Shashi Bhavyata News

అరుదైన జన్యులోప వ్యాధితో బాధపడుతోన్న తూర్పుగోదావరి జిల్లా అనపర్తి మండలం దుప్పలపూడికి చెందిన 18 ఏళ్ల బాలిక శశి భవ్యత పట్ల సినీ నటుడు రామ్‌ పోతినేని మానవత్వం చాటారు. అరుదైన జన్యులోప వ్యాధితో బాధపడుతోన్న తూర్పుగోదావరి జిల్లా అనపర్తి మండలం దుప్పలపూడికి చెందిన 18 ఏళ్ల బాలిక శశి భవ్యత (Shashi Bhavyata) పట్ల సినీ నటుడు రామ్‌ పోతినేని (Ram Pothineni) మానవత్వం చాటారు. ఇటీవల సామాజిక మాధ్యమాల్లో, ఏబిఎన్ న్యూస్ ఛానల్‌లో ఆమె పరిస్థితి గురించి తెలియజేసిన వీడియోలు వైరల్ కావడంతో హీరో రామ్ స్పందించి.. స్వయంగా ఆమెతో వీడియో కాల్‌లో మాట్లాడి భరోసానిచ్చారు. తమ అభిమాన హీరోతో కూతురు మాట్లాడటంతో ఆ తల్లిదండ్రుల ఆనందానికి అవధులు లేవంటే నమ్మాలి. అసలు విషయం ఏమిటంటే.. హీరో రామ్ పోతినేని అంటే శశి భవ్యతకు చాలా ఇష్టం. ఆయన పాటలు, సినిమాలు చూపిస్తే తప్ప ఆమె ముద్ద కూడా నోట్లోకి తీసుకోదు. ఒకప్పుడు ఎంతో చురుగ్గా ఉంటూ చదువుల్లో ముందున్న ఆ అమ్మాయి.. నేడు ఓ అరుదైన జన్యు వ్యాధి ‘లాఫోరా మయోక్లోనిక్ ఎపిలెప్సీ‌’తో మంచానికే పరిమితమైంది. కనీసం మాట్లాడలేని, గుర్తు పట్టలేని స్థితిలోనూ.. తన అభిమాన హీరో పేరు వింటే మాత్రం ఆమె కళ్లల్లో మెరుపు కనిపిస్తుంది. సలాది శ్రీను, శ్రీదుర్గ దంపతుల కుమార్తె అయిన శశి భవ్యత.. అనపర్తి శ్రీరామారెడ్డి జడ్పీ ఉన్నత పాఠశాలలో పదో తరగతి పూర్తి చేసి, ప్రస్తుతం ఇంటర్మీడియట్ చదువుతోంది. చక్కటి ప్రతిభ కనబరుస్తూ కుటుంబానికి వెలుగుగా నిలుస్తుందనుకున్న ఆమె జీవితంలో 2022 నుంచి ఊహించని కష్టం మొదలైంది. దాదాపు మూడు తరాలుగా కుటుంబంలో జరుగుతున్న మేనరికపు వివాహాల కారణంగా శశి భవ్యత అరుదైన జన్యుపరమైన సమస్య బారిన పడింది. 2022లో మొదలైన ఫిట్స్ సమస్య క్రమంగా తీవ్రరూపం దాల్చి, నాడీ వ్యవస్థపై తీవ్ర ప్రభావం పడటంతో మతిస్థిమితం కోల్పోయి పూర్తిగా మంచానికే పరిమితమైంది

Dupalapudi: మానవత్వం చాటుకున్న నటుడు రామ్ పోతినేని! Dupalapudi: అరుదైన జన్యులోప వ్యాధితో మంచం పట్టిన తూర్పుగోదావరి జిల్లా అనపర్తి మండలం దుప్పలపూడికి చెందిన 18 ఏళ్ల బాలిక శశి భవ్యత పట్ల సినీ నటుడు రామ్‌ పోతినేని మానవత్వం చాటారు. ఇటీవల సామాజిక మాధ్యమాల్లో, మీడియా ఛానలలో, పత్రికలలో ఆమె పరిస్థితి వైరల్ కావడంతో స్పందించిన రామ్‌, స్వయంగా ఆమెతో వీడియో కాల్‌లో మాట్లాడి భరోసానిచ్చారు. తమ అభిమాన హీరోతో కూతురు మాట్లాడటంతో ఆ తల్లిదండ్రుల ఆనందానికి అవధులు లేకుండా పోయాయి. ఈ సందర్భంగా బాలిక కుటుంబ సభ్యులను పరామర్శించిన రామ్‌ పోతినేని, ఆమెకు అవసరమైన మందులు, తిండి, ఇతర ఖర్చులు పూర్తిగా తనే భరిస్తానని మాటిచ్చారు. అలాగే ప్రముఖ వైద్యులతో మాట్లాడి మెరుగైన వైద్యం అందేలా చూస్తానని భరోసా ఇస్తూ, బాలికను ఎప్పుడూ సంతోషంగా ఉంచాలని, సరైన సమయానికి మందులు వాడాలని తల్లిదండ్రులకు సూచించారు. శశి భవ్యత దీనస్థితిని వెలుగులోకి తెచ్చి తమ దృష్టికి తీసుకువచ్చిన సోషల్ మీడియా ఇన్ఫ్లుయెన్సర్లు, అభిమానులు, పాత్రికేయులకు రామ్ ప్రత్యేకంగా కృతజ్ఞతలు తెలిపారు. కొద్దిరోజులుగా తీవ్ర అనారోగ్యంతో బాధపడుతూ, 'లాఫోరా మయోక్లోనిక్ ఎపిలెప్సీ' అనే అరుదైన జన్యుపరమైన వ్యాధితో మంచానికే పరిమితమైన శశి భవ్యతకు, రామ్‌ అందించిన ఈ భరోసా ఆ కుటుంబానికి ఎంతో ధైర్యాన్ని .ఇచ్చింది