Medak News News

సంగారెడ్డి అర్బన్ : సంగారెడ్డి పట్టణంలోని తపాలా కార్యాలయం వద్ద ప్రధాని నరేంద్ర మోదీ, ఎంపీ రఘునందన్ రావు చిత్రపటాలకు భాజపా జిల్లా ఉపాధ్యక్షుడు ఆధ్వర్యంలో నాయకులు పాలాభిషేకం చేశారు. ఈ సందర్బంగా జిల్లా ఉపాధ్యక్షుడు పవన్ ముదిరాజ్ మాట్లాడుతూ.. ఎంపీ రఘునందన్ రావు ప్రజా సమస్యలపై ఎప్పుడు పనిచేస్తుంటారని.. ప్రతి సమస్యను పరిష్కరించే ప్రయత్నం చేస్తారని అన్నారు. పాస్‌పోర్ట్‌ సేవా కేంద్రం, ఆధునిక పార్సిల్ యూనిట్ కేంద్రాలను మంజూరు చేసినందుకు ప్రజలందరి తరఫున కృతజ్ఞతలు తెలిపారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

మేడ్చల్: మేడ్చల్‌లోని ఓ ప్రైవేట్‌ ఆసుపత్రిలో చికిత్స పొందుతూ ఓ యువకుడు మృతి చెందాడు. దీంతో బంధువులు ఆసుపత్రి ఎదుట ఆందోళనకు దిగారు. వివరాల్లోకి వెళితే.. కాళ్లకల్‌కు చెందిన ఏంబీఏ విద్యార్థి అజయ్ (23) గత నెల 18న రోడ్డు ప్రమాదానికి గురయ్యాడు. తలకు బలమైన గాయం కావడంతో మేడ్చల్‌లోని ఓ ఆసుపత్రిలో చేర్పించారు. చికిత్స పొందుతూ అజయ్‌ బుధవారం మృతిచెందాడు. ఇప్పటికే వైద్యం కోసం రూ.16 లక్షలు ఖర్చు చేసినట్లు అజయ్ తండ్రి సభాపతి శర్మ తెలిపారు. మరో రూ.5 లక్షలు చెల్లించాలంటూ ఆసుపత్రి యాజమాన్యం వేధించడంతో యువకుడి బంధువులు ఆసుపత్రి ముందు ఆందోళనకు దిగారు. సరైన సదుపాయాలు లేకున్నా తమ కుమారుడిని ఆసుపత్రిలో చేర్చుకున్నారని అజయ్‌ తండ్రి పేర్కొన్నారు. వేరే ఆసుపత్రికి తీసుకెళ్తామని చెప్పినప్పటికీ ఆసుపత్రి వర్గాలు చికిత్స చేసి బాగు చేస్తామంటూ దాదాపు 25 రోజులు ఉంచుకొని చివరకు ప్రాణాలు తీశారని బంధువులు ఆరోపించారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

