనేది కేవలం లక్షణాల ఆధారంగా నిర్ణయించలేం. అవసరమైతే వైద్యుల సూచనతో రక్త పరీక్షలు చేయించుకోవాలి. ముఖ్యంగా కిడ్నీ సమస్యలు ఉన్నవారు లేదా కొన్ని మందులు క్రమం తప్పకుండా ఉపయోగించేవారు వైద్యుల సలహా తీసుకోవడం చాలా ముఖ్యం. పొటాషియం ఎక్కువగా ఉందని లేదా తక్కువగా ఉందని అనుమానం వచ్చినప్పుడు సొంతంగా మందులు తీసుకోవడం, పొటాషియం

రాష్ట్రంలోని రైతులకు శాశ్వత భూ హక్కు కల్పించడమే తమ కూటమి ప్రభుత్వ ప్రధాన ధ్యేయమని చంద్రబాబు స్పష్టం చేశారు. ఏలూరు జిల్లా కైకలూరు నియోజకవర్గం కలిదిండిలో సోమవారం (ఆగస్టు 10) నిర్వహించిన పట్టాదారు పాసు పుస్తకాల పంపిణీ కార్యక్రమంలో పాల్గొన్న సీఎం పాల్గొని వైసీపీ వైఖరిపైవిమర్శలు గుప్పించారు. నెలనెలా స్వయంగా ప్రజల వద్దకు వచ్చి భూ హక్కు పత్రాలు అందిస్తున్నామన్న చంద్రబాబు జగన్ సర్కార్ సృష్టించిన భూ వివాదాలను శాశ్వతంగా పరిష్కరిస్తున్నామన్నారు. క్యూఆర్ కోడ్, బ్లాక్‌చైన్ సాంకేతికత, కరెన్సీ నోట్ల తరహా సెక్యూరిటీ ఫీచర్లతో రూపొందించిన ట్యాంపర్ ప్రూఫ్ పాసు పుస్తకాలను రైతులకు అందిస్తున్నామన్నారు. గతంలో నేతల ఫోటోలతో పాసు పుస్తకాలు ఇచ్చి ప్రజలను మభ్యపెట్టారని, తమ ప్రభుత్వంలో నిజమైన యజమానులకే పూర్తి హక్కులు కల్పిస్తున్నామన్నారు. ఆక్వా రంగానికి ఊరటనిస్తూ, పది ఎకరాల పరిమితి, జోన్ నాన్ జోన్ నిబంధనలను ఎత్తివేసి 1.50 కేనామలకే విద్యుత్ సరఫరా చేసే ప్రకటనపై చంద్రబాబు స్పష్టత ఇచ్చారు. ఈ నిర్ణయం ద్వారా ప్రభుత్వంపై ప్రతిఏటా రూ.1,150 కోట్ల అదనపు భారం పడుతున్నప్పటికీ, రైతులకు ఆర్థిక భద్రత కల్పించడమే తమ ప్రథమ ప్రాధాన్యమన్నారు. అలాగే కొల్లేరు ప్రాంతంలో తాగునీటి సమస్య పరిష్కారానికి కైకలూరుకు 36 కోట్ల రూపాయలు మంజూరు చేసినట్లు ప్రకటించారు. ఈ సందర్భంగా ఆయన డీఎస్సీలో అక్రమాలు అంటూ వైసీపీ నేతలు చేస్తున్న విమర్శలను కొట్టి పారేశారు. నారా లోకేష్ రాజీనామా చేయాలంటూ ఆ పార్టీ చేస్తున్న డిమాండ్ ను ఖండించారు. ఏళ్ల తరబడి నిరుద్యోగులు ఎదురుచూసిన మెగా డీఎస్సీని సమర్థవంతంగా నిర్వహించి వేలాది మందికి ఉపాధి కల్పిస్తే.. కోర్టు కేసులతో అడ్డుపడాలని చూశారని విమర్శించారు. నిరుద్యోగుల భవిష్యత్తును దెబ్బతీసేలా ప్రవర్తించిన వారే ఇప్పుడు విమర్శలు చేయడం విడ్డూరంగా ఉందన్నారు. గత పాలనలో రాష్ట్రంలో అరాచకాలు, గంజాయి సంస్కృతి, రౌడీయిజం రాజ్యమేలాయని ఆగ్రహం వ్యక్తం చేశారు. శాంతిభద్రతలకు విఘాతం కలిగిస్తూ, విధుల్లో ఉన్న మహిళా పోలీసు అధికారుల

