India vs Afghanistan T20: ఆసియా గేమ్స్ మహా సంగ్రామానికి ముందు భారత జట్టు మరో బిగ్ ఫైట్‌కు సిద్ధమైంది. ఢిల్లీలోని అరుణ్ జైట్లీ స్టేడియం వేదికగా ఈరోజు (సెప్టెంబర్ 13న, ఆదివారం) రాత్రి 7 గంటలకు (టాస్ 6:30 PM) ఆఫ్ఘనిస్తాన్‌తో తొలి టీ20 ప్రారంభం కానుంది. శ్రేయస్ అయ్యర్ సారథ్యంలో, తిలక్ వర్మ డిప్యూటీగా దిగుతున్న భారత జట్టు ఈ మూడు మ్యాచ్‌ల సిరీస్‌ను విజయంతో ప్రారంభించాలని భావిస్తోంది. కానీ మ్యాచ్ ప్రారంభానికి ముందే వాతావరణం, ప్లేయింగ్ ఎలెవన్ సస్పెన్స్ అభిమానులను తీవ్ర ఉత్కంఠకు గురిచేస్తున్నాయి.
సంజు వర్సెస్ వైభవ్.. కిషన్ ఫిట్‌నెస్ సస్పెన్స్:
ఈ పోరులో ఓపెనింగ్ స్థానం కోసం టీమిండియా మేనేజ్‌మెంట్‌లో తీవ్రమైన మథనం నడుస్తోంది. వైభవ్ సూర్యవంశీని బరిలోకి దింపాలా లేక అనుభవజ్ఞుడైన సంజు శాంసన్‌కు అవకాశం ఇవ్వాలా అనే దానిపై స్పష్టత రావడం లేదు. మరోవైపు ప్రాక్టీస్‌లో నవదీప్ సైనీ బౌలింగ్ లో గాయపడిన వికెట్ కీపర్ ఇషాన్ కిషన్ ఫిట్‌నెస్‌పై ఫైనల్ నిర్ణయం తీసుకోవాల్సి ఉంది. ఇషాన్ కోలుకుంటే మూడో స్థానంలో ఆడటం ఖాయం.
రషీద్ ఖాన్ స్పిన్ ఉచ్చు.. బుమ్రా రీఎంట్రీ:
బ్యాటింగ్‌లో భారత జట్టు ఎంత బలంగా ఉన్నప్పటికీ, రషీద్ నేతృత్వంలోని ఆఫ్ఘనిస్తాన్ భయంకరమైన స్పిన్ దళాన్ని ఎదుర్కోవడం అంత తేలిక కాదు. కానీ జస్ప్రీత్ బుమ్రా, అర్ష్‌దీప్ సింగ్, వరుణ్ చక్రవర్తి, అక్షర్ పటేల్‌లతో కూడిన ఇండియన్ టీమ్ బౌలింగ్ విభాగం ఆఫ్ఘన్ బ్యాటర్ల గుండెల్లో రైళ్లు పరిగెత్తించేందుకు సిద్ధమైంది.
మ్యాచ్‌కు వర్షం గండం.. లైవ్ ఎక్కడంటే:
ఢిల్లీలో ఈరోజు రాత్రి 7 గంటలకు ప్రారంభమయ్యే మ్యాచ్ జరిగే సమయానికి వర్షం కురిసే అవకాశం ఉందని వాతావరణ శాఖ హెచ్చరించడం ఫ్యాన్స్‌ను కాస్త ఆందోళనకు గురి చేస్తోంది. ఒకవేళ వర్షం పడితే మ్యాచ్‌కు విఘాతం కలిగే ప్రమాదం ఉంది. ఈ సిరీస్‌లోని తదుపరి మ్యాచ్‌లు సెప్టెంబర్ 15, 17 తేదీల్లో ఇక్కడే జరగనున్నాయి. ఈ మ్యాచ్‌ల ప్రత్యక్ష ప్రసారాన్ని సోనీ స్పోర్ట్స్ ఛానెళ్లలో, డిజిటల్ స్ట్రీమింగ్‌ను ఫ్యాన్‌కోడ్ (FanCode) యాప్‌లో అభిమానులు వీక్షించవచ్చు.
The Friendship Cup 🤝 The Captains' Photoshoot 📸 Let the #AFGvIND T20I action begin 🏆 #TeamIndia pic.twitter.com/A04RiQISAL