Medak: 200 మీటర్ల జాతీయ జెండాతో ప్రదర్శన హోరెత్తిన 'తిరంగా యాత్ర'! Medak: ప్రధాని నరేంద్ర మోదీ పిలుపు మేరకు దేశవ్యాప్తంగా జాతీయ జెండా పండుగ వాతావరణం నెలకొన్న నేపథ్యంలో మెదక్ జిల్లా నర్సాపూర్ మున్సిపల్ పట్టణంలో బీజేపీ ఆధ్వర్యంలో ఘనంగా దేశభక్తి ర్యాలీ నిర్వహించారు. బీజేపీ మెదక్ జిల్లా అధ్యక్షుడు వల్దాస్ మల్లేష్ గౌడ్ ఆధ్వర్యంలో నిర్వహించిన ఈ కార్యక్రమంలో ముఖ్య అతిధిగా రాష్ట్ర నాయకులు రంజిత్ కుమార్ తో పాటు బీజేపీ నర్సాపూర్ నియోజకవర్గం నాయకుల తో పాటు సుమారు 1000 మంది విద్యార్థులు,పట్టణ ప్రజలు ఉత్సాహంగా పాల్గొన్నారు. నర్సాపూర్ పట్టణంలోని ప్రభుత్వ, ప్రైవేట్ పాఠశాలలకు చెందిన విద్యార్థులతో పాటు వివిధ కళాశాలల విద్యార్థులు పెద్ద సంఖ్యలో ర్యాలీలో పాల్గొన్నారు. విద్యార్థులు, నాయకులు కలిసి పట్టణంలోని ప్రధాన వీధుల గుండా భారీ ర్యాలీ నిర్వహించారు. ర్యాలీలో ప్రత్యేక ఆకర్షణగా 200 మీటర్ల పొడవైన భారీ జాతీయ జెండాను విద్యార్థులు, నాయకులు చేతుల మీదుగా ప్రదర్శించారు. చేతుల్లో త్రివర్ణ పతాకాలు, నోట దేశభక్తి నినాదాలు, అడుగడుగునా జాతీయ భావం. ఇలా సుమారు వెయ్యి మందితో సాగిన భారీ ర్యాలీతో నర్సాపూర్ పట్టణం త్రివర్ణ పతాకాలతో కళకళలాడింది. ‘భారత్ మాతాకీ జై’, ‘వందే మాతరం’ నినాదాలతో పట్టణ వీధులు మార్మోగాయి. ర్యాలీని చూసిన ప్రజలు సైతం దేశభక్తి భావంతో కార్యక్రమానికి మద్దతు తెలిపారు. ఈ సందర్భంగా బీజేపీ జిల్లా అధ్యక్షుడు వల్దాస్ మల్లేష్ గౌడ్ మాట్లాడుతూ.. జాతీయ జెండా ప్రతి భారతీయుడి గుండెల్లో ఉన్న దేశభక్తికి ప్రతీక అని అన్నారు. త్రివర్ణ పతాకం వెనుక స్వాతంత్ర్య సమరయోధుల త్యాగాలు, దేశ ప్రజల ఐక్యత, భారతదేశ గొప్ప చరిత్ర దాగి ఉన్నాయని పేర్కొన్నారు. జాతీయ జెండాను గౌరవించడం అంటే దేశాన్ని, దేశ సైనికులను, అమరవీరుల త్యాగాలను గౌరవించడమేనని అన్నారు. ప్రధాని నరేంద్ర మోదీ దేశ భవిష్యత్తును దృష్టిలో పెట్టుకుని భారతదేశాన్ని ప్రపంచంలోనే శక్తివంతమైన, అభివృద్ధి చెందిన

శివ్వంపేట: మెదక్ జిల్లా శివ్వంపేట మండలం గూడూరులో శ్రీగురు పీఠం దత్తాత్రేయ స్వామి, షిరిడి సాయి బాబా దేవాలయాల్లో మరోసారి చోరీ జరిగింది. ఈ దేవాలయాల్లో జులై 31న చోరికి పాల్పడగా 12 రోజుల వ్యవధిలోనే గుర్తు తెలియని దుండగుడు మరోసారి చోరికి పాల్పడ్డాడు. బుధవారం తెల్లవారుజామున గుడిలోకి ప్రవేశించిన దృశ్యాలు సీసీ కెమెరాల్లో నమోదు అయ్యాయి. ప్రధాన గేటు తాళం, రెండు ఆలయాల్లో గర్భ గుడిల తాళాలు, రెండు హుండీల తాళాలు ఇనుప రాడ్డుతో ధ్వంసం చేశాడు. హుండీలను దేవాలయం ప్రహరీ బయట చింత చెట్టు కిందకు తీసుకెళ్లి పడేశాడు. నిందితుడు గుర్తుపట్టకుండా మాస్కు ధరించి చోరికి పాల్పడ్డాడు. ఈ ఘటనపై శివ్వంపేట పోలీసులు విచారణ చేపట్టారు. ఓకే దేవాలయంలో సీసీ కెమెరాలున్నా వరుస చోరీలకు పాల్పడుతుండటం, నిందితులు దొరకక పోవడంతో పోలీసులకు సవాలుగా మారుతోంది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

