Sydney News

ఆస్ట్రేలియా మాజీ స్టార్ ఆల్‌రౌండర్ షేన్ వాట్సన్ భారత్‌ను తన రెండో ఇల్లుగా అభివర్ణించాడు. సొంత దేశం ఆస్ట్రేలియా కంటే భారత్‌లోనే తనకు అత్యధిక ప్రేమాభిమానాలు, మద్దతు లభించాయని ఆసక్తికర వ్యాఖ్యలు చేశాడు. సిడ్నీలోని భారత కాన్సులేట్ నిర్వహించిన 80వ స్వాతంత్ర్య దినోత్సవ వేడుకల్లో పాల్గొన్న సందర్భంగా వాట్సన్ ఈ వ్యాఖ్యలు చేశాడు.భారత్‌లో క్రికెట్‌ను ఆరాధించే వారు సంఖ్య ఆస్ట్రేలియా కంటే ఎంతో అధికమని షేన్ వాట్సన్ పేర్కొన్నాడు. "భారత్‌లో నన్ను ఎవరూ పెద్దగా విమర్శించలేదని భావిస్తున్నాను. అక్కడ నాకు ఎప్పుడూ లభించే మద్దతు మరువలేనిది. ఆస్ట్రేలియాలో రాణించినప్పుడు ప్రశంసలు దక్కేవి, కానీ విఫలమైనప్పుడు విమర్శలు తప్పేవి కావు" అని వివరించాడు. భారత్‌తో పాటు ఇక్కడి ప్రజలతో తనకు విడదీయలేని అనుబంధం ఉందని, తన వ్యక్తిగత జీవితం, కెరీర్‌పై భారత్ చెరగని ముద్ర వేసిందని కొనియాడాడు.తాను 19 ఏళ్ల ప్రాయంలో తొలిసారి భారత్‌ను సందర్శించానని, అప్పటి నుంచి ఈ దేశం సాధిస్తున్న అద్భుత ప్రగతిని నిశితంగా గమనిస్తున్నానని వాట్సన్ గుర్తు చేసుకున్నాడు. తనకు భారతీయ శాఖాహార వంటకాలంటే ఎంతో మక్కువని కూడా వెల్లడించాడు. 2008లో ప్రారంభమైన ఇండియన్ ప్రీమియర్ లీగ్ (ఐపీఎల్), తన కెరీర్‌ కీలక దశలో ఉన్నప్పుడు ఒక అద్భుతమైన వేదికను కల్పించిందని కృతజ్ఞత చాటుకున్నాడు. కాగా, వాట్సన్ ఐపీఎల్‌లో 2008 నుంచి 2020 వరకు రాజస్థాన్ రాయల్స్, రాయల్ ఛాలెంజర్స్ బెంగళూరు, చెన్నై సూపర్ కింగ్స్ జట్లకు ప్రాతినిధ్యం వహించిన విషయం తెలిసిందే

ఆస్ట్రేలియాలో నివసిస్తున్న ఓ భారతీయ విద్యార్థినికి ఊహించని షాక్ తగిలింది. కేవలం ఐదు నిమిషాల పాటు వేడినీటి స్నానం చేసినందుకు 1,800 ఆస్ట్రేలియన్ డాలర్లు (సుమారు రూ. 1.3 లక్షలు) జరిమానా చెల్లించుకోవాల్సి వచ్చింది. ఈ వింత అనుభవాన్ని ఆమె స్వయంగా సోషల్ మీడియాలో పంచుకోవడంతో ఈ విషయం ప్రస్తుతం వైరల్‌గా మారింది.వమిక అనే భారతీయ యువతి సిడ్నీలో నివసిస్తోంది. ఇటీవల ఆమె తన అపార్ట్‌మెంట్‌లో వేడినీటితో స్నానం చేసింది. అయితే, చలిగా ఉంటుందన్న కారణంతో బాత్రూమ్‌లోని ఎగ్జాస్ట్ ఫ్యాన్‌ను ఆన్ చేయలేదు. దీంతో స్నానం తర్వాత బాత్రూమ్ నుంచి వచ్చిన వేడినీటి ఆవిరి, సమీపంలో ఉన్న ఫైర్ అలారంకు తగిలింది. వెంటనే భవనంలో ఫైర్ అలారం పెద్ద శబ్దంతో మోగింది.