‘సురభి ఏక్ ఎహసాస్’ 10వ వార్షికోత్సవం సందర్భంగా, హాంగ్‌కాంగ్‌లో 27వ కార్గిల్ విజయ్ దివస్‌ను తెలుగు గ్లోబల్ వెబ్ రేడియో అయిన తెలుగువన్ రేడియో ఆన్ ఇంటర్నెట్‌కు (టోరీ) చెందిన రేడియో జాకీ జయ పీసపాటి ఘనంగా నిర్వహించారు. ‘సురభి ఏక్ ఎహసాస్’ 10వ వార్షికోత్సవం సందర్భంగా, హాంగ్‌కాంగ్‌లో తెలుగువన్ రేడియో ఆన్ ఇంటర్నెట్‌‌లో (టోరీ) రేడియో జాకీ జయ పీసపాటి 27వ కార్గిల్ విజయ్ దివస్‌ను ఘనంగా నిర్వహించారు. ఆమె 2012 నుంచి భారత సాయుధ దళాలకు అంకితం చేస్తూ ‘జై హింద్’ అనే టాక్ షోను నిర్వహిస్తున్నారు. ఈ షోలో కార్గిల్ యుద్ధ వీరులు, వీరనారీమణులు, సాయుధ దళాల కుటుంబాలకు మద్దతు ఇచ్చే స్వచ్ఛంద సంస్థలు (NGOలు) పాల్గొంటున్నాయి. ఈ సంవత్సరం కూడా హాంగ్‌కాంగ్‌లోని ప్రవాస భారతీయులు దేశ భక్తి, అభిమానంతో దేశ రక్షకులైన సైనికుల కోసం ఈ కార్యక్రమంలో ఉత్సాహంగా పాల్గొన్నారు. 70 ఏళ్లు పైబడిన సీనియర్ సిటిజన్లతో సహా పిల్లలు, పెద్దలు అందరూ అదే ఉత్సాహంతో, స్ఫూర్తితో దేశభక్తి ఉప్పొంగేలా గీతాలు పాటలు, నృత్యాలను ప్రదర్శించారు. గతనెల 26న జరగాల్సిన ఈ కార్యక్రమం, ఊహించని విధంగా కేటగిరీ 8 (T8) తుఫాను రావడంతో ఆగస్టుకు వాయిదా పడింది. భారత-నేపాలీ యుద్ధ స్మారక చిహ్నానికి ఆనుకొని ఉన్న హ్యాపీ వ్యాలీలోని హిందూ దేవాలయంలోని మోహన్ హాల్‌లో భారత కాన్సులేట్ జనరల్, హిందూ సంఘం వారి గొప్ప సహకారంతో ఈ కార్యక్రమం జరిగింది. ఈ కార్యక్రమానికి హాంకాంగ్, మకావులలోని భారత గౌరవనీయ కాన్సుల్ జనరల్ రాజేష్ ఎన్ నాయక్‌తో పాటు కాన్సుల్స్ మిస్ సుర్భి గోయల్, కాన్సుల్ కె. వెంకట్ రమణ శ్రీ మేఘనాథ్ మధుకర్ గావిత్, హిందూ సంఘం అధ్యక్షుడు లాల్ హర్దాసాని, హాంకాంగ్, చైనాలోని భారతీయ జనతా పార్టీ (బీజీపీ) ఓవర్సీస్ ప్రెసిడెంట్ సోహన్ గోయెంకా, హిందూ స్వయం సేవక్ సంఘ్ అధ్యక్షుడు నిర్మల్ లాంగని, పూజ్ బ్రహ్మ

ఆంధ్రప్రదేశ్ లో బీసీ సంక్షేమం, భద్రత, సామాజిక న్యాయం దిశగా కూటమి వ్యూహాత్మకంగా, ప్రణాళికా బద్ధంగా ముందుకు సాగుతోంది. రాష్ట్రంలో బీసీల హక్కులను పరిరక్షణతో పాటు.. వారికి సమగ్రమైన చట్టబద్ధమైన రక్షణ కల్పించే లక్ష్యంతో బీసీ రక్షణ చట్టం తీసుకువస్తామని మంత్రి నారా లోకేష్ ప్రకటన ప్రాధాన్యత సంతరించుకుంది. గతంలో లోకేష్ యువగళం పాదయాత్రలో, ఎన్నికల ప్రచార సభలలో బీసీ సామాజిక వర్గాల ప్రతినిధులతో నిర్వహించిన ముఖాముఖి ఆత్మీయ సమావేశాలలో లోకేష్ బీసీ రక్షణ చట్టంపై స్పష్టమైన హామీ ఇచ్చారు. రాష్ట్రంలో బీసీలు ఎదుర్కొంటున్న వేధింపులు, అక్రమ కేసుల ముప్పు నుంచి వారికి శాశ్వత విముక్తి కలిగించడమే ఈ ప్రతిపాదిత చట్టం ప్రధాన ఉద్దేశమని వెల్లడించారు. బీసీల సామాజిక, ఆర్థిక, రాజకీయ వికాసానికి తోడ్పాటునందించేందుకు ఎన్డీయే కూటమి ప్రభుత్వం ప్రాధాన్యతనిస్తుందని, అధికారంలోకి వచ్చిన వెంటనే ఇచ్చిన ప్రతి హామీని నెరవేర్చే దిశగా వేగంగా అడుగులు వేస్తోందని లోకేష్ పునరుద్ఘాటించారు. బీసీ రక్షణ చట్టం వివరాలు, నియమావళి, అమలు తీరుతెన్నులను విశ్లేషిస్తే, రాష్ట్రంలో బీసీల ఇది రక్షక కవచం కానుంది. రాష్ట్రవ్యాప్తంగా వివిధ ప్రాంతాల్లో బీసీ వర్గానికి ప్రజాప్రతినిధులు, స్థానిక నాయకులు, సామాజిక కార్యకర్తలపై అనేక రకాల అక్రమ కేసులు నమోదయ్యాయి. సుమారు 26 వేల మందికి పైగా బీసీలపై వివిధ పోలీస్ స్టేషన్లలో కేసులు నమోదుఅయ్యాయి. వారిని జైళ్ల పాలయ్యారు. తీవ్ర మానసిక, ఆర్థిక ఇబ్బందులకు గురయ్యారు. ఇటువంటి అన్యాయాలను పూర్తిగా అరికట్టేందుకు బీసీ రక్షణ చట్టం దోహదపడనుంది. ఈ చట్టం అమలులోకి వస్తే, బీసీలకు చెందిన వారిపై ఎలాంటి అక్రమ కేసులు పెట్టడానికి అవకాశం ఉండదు, ఒకవేళ దురుద్దేశపూర్వకంగా కేసులు నమోదు చేయడానికి ప్రయత్నిస్తే బాధితులకు ఉచితంగా న్యాయ సాయం అందించే బాధ్యతను ప్రభుత్వమే స్వీకరిస్తుంది. న్యాయపోరాటం చేయడానికి అయ్యే అన్ని రకాల ఖర్చులను కూడా ప్రభుత్వం తరఫున భరిస్తూ, వారికి నిరంతరం లీగల్ సపోర్ట్ అందిస్తుంది. కేవలం రక్షణ చట్టానికే పరిమితం

తూర్పు గోదావరి జిల్లాలోని ప్రాచీన తీర ప్రాంతమైన కోరంగి (కొరింగ) ఒకప్పుడు ప్రపంచంలోనే అత్యంత శక్తివంతమైన, సాంకేతికంగా ముందంజలో ఉన్న నౌకా నిర్మాణ కేంద్రంగా విరాజిల్లింది. నాటి కాలంలోనే ఇక్కడి శిల్పులు తయారు చేసే నావలు అత్యుత్తమ నాణ్యతతో, సముద్ర ప్రయాణాలకు అత్యంత అనుకూలంగా ఉండేవి. అయితే 1839 నవంబరు 25న సంభవించిన పెను ఉప్పెన ఈ చారిత్రక నగర వైభవాన్ని అట్టడుగుకు తొక్కేసింది. దాదాపు 40 అడుగుల ఎత్తున లేచిన రాకాసి అలలు తీరాన్ని ముంచెత్తడంతో లక్షలాది మంది ప్రాణాలు కోల్పోవడమే కాకుండా.. దాదాపు 20వేల నౌకలు నీటిపాలు అయ్యయి. ఈ పెను విపత్తు భారత వాణిజ్య రంగానికి కోలుకోలేని దెబ్బగా మారింది. ఉప్పెన తీవ్రత, నౌకా రంగానికి జరిగిన భారీ నష్టం1839 నాటి ప్రకృతి విపత్తులో సంభవించిన నష్టం అపారమైనది. స్థానిక నౌకాశ్రయంలో లంగరు వేసి ఉన్న నౌకలతో పాటు అనేక బోట్లు ఈ ఉప్పెన ధాటికి పూర్తిగా ధ్వంసమయ్యాయి. ఈ ప్రమాదంలో సుమారు మూడు లక్షల మందికి పైగా ప్రజలు మరణించారని, అలాగే సుమారు 20 వేల వరకు చిన్న, పెద్ద నౌకలు సముద్రంలో మునిగిపోయాయని లేదా కొట్టుకుపోయాయని చరిత్ర ఆధారాల ద్వారా తెలుస్తోంది. ఈ గణాంకాలు నాటి కోరంగి ప్రాంతంలో నౌకా పరిశ్రమ ఎంత భారీ స్థాయిలో విస్తరించి ఉండేదో స్పష్టంగా తెలియజేస్తున్నాయి. యూరప్ దేశాల్లోని నౌకాశ్రయాల కంటే ఎంతో ముందే గోదావరి తీరంలో అంతర్జాతీయ స్థాయి వాణిజ్య కార్యకలాపాలు సాగాయి. బ్రిటిష్ ప్రభుత్వ ఆర్థిక కుట్రలు, అణచివేత ధోరణి కోరంగి నౌకా నిర్మాణం అక్కడి వ్యాపార వృద్ధి లండన్ నౌకాశ్రయం, బ్రిటిష్ వ్యాపారులకు అతిపెద్ద పోటీగా మారాయి. భారత నౌకల నాణ్యతతో బ్రిటన్‌లో తయారయ్యే నౌకలు పోటీ పడలేకపోయేవి. ఈ క్రమంలో భారత నౌకా రంగాన్ని దెబ్బతీయడానికి ఈస్ట్ ఇండియా కంపెనీ తీవ్రమైన పన్నుల భార మోపడం, నిబంధనలను కఠినతరం చేయడం వంటి కుట్రలకు పాల్పడింది. స్వదేశీ