Mancherial News

భూపాలపల్లి జిల్లాలో అమానుష ఘటన చోటుచేసుకుంది. హెచ్ఐవీతో బాధపడుతున్న మహిళను అడవిలో వదిలేశారు. అక్కడ ఒంటరిగా ఉన్న సదరు మహిళను స్థానికులు గమనించి 108కి సమాచారం ఇచ్చారు. భూపాలపల్లి, ఆగస్టు 22: మానవత్వాన్ని మంటగలుపుతూ కన్నవారే కసాయివారిలా మారారు. తీవ్ర అనారోగ్యంతో బాధపడుతున్న ఓ మహిళను కుటుంబ సభ్యులే అడవిలో వదిలేశారు. ఈ అమానుష ఘటన ఘటన జయశంకర్ భూపాలపల్లి జిల్లాలో వెలుగు చూసింది. మంచిర్యాల జిల్లా జైపూర్ మండలం ఇందారం గ్రామానికి చెందిన లలిత (35) హెచ్‌ఐవీతో బాధపడుతున్నారు. కరీంనగర్ ఆసుపత్రి నుంచి ఇంటికి తీసుకువెళ్తామని చెప్పి కుటుంబ సభ్యులు ఆమెను మేడారం-కాటారం రహదారిలోని పెద్దవాగు సమీప అడవిలో వదిలేశారు. ఒంటరిగా ఉన్న లలితను అటుగా వెళ్తున్న స్థానికులు గమనించారు. ఆ వెంటనే 108కి సమాచారం అందించడంతో సిబ్బంది మహదేవపూర్ సామాజిక ఆసుపత్రికి తరలించారు. ఈ దారుణ ఘటనపై స్థానిక గ్రామాల ప్రజలు ఆగ్రహం వ్యక్తం చేస్తున్నారు. అనారోగ్యంతో ఉన్న వ్యక్తిని ఆదుకోవాల్సిన కుటుంబమే అలా ఒంటరిగా వదిలేయడం దారుణమని ఆగ్రహం వ్యక్తం చేస్తున్నారు. ఈ ఘటనకు పాల్పడిన బాధితురాలి కుటుంబ సభ్యులపై చర్యలు తీసుకోవాలని పలువురు డిమాండ్ చేశారు. మరింత పెరిగిన బంగారం ధరలు.. ఈ రోజు మీ నగరంలో పసిడి ధరలు ఎలా ఉన్నాయంటే

మంచిర్యాల అర్బన్, ఆగస్టు 19 : ప్రాథమిక వ్యవసాయ సహకార సంఘం (పీఏసీఎస్‌) డైరెక్టర్‌గా పాత మంచిర్యాల చెందిన ఆరె దేవేందర్ నియమితులయ్యారు. తెలంగాణ ప్రభుత్వం బుధవారం జారీ చేసిన ఉత్తర్వుల్లో పీఏసీఎస్‌ పాలకవర్గానికి సంబంధించిన సభ్యుల జాబితాలో ఆరె దేవేందర్ పేరు చోటుచేసుకుంది. ఈ మేరకు ప్రభుత్వం తరఫున సంబంధిత సహకార శాఖ అధికారులు తదుపరి చర్యలు చేపట్టాలని ఉత్తర్వుల్లో పేర్కొన్నారు. పీఏసీఎస్‌ డైరెక్టర్‌గా అవకాశం కల్పించినందుకు ఆరె దేవేందర్ కృతజ్ఞతలు తెలిపారు. సహకార సంఘం అభివృద్ధికి, రైతుల సంక్షేమానికి తనవంతు కృషి చేస్తానని ఆయన పేర్కొన్నారు. ఆయన ఎన్నిక పట్ల పలువురు అభినందనలు తెలిపారు. Car accident | సిద్దిపేట జిల్లాలో విషాదం.. బావిలోకి దూసుకెళ్లిన కారు న‌లుగురు మృతి Helicopter crash in Kenya | కెన్యాలో హెలికాప్ట‌ర్ కూలి ఈక్వెడార్ ఇంటెలిజెన్స్ చీఫ్‌తో స‌హా ఏడుగురు మృతి Thieves | గద్వాల పట్టణంలో పట్టపగలే రెచ్చిపోయిన దొంగ‌లు.. బంగారం, నగదు అపహరణ

