Himachal Pradesh Floods News

భారీ వర్షాలు, ఆకస్మిక వరదలతో అతలాకుతలమవుతున్న హిమాచల్ ప్రదేశ్‌లో ఓ మానవతా దృశ్యం వెలుగుచూసింది. ప్రచండ వరద ప్రవాహంలో కొట్టుకుపోతున్న ఓ బైకర్‌ను ఓ నవవధువు తన చున్నీ సహాయంతో కాపాడి అందరి ప్రశంసలు అందుకుంటోంది. ప్రమాదంలో ఉన్న వ్యక్తిని ఆదుకోవడానికి ఓ కుటుంబం చూపిన చొరవ, ఆ నవవధువు ప్రదర్శించిన సమయస్ఫూర్తికి సంబంధించిన వీడియో ఇప్పుడు సోషల్ మీడియాలో వైరల్‌గా మారింది.అసలేం జరిగిందంటే..!హిమాచల్ ప్రదేశ్‌లోని చంబా జిల్లాలో కుండపోత వర్షాల కారణంగా రోడ్లపై వరద నీరు ఉద్ధృతంగా ప్రవహిస్తోంది. ఈ క్రమంలో ఓ బైకర్ తన వాహనంతో రోడ్డు దాటేందుకు ప్రయత్నించి, ఆకస్మిక వరదలో చిక్కుకుపోయాడు. నీటి ప్రవాహం వేగంగా ఉండటంతో బైక్‌తో సహా కొట్టుకుపోయే ప్రమాదంలో పడ్డాడు. ప్రాణాలను అరచేతిలో పెట్టుకుని నిస్సహాయ స్థితిలో ఉండిపోయాడు.అదే సమయంలో కారులో అటుగా ప్రయాణిస్తున్న ఓ కుటుంబం, వరదలో చిక్కుకున్న బైకర్‌ను గమనించి వెంటనే తమ వాహనాన్ని ఆపింది. కారులో నుంచి దిగిన ఓ వ్యక్తి అతడిని కాపాడేందుకు ముందుకు వెళ్లాడు. కానీ, నీటి ఉధృతి ఎక్కువగా ఉండటంతో అతడికి సమీపంగా వెళ్లడం కష్టమైంది. పరిస్థితి క్లిష్టంగా మారుతున్న తరుణంలో, అదే కారులోని ఓ నవవధువు ఏమాత్రం ఆలోచించకుండా ముందుకు వచ్చింది. తన చున్నీని తీసి, వరదలో చిక్కుకున్న బైకర్ వైపు విసిరింది.ఆ చున్నీని పట్టుకున్న బైకర్, దాని సాయంతో నెమ్మదిగా కారు వైపు రాగలిగాడు. కుటుంబంలోని మిగతా సభ్యులు కూడా అతడిని సురక్షితంగా బయటకు లాగారు. ఈ సాహసోపేతమైన రక్షణ చర్య మొత్తం వీడియోలో రికార్డ్

అందమైన మంచు కొండలకు, పచ్చని లోయలకు పేరుగాంచిన హిమాచల్ ప్రదేశ్‌ను వర్షాలు నిలువునా ముంచెత్తుతున్నాయి. గత నెల రోజుల వ్యవధిలోనే ఈ పర్వత ప్రాంతం శతాబ్దపు అతిపెద్ద ప్రకృతి విపత్తును చూస్తోంది. ఆకాశానికి తూట్లు పడినట్లు కురుస్తున్న వర్షాలు, నిమిష వ్యవధిలోనే ఇళ్లను, రోడ్లను మింగేస్తున్న కొండచరియలు నామరూపాల్లేకుండా చేస్తున్నాయి. ఇప్పటివరకు లభించిన సమాచారం ప్రకారం దాదాపు 160 మంది బలయ్యారు. అనేక ఊళ్లకు దారులు మూసుకుపోగా, కనీసం తాగడానికి నీళ్లు, ఉండటానికి నీడ లేక స్థానికులు, పర్యాటకులు అల్లాడిపోతున్నారు. సుమారు రూ.886 కోట్ల ఆస్తి నష్టం వాటిల్లినట్లు ప్రభుత్వ వర్గాలు ప్రాథమికంగా అంచనా వేశాయి.శ్మశానాన్ని తలపిస్తున్న కుల్లు, మండి జిల్లాలువర్షాల ఉధృతికి రాష్ట్రంలోని ప్రసిద్ధ పర్యాటక ప్రాంతాలైన కుల్లు, మండి జిల్లాలు తీవ్రంగా దెబ్బతిన్నాయి. పర్వతాల పైనుంచి బురద నీళ్లతో కూడినండరాళ్లు విరిగిపడి ఇళ్లను, వాహనాలను తాత్కాలిక వారధులను కొట్టుకుపోయేలా చేశాయి. దాదాపు 259 ప్రధాన రహదారులు పూర్తిగా ధ్వంసమవడంతో రాకపోకలు స్తంభించిపోయాయి. ప్రధానంగా కీలకమైన మండి-కుల్లు హైవే మూతపడటంతో సహాయక చర్యలకు తీవ్ర విఘాతం కలుగుతోంది. మరోవైపు 161 విద్యుత్ ట్రాన్స్‌ఫార్మర్లు దెబ్బతినడంతో వారానికి పైగా వందలాది గ్రామాలు గాఢ అందకారంలోనే మగ్గుతున్నాయి.AP Rain Alert: రేపు అల్పపీడనం- ఏపీలో ఈ జిల్లాలకు వర్ష సూచన..!జాడ లేని వందలాది మంది.. నిలిచిపోయిన తాగునీరుహిమాచల్‌లో జూన్ చివరి నుంచి ఆగస్టు మొదటి వారం వరకు నమోదైన నివేదికల ప్రకారం వరదలు, కొండచరియలు విరిగిపడి 68 మంది చనిపోగా, ఘాట్ రోడ్లలో జరిగిన ప్రమాదాల్లో మరో 89 మంది ప్రాణాలు కోల్పోయారు. భయంకరమైన విషయం ఏమిటంటే, ఇప్పటికీ దాదాపు 257 మంది ఆచూకీ దొరకడం లేదు. వీరి కోసం గాలింపు చర్యలు ముమ్మరంగా సాగుతున్నా.. ఎడతెరిపి లేని వానలు అడ్డంకిగా మారాయి. మరోవైపు 54కి పైగా తాగునీటి పథకాలు దెబ్బతినడంతో కొండ ప్రాంతాల్లో మంచినీటి చుక్క కోసం ప్రజలు మైళ్ల కొద్దీ నడవాల్సిన పరిస్థితి