పెద్ద హీరోల సరసన చేరే లక్ష్యంతో నాని - తెలుగు సినిమాన్యూస్, రివ్యూస్
ది ప్యారడైజ్ (The Paradise) టీజర్ వచ్చేసింది. ఊహించినట్లే ఈ సినిమా గ్రాండ్ గా కనిపిస్తోంది. అలాగే చాలా హింస, రక్తపాతం కూడా ఎక్కువగానే ఉన్నట్లు ఉంది. టీజర్ ని బట్టి చూస్తే అదే అర్థమవుతోంది. నాని (Nani) కొంతకాలంగా తన స్థాయిని పెంచుకునే ప్రయత్నం చేస్తున్నాడు. ఇప్పటికే హీరోగా మిడ్ రేంజ్ హీరోలలో టాప్ స్థానంలో ఉన్నాడు. ఈ సినిమాతో మిడ్ రేంజ్ హీరో అనే మెట్టు దాటి టాప్ హీరోలలో ఒకరిగా చేరిపోవాలి అనుకుంటున్నాడు. ఆ ప్లాన్ తోనే ఇటీవల “దసరా”, “హిట్ 3” వంటి సినిమాలు చేసాడు నాని. అందులో మాస్ ఎలిమెంట్స్ పుష్కలంగా ఉన్నాయి. “ది ప్యారడైజ్”లో పెద్ద హీరోల సినిమాల స్థాయిలో హింస, రక్తపాతం కనిపిస్తోంది. కథ, కథనం కూడా అలాగే ఉంటుంది. ఈ సారి భారీ హిట్ పడితే తన స్థానం ప్రభాస్, అల్లు అర్జున్, ఎన్టీఆర్, మహేష్ బాబు, రామ్ చరణ్ వంటి అగ్ర మాస్ హీరోల సరసన నిలుస్తాడు. ఆ ఉద్దేశంతోనే ఈ సినిమా చేసినట్లు కనిపిస్తోంది. టీజర్ తో తెలిసిపోయింది. ఇక ఈ సినిమాకి విడుదల తేదీని కూడా ఖరారు చేశారు. సెప్టెంబర్ 24న వస్తోంది. మంచి టైం అని చెప్పాలి. దర్శకుడు శ్రీకాంత్ ఓదెల కెరీర్ కూడా ఈ సినిమాతో మలుపు తిరుగుతుంది. మొదటి సినిమా ‘దసరా’ పెద్ద హిట్. కానీ రెండో సినిమా విషయంలోనే సాధారణంగా అందరూ తడబడతారు. ఈ సినిమాతో హిట్ కొడితే ఆ తర్వాత ఇక అన్నీ పెద్ద చిత్రాలే వస్తాయి