బెల్లంపల్లి: మంచిర్యాల జిల్లా బెల్లంపల్లి పట్టణంలోని పంచముఖి హనుమాన్ విగ్రహం వద్ద జాతీయ రహదారిపై మంగళవారం రాత్రి రోడ్డు ప్రమాదం చోటు చేసుకుంది. తాండూరు వైపు నుంచి వస్తున్న ఓ బొలెరో వాహనం.. బెల్లంపల్లి వెళ్తేందుకు యూటర్న్‌ తీసుకుంటున్న ద్విచక్ర వాహనాన్ని ఢీకొట్టింది. ఈ ప్రమాదంలో శాంతిఖని గనిలో పనిచేస్తున్న సురేష్(37) అనే సింగరేణి కార్మికుడు అక్కడికక్కడే మృతి చెందాడు. చిరంజీవి అనే వ్యక్తికి తీవ్ర గాయాలయ్యాయి. అతన్ని కరీంనగర్‌కు తరలించారు. తిరుమల హిల్స్‌లో ఓ ఫంక్షన్‌కు వెళ్లి, తిరిగి వస్తుండగా ఈ ప్రమాదం జరిగింది. సురేష్ మృతితో ఆ కుటుంబంలో విషాదం చోటు చేసుకుంది. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

తాండూర్, ఆగస్టు 19 : పోలీస్ ఉద్యోగ నియామకాల్లో ఆదివాసీలకు జరిగిన అన్యాయాన్ని నిరసిస్తూ, రాజ్యాంగబద్ధ హక్కుల సాధన కోసం ఏజెన్సీ ప్రాంతాల్లో ఆదివాసీ సంఘాలు, తుడుందెబ్బ నాయకులు ఇచ్చిన బంద్‌ పిలుపులో భాగంగా బుధవారం మంచిర్యాల జిల్లా తాండూర్ మండలంలో చేపట్టిన బంద్ విజేయవంతమయ్యింది. ఈ బంద్ కారణంగా మండలంలో సాధారణ జనజీవనం, వర్తక వాణిజ్య వ్యాపార సంస్థలు, విద్యాసంస్థల నిర్వహణ ప్రభావితమైంది. ఈ సందర్భంగా ఆదివాసి సంఘాల, తుడుందెబ్బ నాయకులు బంద్ ను పర్యవేక్షించారు. అనంతరం ఆదివాసీ హక్కుల పోరాట సమితి తాండూరు మండల అధ్యక్షుడు యపాల సమ్మయ్య, రాష్ట్ర ఉపాధ్యక్షుడు గడ్డం మణికుమార్, జిల్లా కార్యనిర్వహక అధ్యక్షుడు కుర్సెంగ బాపురావు మాట్లాడుతూ పోలీస్ ఉద్యోగ నియామకాల్లో స్థానిక ఆదివాసీలకు తీవ్ర అన్యాయం జరిగిందని అన్నారు. అయితే ప్రస్తుతం విడుదలైన నోటిఫికేషన్లో ఏజెన్సీ ప్రాంత అభ్యర్థులకు ప్రాధాన్యత లేకుండా ఉందని, సాధారణ విధానంలో నియామకాలు చేపట్టడం వల్ల ఏజెన్సీ ప్రాంతానికి చెందిన వేలాది మంది ఆదివాసీ యువత ఉద్యోగ అవకాశాలను కోల్పోయే ప్రమాదం కూడా ఉందని వాపోయారు. ఏజెన్సీ ప్రాంతంలో విద్యా, ఆర్థిక, ఉపాధి పరంగా ఇప్పటికే అనేక సమస్యలు ఎదుర్కొంటున్న ఆదివాసీ యువతకు ఉన్న ప్రత్యేక అవకాశాలను కూడా తొలగించడం సరైన నిర్ణయం కాదని పేర్కొన్నారు. ఏజెన్సీ ప్రాంత యువత భవిష్యత్తును దృష్టిలో ఉంచుకొని ప్రభుత్వం తక్షణమే స్పందించి, పోలీస్ కానిస్టేబుల్ నియామకాల్లో గతంలో అమలులో ఉన్న 1/70 చట్టం పూర్తిస్థాయిలో అమలు చేయాలని, గిరిజనుల రక్షణకు సంబంధించిన జీవో నెం. 3 పునరుద్ధరణ చేయాలని, 75 శాతం ప్రత్యేక రిజర్వేషన్ ను పునరుద్ధరించాలని డిమాండ్ చేశారు. డిమాండ్ల సాధన కోసం తుడుందెబ్బ ఆధ్వర్యంలో చేపట్టిన బందుకు సహకరించిన ప్రతి ఒక్కరికి ధన్యవాదాలు తెలిపారు. ఈ కార్యక్రమంలో జిల్లా కార్యదర్శి అరికిల శంకర్, మండల గౌరవ అధ్యక్షుడు అల్లకొండ భీమయ్య, మండల ప్రధాన కార్యదర్శి బుర్స ప్రవీణ్, విద్యార్థి సంఘం