అలారం మోగడంతో మొదట ఏదైనా డ్రిల్ అనుకున్నానని, కానీ కాసేపటికే బిల్డింగ్ మేనేజర్ తన అపార్ట్‌మెంట్‌లోకి వచ్చారని వమిక తన వీడియోలో చెప్పింది. ఫాల్స్ అలారం కారణంగా ఫైర్ సిబ్బంది రావడంతో, అధికారులు ఆమెకు పన్నులతో కలిపి సుమారు 1,900 డాలర్ల బిల్లు వేశారు. "వంట చేస్తుండగా ఇలా జరిగి ఉంటే ఇంత ఇబ్బందిగా ఉండేది కాదేమో" అంటూ ఆమె సరదాగా వ్యాఖ్యానించింది. వాష్‌రూమ్‌కు ఇంత దగ్గరగా ఫైర్ అలారం ఎందుకు పెట్టారని ఆమె ప్రశ్నించింది.వమిక పోస్ట్ చేసిన ఈ వీడియో సోషల్ మీడియాలో పెద్ద చర్చకు దారితీసింది. ఆస్ట్రేలియాలోని అనేక అపార్ట్‌మెంట్లలో, ముఖ్యంగా న్యూ సౌత్ వేల్స్ లాంటి ప్రాంతాల్లో, ఆవిరి లేదా వంట పొగ వల్ల ఫాల్స్ అలారమ్స్ మోగితే ఫైర్ బ్రిగేడ్

David Warner Drink Driving: తన అగ్రెసివ్ బ్యాటింగ్‌తో ప్రత్యర్థి బౌలర్లకు చుక్కలు చూపించిన ఆస్ట్రేలియా దిగ్గజ క్రికెటర్ డేవిడ్ వార్నర్.. ఇప్పుడు మైదానం వెలుపల అనూహ్యంగా ఒక ఊహించని వివాదంలో ఇరుక్కున్నాడు. డ్రంక్ అండ్ డ్రైవ్ కేసులో నేరాన్ని అంగీకరించి కోర్టు ముందు నిలబడాల్సి వచ్చింది. ఆస్ట్రేలియాలోని సిడ్నీ నగరంలో నిబంధనలకు విరుద్ధంగా మద్యం మత్తులో కారు నడుపుతూ పోలీసుల తనిఖీల్లో అతను దొరికిపోయాడు. సాధారణంగా చట్టం అనుమతించిన ఆల్కహాల్ పరిమితి కంటే రెట్టింపు మోతాదులో అతను మద్యం సేవించినట్లు అధికారుల విచారణలో తేలింది. దీంతో ఈ డ్రంక్ అండ్ డ్రైవ్ వ్యవహారం స్థానిక సిడ్నీ కోర్టుకు చేరింది. పోలీసుల విచారణలో తన తప్పును అంగీకరించిన వార్నర్‌పై న్యాయస్థానం తీవ్ర అసంతృప్తి వ్యక్తం చేయడంతో పాటు ఏకంగా 1,500 ఆస్ట్రేలియన్ డాలర్ల (రూ.1,02,004లు) భారీ ఫైన్ విధించింది. ఈ సంఘటనకు సంబంధించిన పూర్తి వివరాలను పరిశీలిస్తే.. ఆస్ట్రేలియా పోలీసుల ప్రకారం వాహనం డ్రైవింగ్ చేసేటప్పుడు శరీరంలో ఆల్కహాల్ శాతం ఒక నిర్దిష్ట పరిమితికి లోబడి మాత్రమే ఉండాలి. కానీ డేవిడ్ వార్నర్ ఆ చట్టబద్ధమైన పరిమితిని దాటి మిడ్-రేంజ్ డ్రంక్ డ్రైవింగ్‌కు పాల్పడినట్లు పోలీసుల రికార్డుల్లో నమోదైంది. చట్టబద్ధంగా అనుమతించిన స్థాయి కంటే కచ్చితంగా రెండు రెట్లు ఎక్కువగా ఆల్కహాల్ తీసుకున్నట్లు వెల్లడైంది. ఒక ప్రముఖ అంతర్జాతీయ క్రీడాకారుడిగా సమాజానికి ఆదర్శంగా నిలవాల్సిన బాధ్యతాయుతమైన వ్యక్తి, పబ్లిక్ రోడ్లపైన ఇలా బాధ్యతారాహిత్యంగా వ్యవహరించడం పట్ల స్థానికంగా విమర్శలు వ్యక్తమవుతున్నాయి. అయితే, విచారణ సమయంలో తన తప్పును ఏమాత్రం కప్పిపుచ్చుకునే ప్రయత్నం చేయకుండా వార్నర్ తన నేరాన్ని కోర్టులో పూర్తిగా అంగీకరించాడు. ఎక్కువమంది చదివినది: 59 ఫోర్లు, 1 సిక్స్‌.. ఒకే ఇన్నింగ్స్‌లో 451 పరుగులతో బీభత్సం.. ప్రపంచ రికార్డ్‌నే షేక్ చేసిన దిగ్గజాలు..! డేవిడ్ వార్నర్ ఇలాంటి తీవ్రమైన వివాదాల్లో చిక్కుకోవడం ఇదే తొలిసారి కాదు. గతంలో బాల్ ట్యాంపరింగ్ వివాదంలో చిక్కుకుని

ఆస్ట్రేలియా స్టార్ ప్లేయర్ డేవిడ్ వార్నర్‌కు డ్రంకెన్ డ్రైవ్ కేసులో సిడ్నీ కోర్టు షాకిచ్చింది. మద్యం తాగి వాహనం నడిపిన కేసులో వార్నర్‌ను దోషిగా నిర్ధారించిన కోర్టు.. 1,500 ఆస్ట్రేలియన్ డాలర్ల జరిమానా విధించింది. ఇంటర్నెట్ డెస్క్: ఆస్ట్రేలియా స్టార్ ప్లేయర్ డేవిడ్ వార్నర్‌కు డ్రంకెన్ డ్రైవ్ కేసులో సిడ్నీ కోర్టు షాకిచ్చింది. మద్యం తాగి వాహనం నడిపిన కేసులో వార్నర్‌ను దోషిగా నిర్ధారించిన కోర్టు.. 1,500 ఆస్ట్రేలియన్ డాలర్ల జరిమానా విధించింది. అంతేకాకుండా ఇకపై వాహనం నడపాలంటే కారులో ఇంటర్‌ లాక్ పరికరాన్ని అమర్చుకోవాలని ఆదేశించింది. 39 ఏళ్ల వార్నర్ ఏప్రిల్ 5న సిడ్నీలో డ్రైవింగ్ చేస్తూ పోలీసుల ర్యాండమ్ బ్రీత్ టెస్టింగ్ సైట్ వద్ద పట్టుబడిన సంగతి తెలిసిందే. బ్రీత్ టెస్టులో అతడి శరీరంలో పరిమితికి రెండింతల కంటే ఎక్కువ ఆల్కహాల్ ఉన్నట్లు తేలింది. దీంతో అతడిపై పోలీసులు కేసు నమోదు చేశారు. ఈ కేసులో గత నెలలోనే వార్నర్ తన నేరాన్ని అంగీకరించాడు. డ్రంకెన్ డ్రైవ్ సమయంలో వార్నర్ వాహనంలో పిల్లలు కూడా ఉన్నారని కోర్టు గుర్తించింది. ఈ అంశం నేరాన్ని మరింత తీవ్రమైనదిగా చేసిందని జడ్జి పేర్కొన్నారు. అయితే ప్రజల భద్రత దృష్ట్యా డ్రంకెన్ డ్రైవింగ్‌ను నిరోధించాల్సిన అవసరం మరింత ముఖ్యమని జడ్జి స్పష్టం చేశారు. కాగా వార్నర్ డ్రైవింగ్‌పై పూర్తిగా నిషేధం విధించలేదు. కానీ మళ్లీ వాహనం నడపాలంటే ఇంటర్‌లాక్ లైసెన్స్ కోసం దరఖాస్తు చేసుకుని, కారులో ఇంటర్‌ లాక్ పరికరాన్ని అమర్చుకోవాలని కోర్టు ఆదేశించింది. ఈ పరికరం కారు నడిపే వ్యక్తిలో ఆల్కహాల్ పర్సెంటేజ్‌ను గుర్తిస్తుంది. మద్యం తాగినట్లు ఆ పరికరం గుర్తిస్తే వాహనం స్టార్ట్ కాకుండా అడ్డుకుంటుంది. ఈ కేసులో దోషిగా తేలడంతో రాబోయే బిగ్ బాష్ లీగ్ (BBL) సీజన్‌లో సిడ్నీ థండర్ జట్టుకు వార్నర్ కెప్టెన్‌గా కొనసాగుతాడా? అనే ప్రశ్నలు తలెత్తుతున్నాయి. పాకిస్థాన్ సూపర్ లీగ్‌లో కరాచీ కింగ్స్‌కు కెప్టెన్‌గా వ్యవహరించిన

