FASTag local pass | ఇంటర్నెట్ డెస్క్: జాతీయ రహదారుల ప్రాధికార సంస్థ (NHAI) డిజిటల్ ఫాస్టాగ్ లోకల్ పాస్ సదుపాయాన్ని తీసుకొచ్చింది. దేశవ్యాప్తంగా 121 టోల్ ప్లాజాల్లో ఈ సదుపాయాన్ని అందుబాటులోకి తెచ్చింది. అర్హత కల్గిన వాహనదారులు నెలవారీ లోకల్ పాస్లను రాజ్మార్గ్యాత్ర మొబైల్ యాప్ ద్వారా లేదా అధికారిక వెబ్సైట్లో దరఖాస్తు చేసుకోవచ్చు. దీనివల్ల టోల్ప్లాజాలకు వెళ్లాల్సిన ప్రయాస తప్పనుంది. టోల్ ప్లాజాలను ప్రత్యక్షంగా సందర్శించడం, అవసరమైన పత్రాలను మాన్యువల్గా సమర్పించాల్సిన అవసరం లేదన్నమాట.
టోల్ ప్లాజాకు 20 కిలోమీటర్ల దూరంలో ఉన్న నివాసితులు ఈ పాస్లు పొందేందుకు అర్హులు. మీ దగ్గర్లోని టోల్ ప్లాజా ఈ జాబితాలో ఉందో లేదో చెక్ చేయడానికి రాజ్మార్గ్యాత్ర వెబ్సైట్ను సందర్శించండి. వెబ్సైట్లో అందుబాటులో ఉన్న సమాచారం ప్రకారం ఆంధ్రప్రదేశ్లో 12, తెలంగాణలో 3 టోల్ప్లాజాలను ఎంపిక చేశారు. నిబంధనల మేరకు ఈ పాస్ వినియోగించి టోల్ ప్లాజాల మీదుగా అపరిమితమైన ప్రయాణాలు చేయొచ్చు. డిజిలాకర్, వాహన్ పోర్టళ్లతో అనుసంధానించి వాహనదారుడి స్థానిక వివరాలను వెరిఫై చేస్తారు. వాహనాదారుడి నివాసం టోల్ ప్లాజాకు 20 కి.మీ పరిధిలో ఉందో, లేదో తెలుసుకోవడానికి జీఐఎస్ లోకేషన్ ఆధారంగా వెరిఫై చేస్తారు.
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