Mancherial: 2మంచిర్యాల జిల్లా బెల్లంపల్లిలో రాము ఫోటోగ్రఫీ ప్రస్థానం! Mancherial: మంచిర్యాల జిల్లా బెల్లంపల్లి ఒక్క క్లిక్‌తో ఓ జ్ఞాపకాన్ని పదిలం చేయడం.. ఓ క్షణాన్ని జీవితాంతం గుర్తుండిపోయేలా మలచడం.. ఇదే ఫోటోగ్రఫీ గొప్పతనం. అలాంటి కళను తన వృత్తిగా ఎంచుకుని 28 ఏళ్లుగా కొనసాగిస్తున్నారు బెల్లంపల్లికి చెందిన రవివర్మ స్టూడియో ఫోటోగ్రాఫర్ రాము. చిన్న వయసులోనే కెమెరాపై ఆసక్తి పెంచుకున్న రాము.. కేవలం 12 ఏళ్ల వయసు నుంచే ఫోటోగ్రఫీలో అడుగుపెట్టారు. అప్పటి నుంచి కెమెరానే నేస్తంగా, ఫోటోగ్రఫీనే వృత్తిగా చేసుకుని ముందుకు సాగుతున్నారు. ఎన్నో ఏళ్ల అనుభవంతో ఆయన తీసే చిత్రాలు ప్రత్యేకతను సంతరించుకుంటూ అందరినీ ఆకట్టుకుంటున్నాయి. మారుతున్న కాలానికి అనుగుణంగా ఫోటోగ్రఫీలోనూ అనేక మార్పులు వచ్చినా.. తన కళపై నమ్మకంతో రాము నిరంతరం కొత్తదనాన్ని అందిపుచ్చుకుంటున్నారు. ఒకప్పుడు సాధారణ కెమెరాతో ప్రారంభమైన ఆయన ప్రయాణం.. నేడు ఆధునిక ఫోటోగ్రఫీ టెక్నాలజీ వరకు కొనసాగుతోంది. “నమ్ముకున్న వృత్తి ఎప్పుడూ మోసం చేయదు” అన్న నమ్మకంతో రాము ఫోటోగ్రఫీని కొనసాగిస్తున్నారు. ఈ వృత్తే తన కుటుంబానికి భరోసాగా నిలిచిందని, ఫోటోగ్రఫీ ద్వారా కుటుంబాన్ని ఆనందంగా పోషించుకుంటున్నానని రాము చెబుతున్నారు. ఓ చిన్న వయసులో మొదలైన ఆసక్తి.. నేడు జీవితానికి ఆధారంగా మారింది. కెమెరా వెనుక నిలబడి ఎన్నో జ్ఞాపకాలను చిత్రాలుగా మలుస్తూ.. తన వృత్తిపై ప్రేమతో 28 ఏళ్లుగా సాగుతున్న రాము ప్రయాణం యువతకు స్ఫూర్తిదాయకంగా నిలుస్తోంది. 11 ఏళ్ల జర్నలిజం అనుభవం కలిగిన సీనియర్ పాత్రికేయుడు. రాజకీయాలు, సామాజిక అంశాలు, స్థానిక సమస్యలు మరియు ప్రత్యేక కథనాలపై విస్తృతంగా పనిచేస్తూ ప్రజలకు ఖచ్చితమైన, విశ్వసనీయమైన వార్తలను అందిస్తున్నారు

Nennela School | కాంగ్రెస్ సర్కార్‌ పాఠశాల విద్యార్థులకు అన్ని సౌకర్యలు కల్పిస్తామని.. అన్నీ ఉచితంగా అందిస్తామని చెప్పి రెండు నెలలు గడుస్తున్నా విద్యార్థులకు ఏకరూప దుస్తులు అందించలేదు. ఆర్భాటంగా ప్రకటన చేసినప్పటికీ చివరకు అత్యంత ప్రత్యేకమైన స్వాతంత్ర దినోత్సవం రోజుకైనా అందుతాయనుకున్న దుస్తులు అందలేదు. ప్రభుత్వం రెండు రోజుల కిందట విద్యార్థులకు షూలు మాత్రమే అందించింది. దీంతో విద్యార్థులు చేసేదేమీ లేక తమ తమ పాత దుస్తులతో స్వాతంత్య్ర దినోత్సవ వేడుకల్లో పాల్గొనాల్సి వచ్చింది. వేడుకలకు కొందరు పాత యూనిఫామ్‌తో వేడుకల్లో పాల్గొనగా.. మరికొందరు విద్యార్థులు మల్టీ కలర్ దుస్తులతో వచ్చారు. సాధారణంగా స్వాతంత్య్ర వేడుకల్లో విద్యార్థులు ఏకరూప దుస్తులతో, వివిధ వేశాధారణలో పాల్గొని ఉత్సహంతో కనబడుతారు. కానీ ప్రభుత్వం విద్యార్థులకు కేవలం షూలు మాత్రమే అందించి.. యూనిఫామ్‌లు మాత్రం అందించడంతో విద్యార్థులు కొత్త షూలు వేసుకొని పాత దుస్తులతో వేడుకల్లో పాల్గొన్నారు. విద్యార్థులు నిరుత్సాహంగా కనిపించడం ప్రభుత్వం నిర్లక్ష్యం ఎలా ఉందో చెప్పకనే చెబుతోంది. సమయానికి విద్యార్థులకు ఏకరూప దుస్తులు అందక పోవడం, మల్టీ దుస్తులతో ఉండటంతో వారి తల్లిదండ్రులు ప్రభుత్వ తీరుపై మండి పడుతున్నారు. ఏనాడూ ఇలా యూనిఫామ్ లు లేక స్వాతంత్ర్య వేడుకల్లో పాల్గొనలేదని విద్యార్థుల తల్లిదండ్రులు మండి పడుతున్నారు. రేవంత్‌ సర్కార్‌ హయాంలో విద్యాశాఖ పట్ల ఎలాంటి నిర్లక్ష్య వైఖరి అనుసరిస్తున్నారో తాజా ఘటన మరోసారి అద్దం పడుతోంది

హాజీపూర్‌: మంచిర్యాల మున్సిపల్‌ కార్పొరేషన్‌ పరిధిలోని 16వ డివిజన్‌ (ముల్కల్ల)లో పారిశుద్ధ్య నిర్వహణ అస్తవ్యస్తంగా మారింది. గ్రామంలో సేకరించిన చెత్తను నిబంధనలకు విరుద్ధంగా ఇష్టారాజ్యంగా వివిధ ప్రాంతాల్లో డంపింగ్‌ చేస్తుండటంతో స్థానికులు తీవ్ర ఇబ్బందులు ఎదుర్కొంటున్నారు. ముఖ్యంగా క్రీడా ప్రాంగణాలు, స్మశానవాటికల సమీపంలో చెత్తను పడేస్తుండటంపై ప్రజలు ఆగ్రహం వ్యక్తం చేస్తున్నారు. తెలంగాణ రాష్ట్రం ఏర్పడిన తర్వాత గ్రామాల్లో పారిశుద్ధ్యాన్ని మెరుగుపర్చడంతోపాటు చెత్తతో సంపద సృష్టించాలనే లక్ష్యంతో గత ప్రభుత్వం ప్రతి గ్రామ పంచాయతీకి ట్రాక్టర్లను సమకూర్చింది. తడి, పొడి చెత్తను వేర్వేరుగా సేకరించి సెగ్రిగేషన్‌ షెడ్లకు తరలించేవారు. తడి చెత్తతో కంపోస్టు ఎరువు తయారు చేసి రైతులకు అందించడంతోపాటు.. పొడి చెత్తలోని ప్లాస్టిక్‌, ఇతర వ్యర్థాలను విక్రయించడం ద్వారా గ్రామ పంచాయతీలకు ఆదాయం సమకూరేది. అయితే ముల్కల్లలోని సెగ్రిగేషన్‌ షెడ్‌ ప్రస్తుతం వినియోగానికి నోచుకోవడం లేదని స్థానికులు చెబుతున్నారు. [caption id="attachment_2481150" align="aligncenter" width="1280"] Mulkalla2[/caption] మున్సిపల్‌ కార్పొరేషన్‌ పరిధిలో సేకరిస్తున్న చెత్తను నిర్దేశిత డంపింగ్‌ యార్డుకు తరలించాల్సి ఉండగా.. ముల్కల్లలోని పలు ప్రాంతాల్లో ఇష్టానుసారంగా పడేస్తున్నారని స్థానికులు ఆరోపిస్తున్నారు. దీంతో దుర్వాసన, అపరిశుభ్ర వాతావరణంతో ప్రజలు ఇబ్బందులు పడుతున్నారని తెలిపారు. చెత్త పేరుకుపోవడంతో పరిసర ప్రాంతాల్లో పారిశుద్ధ్య సమస్యలు తలెత్తుతున్నాయని ఆవేదన వ్యక్తం చేస్తున్నారు. గ్రామీణ యువత క్రీడల వైపు మళ్లేలా గతంలో ఏర్పాటు చేసిన క్రీడా ప్రాంగణాలు, సమకూర్చిన క్రీడా సామగ్రి సైతం ప్రస్తుతం పూర్తిస్థాయిలో వినియోగంలోకి రావడం లేదని స్థానికులు పేర్కొంటున్నారు. వాటి నిర్వహణపై అధికారులు దృష్టి సారించకపోవడంతో క్రీడా ప్రాంగణాలు నిరుపయోగంగా మారుతున్నాయని ఆవేదన వ్యక్తం చేస్తున్నారు. [caption id="attachment_2481151" align="aligncenter" width="1280"] Mulkalla3[/caption] మున్సిపల్‌ కార్పొరేషన్‌ పాలకవర్గం, ప్రజాప్రతినిధులు వెంటనే స్పందించి ముల్కల్లలో చెత్తను నిర్దేశిత డంపింగ్‌ యార్డుకు తరలించాలని ప్రజలు కోరుతున్నారు. సెగ్రిగేషన్‌ షెడ్‌ను తిరిగి వినియోగంలోకి తీసుకురావడంతోపాటు స్మశానవాటిక, క్రీడా ప్రాంగణాలను పరిశుభ్రంగా ఉంచి ప్రజలకు అందుబాటులోకి తీసుకురావాలని విజ్ఞప్తి చేస్తున్నారు