సంగారెడ్డి అర్బన్ : భాజపా ఆధ్వర్యంలో సంగారెడ్డిలో హర్ ఘర్‌ తిరంగా ర్యాలీ నిర్వహించారు. పట్టణంలోని స్థానిక ఐబీ నుంచి జిల్లా కోర్టు వరకు ఈ ర్యాలీ సాగింది. ఈ ర్యాలీలో ముఖ్యఅతిథిగా ఎమ్మెల్సీ అంజిరెడ్డి పాల్గొన్నారు. స్వాతంత్య్ర దినోత్సవం సందర్భంగా ప్రతి ఇంటిపై జాతీయ జెండాను ఎగరవేయాలని పిలుపునిచ్చారు. ఈ కార్యక్రమంలో భాజపా జిల్లా అధ్యక్షురాలు గోదావరి, పార్టీ నాయకులు పాల్గొన్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

సంగారెడ్డి టౌన్: ప్రజా వ్యతిరేక విధానాలపై ఐక్య పోరాటాలకు సిద్ధం కావాలని సీఐటీయూ రాష్ట్ర అధ్యక్షుడు చుక్క రాములు పిలుపునిచ్చారు. జైల్ భరో కార్యక్రమంలో భాగంగా కొత్త బస్టాండ్ వద్ద సీఐటీయూ, రైతు, వ్యవసాయ కార్మికల సంఘాల ఆధ్వర్యంలో ధర్నా చేపట్టారు.ఈ సందర్భంగా చుక్క రాములు మాట్లాడుతూ.. కేంద్ర ప్రభుత్వం అవలంబిస్తున్న ప్రజా వ్యతిరేక విధానాలకు వ్యతిరేకంగా జైల్ భరో కార్యక్రమం చేపట్టినట్లు తెలిపారు. పెట్టుబడిదారులకు దేశ సంపదను దోచిపెట్టడం ఎంతవరకు సమంజసమని ప్రశ్నించారు. విద్య, వైద్యం ప్రైవేటు చేతుల్లోకి వెళ్లిపోయిందని ఆవేదన వ్యక్తం చేశారు. లేబర్ కోడ్‌లతో కార్మికులు తమ హక్కులను కోల్పోవాల్సి వస్తుందని పేర్కొన్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

శివ్వంపేట: బీఆర్‌ఎస్‌ ఎమ్మెల్యే సునీతారెడ్డి, కాంగ్రెస్‌ సీనియర్‌ నేత మాధవరెడ్డి వర్గాల మధ్య ఘర్షణ చోటు చేసుకుంది. మెదక్‌ జిల్లా శివ్వంపేట మండలం గోమారంలో ఆదివారం బోనాల సందర్భంగా ఏర్పాటు చేసిన ఫ్లెక్సీల విషయంలో వివాదం రాజుకుంది. పోలీసులు ఫ్లెక్సీలు తొలగించి సర్ది చెప్పడంతో వివాదం సద్దుమణిగింది. అనంతరం తమపై దాడి చేశారని ఇరు వర్గాల కార్యకర్తలు, ప్రజా ప్రతినిధులు పరస్పరం పోలీసులను ఫిర్యాదు చేశారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

దుబ్బాక: దుబ్బాక మండలం రామక్కపేట గ్రామ శివారులో గుర్తుతెలియని మహిళ మృతదేహం లభ్యమైంది. స్థానికులు, దుబ్బాక పోలీసులు తెలిపిన వివరాల ప్రకారం.. రామక్కపేట-లచ్చపేట రహదారి పక్కన గుర్తుతెలియని మహిళ కాలిన స్థితిలో ఉన్న మృతదేహాన్ని స్థానికులు గుర్తించారు. వెంటనే సమాచారం అందుకున్న సిద్దిపేట ఏసీపీ రవీందర్ రెడ్డి, దుబ్బాక సీఐ రాజేష్, ఎస్ఐ కీర్తిరాజు ఘటనా స్థలానికి చేరుకొని మృతదేహాన్ని పరిశీలించారు. ఎక్కడో మహిళను చంపి ఇక్కడికి తీసుకువచ్చి మృతదేహంపై పెట్రోల్ పోసి నిప్పంటించినట్టుగా పోలీసులు భావిస్తున్నారు. మృతి చెందిన మహిళ వివరాలు తెలియ రాలేదు. సంఘటన స్థలాన్ని సిద్దిపేట సీపీ రష్మీ పెరుమాళ్, దుబ్బాక ఎమ్మెల్యే కొత్త ప్రభాకర్ రెడ్డి పరిశీలించి, వివరాలు అడిగి తెలుసుకున్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు