సడెన్ షాకిచ్చిన బంగారం ధరలు.. ఒక్కరోజే రూ.10,000 పెరిగిన వెండి.. ఆగస్టు 12న హైదరాబాద్, విజయవాడలో రేట్లు ఇవే

Gold Rate Today : భారత ప్రజలకు బంగారం అంటే చాలా ఇష్టం. ఏడాది పొడవునా కొంటూనే ఉంటారు. ఇక పెళ్లిళ్లు, పండగలు, పర్వదినాల్లో బంగారం, వెండి కొనుగోళ్లు భారీగా జరుగుతుంది. ప్రస్తుతం ఆషాఢం, శ్రావణ మాసం సేల్స్ జరుగుతున్నాయి. త్వరలోనే పెళ్లిళ్ల సీజన్ మొదలు కానుంది. దీంతో బంగారం కొనుగోళ్లు మళ్లీ భారీగా జరగనున్నాయి. ఈ తరుణంలో పసిడి రేట్లు భారీగా పెరుగుతూ కొనుగోలుదారులను బెంబేలెత్తిస్తున్నాయి. మళ్లీ తులం బంగారం రేటు రికార్డ్ గరిష్ఠాల వైపు పరుగులు పెడుతోంది.క్రితం రోజు తగ్గినట్లే కనిపించి పసిడి ధరలు ఇవాళ ఒక్కసారిగా పెరిగాయి. ఇక కిలో వెండి రేటు అయితే రూ.10 వేల మేర దూసుకెళ్లింది. పశ్చిమాసియాలో ఉద్రిక్తతలతో పాటు ఉక్రెయిన్‌పై రష్యా దాడులు చేయడం, డాలర్ విలువ, ఫెడ్ వడ్డీ రేట్ల అంచనాల వంటి కీలక అంశాలు బంగారం ధరలపై ప్రభావ చూపించినట్లు తెలుస్తోంది. ఈ క్రమంలో హైదరాబాద్, విజయవాడ మార్కెట్లలో ఆగస్టు 12న రేట్లు తెలుసుకుందాం.గ్లోబల్ మార్కెట్లో గోల్డ్ రేట్లుఅంతర్జాతీయ మార్కెట్లలో ఈరోజు పసిడి ధరలు ( Gold Price Today ) భారీగా పెరిగాయి. స్పాట్ గోల్డ్ రేటు ఔన్సుకు 42 డాలర్లకు పైగా పెరిగింది. దీంతో ఔన్స్ బంగారం ధర 4403 డాలర్లు దాటి ట్రేడవుతోంది. అలాగే స్పాట్ సిల్వర్ రేటు ఔన్సుకు 0.16 శాతం పెరిగి 65.17 డాలర్ల వద్ద అమ్ముడవుతోంది.హైదరాబాద్‌లో బంగారం ధరలుహైదరాబాద్ బులియన్ మార్కెట్లో పసిడి ధరలు (Gold Price In Hyderabad) ఒక్కరోజులోనే మారిపోయాయి. నిన్నటి రోజున తగ్గిన బంగారం ధర ఈరోజు భారీగా పెరిగింది. ఇవాళ 24 క్యారెట్ల మేలిమి గోల్డ్ రేటు 10 గ్రాములకు రూ.1850 మేర పెరిగింది. దీంతో తులం రేటు రూ.1,53,820 వద్దకు ఎగబాకింది. అలాగే 22 క్యారెట్ల ఆభరణాల బంగారం రేటు తులానికి రూ.1700 మేర పెరిగి రూ.1,41,000 మార్క్ దాటింది.విజయవాడలో బంగారం ధరలుఆంధ్రాలోని ప్రధాన నగరాల్లో ఒకటైన బెజవాడ (Gold Rate In Vijayawada)లో ఈరోజు పసిడి రేట్లు భారీగా పెరిగాయి. 24 క్యారెట్ల బంగారం రేటు తులానికి రూ.1850 పెరగడంతో రూ.1,53,820 వద్దకు చేరింది. అలాగే 22 క్యారెట్ల పసిడి రేటు తులంపై రూ.1700 ఎగబాకి రూ.1,41,000 వద్దకు దూసుకెళ్లింది.రూ.10 వేలు పెరిగిన వెండిగత కొద్ది రోజులుగా స్థిరంగా కొనసాగుతూ వచ్చిన వెండి రేటు (Silver Price Today) ఒక్కసారిగా పెరిగింది. దాదాపు వారం తర్వాత సిల్వర్ రేటులో మార్పు కనిపించింది. ఈరోజు హైదరాబాద్, విజయవాడ మార్కెట్లలో కిలో వెండి రేటు ఏకంగా రూ.10,000 పెరిగింది. దీంతో కిలో సిల్వర్ ధర రూ.2,60,000 మార్క్ వద్దకు దూసుకెళ్లింది.గమనిక: పైన చెప్పిన బంగారం, వెండి ధరలు ఆగస్టు 12వ తేదీ బుధవారం రోజున ఉదయం 8 గంటలకు ఉన్నవి. అయితే, 10 గంటల తర్వాత ధరలు మారిపోవచ్చు. ప్రాంతాలను బట్టి ధరలు వేరు వేరుగా ఉంటాయి. కొనుగోలు చేసే ముందే స్థానికంగా ఉండే ధరలను తెలుసుకోవడం మంచిది.