Mancherial: ఓటరు జాబితా సవరణకు పార్టీలు సహకరించాలి: మంచిర్యాల కలెక్టర్! ఈ వార్తకు సంబంధించిన

Mancherial: మంచిర్యాలలో కొత్త పెన్షన్లకై డిమాండ్ బీజేపీ ధ్వజం! Mancherial: మంచిర్యాల అర్హులైన ప్రతి ఒక్కరికీ వెంటనే కొత్త పెన్షన్లు మంజూరు చేయాలని బీజేపీ నాయకులు ప్రభుత్వాన్ని డిమాండ్ చేశారు. కాంగ్రెస్ ప్రభుత్వం అధికారంలోకి వచ్చి మూడేళ్లు కావస్తున్నా కొత్త పెన్షన్లు మంజూరు చేయకపోగా, ఇప్పటికే మంజూరైన లబ్ధిదారుల పెన్షన్లను తొలగించవద్దని హెచ్చరించారు కొత్త పెన్షన్ల విషయంలో ప్రభుత్వం స్పష్టమైన విధానం ప్రకటించాలని, వృద్ధులు, బీడీ కార్మికులు, చేనేత కార్మికులు, గీత కార్మికులు, దివ్యాంగులు, వితంతువులు, ఒంటరి మహిళలు, ఎయిడ్స్‌ బాధితులు, డయాలసిస్‌ రోగులు తదితర అర్హులందరి నుంచి దరఖాస్తులు స్వీకరించి పెన్షన్లు మంజూరు చేయాలని డిమాండ్ చేశారు. ఈ సందర్భంగా బీజేపీ ఫ్లోర్ లీడర్ ముకేశ్ గౌడ్, కార్పొరేటర్ కస్తూరి నాగరాజు, బోట్ల అనిత సత్యం తదితరులు మాట్లాడుతూ ఎన్నికల సమయంలో ఇచ్చిన హామీ మేరకు ఎలాంటి రాజకీయ వివక్ష లేకుండా అర్హులందరికీ పెన్షన్లు మంజూరు చేయాలని కోరారు. 11 ఏళ్ల జర్నలిజం అనుభవం కలిగిన సీనియర్ పాత్రికేయుడు. రాజకీయాలు, సామాజిక అంశాలు, స్థానిక సమస్యలు మరియు ప్రత్యేక కథనాలపై విస్తృతంగా పనిచేస్తూ ప్రజలకు ఖచ్చితమైన, విశ్వసనీయమైన వార్తలను అందిస్తున్నారు