డ్రంక్ అండ్ డ్రైవ్ కేసులో దోషిగా తేలిన ఆస్ట్రేలియా మాజీ క్రికెటర్ డేవిడ్ వార్నర్ విష‌యంలో సిడ్నీ కోర్టు మంగ‌ళ‌వారం త‌న‌ తీర్పును వెల్ల‌డించింది. డ్రంక్ అండ్ డ్రైవ్‌లో దోషిగా తేలిన వార్న‌ర్‌కు 1500 ఆస్ట్రేలియ‌న్ డాల‌ర్లు (భార‌త క‌రెన్సీలో సుమారు ల‌క్ష రూపాయ‌లు) భారీ జ‌రిమానా విధించింది. దీంతో పాటు అతను రాబోయే 12 నెలల్లో డ్రైవింగ్‌ చేయాలనుకుంటే ఇగ్నిషన్ ఇంటర్‌లాక్ ఉపయోగించాలనే కండిషన్‌ను పెట్టింది. ఏమిటీ ఇగ్నిష‌న్ ఇంట‌ర్‌లాక్‌? ఇగ్నిషన్ ఇంటర్‌లాక్ పరికరం అనేది వాహనం ఇగ్నిషన్ సిస్టమ్‌కు అనుసంధానించబడిన ఒక చిన్న శ్వాస పరీక్షా యంత్రం. డ్రైవర్ బ్రీత్ టెస్టులో మోతాదుకు మించి ఆల్కహాల్ తీసుకున్న‌ట్లు తేలితే, కారు స్టార్ట్ అవ్వకుండా ఇగ్నిష‌న్ ప‌రిక‌రం అడ్డుకుంటుంది. వార్న‌ర్ ఎప్పుడైనా వాహనం నడపడానికి ముందుకు వ‌చ్చినా, మొద‌ట‌ వార్నర్ ఇగ్నిష‌న్ ఇంట‌ర్‌లాక్‌ పరికరం ద్వారా శ్వాస నమూనాను అందించాల్సి ఉంటుంది. రీడింగ్ అనుమతించబడిన పరిధిలో ఉంటేనే అత‌డు ఇంజిన్‌ను స్టార్ట్ చేయ‌డానికి వీలు ఉంటుంది. అస‌లేం జ‌రిగింది? గ‌త ఏప్రిల్‌లో ఈస్టర్‌ సండే రోజున సిడ్నీలోని మ‌రౌబాలో వార్నర్ తన కారును వేగంగా నడుపుకుంటూ వచ్చాడు. అయితే దారిలో పోలీసులు ఏర్పాటు చేసిన ర్యాండమ్ టెస్టింగ్ సైట్‌కు కొద్ది దూరంలోనే తన వాహనాన్ని ఆపాడు. వార్నర్‌పై అనుమానంతో పోలీసులు అత‌నికి బ్రీత్ ఎనలైజర్ పరీక్ష నిర్వహించగా, పరిమితికి మించి మద్యం సేవించినట్టు తేలింది. దీంతో వార్న‌ర్‌ను అదుపులోకి తీసుకొని ద‌గ్గ‌ర్లోని పోలీస్ స్టేషన్‌కు తరలించారు. ఆ త‌ర్వాత బెయిల్‌పై విడుద‌లైన వార్న‌ర్ త‌ర‌ఫున అతడి న్యాయ‌వాది బాబీ హిల్ జూలై 27న సిడ్నీ కోర్టులో హాజ‌ర‌య్యాడు. వార్న‌ర్ ‘మిడ్ రేంజ్‌’లో డ్రింక్ చేశాడ‌ని కోర్టుకు వివ‌రించాడు. అనంత‌రం వార్న‌ర్ త‌న నేరాన్ని అంగీక‌రిస్తున్న‌ట్లు కూడా అత‌ని త‌ర‌ఫు లాయ‌ర్ కోర్ట‌కు తెలిపాడు. ‘చాలామంది తప్పుడు నిర్ణయాలు తీసుకుంటారు. వాటికి బాధ్యత వహించడం ముఖ్యం. ప్రపంచంలోని అత్యుత్తమ బ్యాట్స్‌మెన్ అయినా సరే, ఈ