టీమిండియాకు దేవుడిచ్చిన వరం పడిక్కల్
భారత పురుషుల క్రికెట్ జట్టు కొన్నాళ్లుగా స్లో, టర్నింగ్ పిచ్లపై స్పిన్ బౌలింగ్ను ఎదుర్కోవడంలో తీవ్రంగా తడబడుతున్న సంగతి తెలిసిందే. అయితే శ్రీలంకతో గాలే వేదికగా జరుగుతున్న తొలి టెస్ట్ మ్యాచ్లో వన్డౌన్లో బరిలోకి దిగిన దేవదత్ పడిక్కల్ లంక స్పిన్నర్లను సునాయాసంగా ఎదుర్కొన్నాడు. తొలి రోజు ఆటలో పడిక్కల్ (178 బంతుల్లో 12 ఫోర్లు, 1 సిక్స్తో 131 పరుగులు) క్రీజులో అడుగుపెట్టిన మొదటి బంతినే బౌండరీకి తరలించి తన ఉద్దేశాన్ని చాటి చెప్పాడు.ఈ మ్యాచ్లో ప్రభాత్ జయసూర్య బౌలింగ్లో పడిక్కల్ క్రీజు వదిలి ముందుకు వచ్చి లాంగాన్ మీదుగా కొట్టిన సిక్సర్ మ్యాచ్కే హైలైట్గా నిలిచింది. యంగ్ బ్యాటర్ కనబరుస్తున్న ఆత్మవిశ్వాసం చూస్తుంటే అతడు తన తొలి టెస్ట్ శతకాన్ని భారీ డబుల్ సెంచరీగా మలిచేలా స్పష్టంగా కనిపిస్తోంది. టర్నింగ్ పిచ్లపై కూడా ఈ లెఫ్ట్ హ్యాండర్ చక్కగా డిఫెన్స్ చేశాడు. అంతేకాకుండా గ్యాప్లలో సింగిల్స్ తీస్తూ ఫ్రంట్ఫుట్, బ్యాక్ఫుట్ రెండింటిపైనా అద్భుతమైన షాట్లు ఆడుతూ అలరించాడు.ఈ క్రమంలోనే భారత మాజీ క్రికెటర్ సంజయ్ మంజ్రేకర్ .. పడిక్కల్ ఆటతీరును ఆకాశానికెత్తేశాడు. ప్రస్తుత పరిస్థితుల్లో టీమిండియా ఎదుర్కొంటున్న స్పిన్ సమస్యకు దేవదత్ పడిక్కల్ రూపంలో పర్ఫెక్ట్ సమాధానం దొరికిందని, అతడు జట్టుకు దేవుడిచ్చిన వరం అని అభిప్రాయపడ్డాడు. స్పిన్కు అనుకూలించే ఆసియా పిచ్లపై స్పిన్నర్ల తలమీదుగా సునాయాసంగా షాట్లు ఆడగల సామర్థ్యం పడిక్కల్ సొంతమని ఆయన కొనియాడాడు.ఇదే సమయంలో టీమ్ మేనేజ్మెంట్కు మంజ్రేకర్ ఒక ముఖ్యమైన సూచన చేశాడు. భవిష్యత్తులో సాయి సుదర్శన్ జట్టులోకి తిరిగి వచ్చినప్పటికీ, స్పిన్ బౌలింగ్ను ఇంత సమర్థవంతంగా ఎదుర్కొంటున్న దేవదత్ పడిక్కల్నే మూడో స్థానంలో నిలకడగా కొనసాగించాలని విజ్ఞప్తి చేశాడు. పడిక్కల్ ఆడుతున్న తీరు భారత ఇన్నింగ్స్కు కొండంత బలాన్ని ఇస్తుందని, రాబోయే రోజుల్లో అతడు టెస్టుల్లో మరింత కీలక పాత్ర పోషిస్తాడని మంజ్రేకర్ ధీమా వ్యక్తం చేశాడు. కాగా భారత్ తరఫున మూడో టెస్టు