Job Opportunities News

పండగల సీజన్‌ వస్తుండటంతో దేశంలో ఉద్యోగ నియామకాల జోరు పెరగనుంది. ఈ ఏడాది ద్వితీయార్థంలో ఫెస్టివ్‌ హైరింగ్‌ 15 నుంచి 20 శాతం పెరుగుతుందని అంచనా. ఈ క్రమంలో 2 నుంచి 2.5 లక్షల వరకు తాత్కాలిక, గిగ్‌ ఉద్యోగాలు అందుబాటులోకి రావొచ్చని ఎన్‌ఎల్‌బీ సర్వీసెస్‌ నివేదిక వెల్లడించింది. ఈ-కామర్స్‌, క్విక్‌ కామర్స్‌, రిటైల్‌, లాజిస్టిక్స్‌, హాస్పిటాలిటీ, ట్రావెల్‌, కన్జ్యూమర్‌ సర్వీసెస్‌ రంగాల్లో ఎక్కువ అవకాశాలు ఉండనున్నాయి.ఈసారి కంపెనీలు పండగల సీజన్‌కు ముందుగానే నియామకాలపై దృష్టి పెడుతున్నాయి. చివరి నిమిషంలో భారీగా ఉద్యోగులను తీసుకునే విధానానికి బదులుగా.. 12 నుంచి 14 వారాల ముందే సిబ్బంది ప్రణాళికలు సిద్ధం చేస్తున్నాయి. సంప్రదాయ ఉద్యోగ కేంద్రాలకే పరిమితం కాకుండా కొత్త ప్రాంతాల్లోనూ ప్రతిభ కోసం వెతుకుతున్నాయి. టెక్నాలజీ ఆధారిత, అవసరమైన వెంటనే పనిలో చేరగల సిబ్బందికి డిమాండ్‌ పెరుగుతోంది.డెలివరీ, వేర్‌హౌస్‌, ఫీల్డ్‌ ఆపరేషన్స్‌, హాస్పిటాలిటీ రంగాల్లో నియామకాలు ఎక్కువగా ఉండనున్నాయి. అదే సమయంలో డార్క్‌ స్టోర్‌ ఇన్వెంటరీ కంట్రోలర్లు, రిటర్న్స్‌-రిఫండ్స్‌ నిపుణులు, కస్టమర్‌ సపోర్ట్‌, మార్కెట్‌ప్లేస్‌ ఆపరేషన్స్‌, మోసాల నియంత్రణ, క్యాటలాగ్‌ మేనేజ్‌మెంట్‌, ఆర్డర్‌ మేనేజ్‌మెంట్‌ ఉద్యోగాలకు డిమాండ్‌ పెరుగుతోంది.ఈసారి టైర్‌-2, టైర్‌-3 నగరాలకూ పెద్ద ఎత్తున ఉద్యోగాలు వెళ్లనున్నాయి. మొత్తం ఫెస్టివ్‌ హైరింగ్‌లో ఈ నగరాల వాటా 45 శాతం వరకు ఉండొచ్చని అంచనా. ఇక్కడ నియామకాలు 25 నుంచి 30 శాతం పెరగొచ్చని నివేదిక పేర్కొంది. జైపుర్‌, లక్నో, ఇండోర్‌, సూరత్‌, నాగ్‌పుర్‌, భువనేశ్వర్‌, కోయంబత్తూర్‌, చండీగఢ్‌, కొచ్చి నగరాల్లో ఉద్యోగాల డిమాండ్‌ మరింత పెరగనుంది

ఈ నెల(ఆగస్టు) 28న, శ్రావణ పౌర్ణమి రోజున కుంభ రాశిలో చంద్ర గ్రహణం ఏర్పడుతోంది. ఈ చంద్ర గ్రహణం భారతదేశంలో కనిపించనప్పటికీ, ఆ రోజున కుంభ రాశిలో ఉన్న చంద్ర రాహువులకు, సింహ రాశిలో ఉన్న రవి కేతువులకు మధ్య సమసప్తక దృష్టి ఏర్పడడం వల్ల పాక్షికంగా గ్రహణ ఫలితాలు కలుగుతాయి. ఈ గ్రహణ ప్రభావం పక్షం రోజులకు పైగా ఉంటుంది. మేషం, మిథునం, కన్య, తుల, ధనుస్సు, మీన రాశులకు ధన యోగాలు, రాజయోగాలు పట్టే అవకాశం ఉంది. ఎదురు చూస్తున్న శుభవార్తలు వినడం, ఏ ప్రయత్నం చేపట్టినా విజయవంతం కావడం, ఆదాయం వృద్ధి చెందడం, వ్యక్తిగత, ఆర్థిక సమస్యలు పరిష్కారం కావడం వంటివి జరుగుతాయి. మేషం: ఈ రాశివారికి లాభస్థానంలో చంద్ర గ్రహణం పడుతున్నందువల్ల గ్రహణ ప్రభావం ఎక్కువగా ఉండక పోవచ్చు. చాలావరకు అనుకూలతలు పెరుగుతాయి. ఏ ప్రయత్నం చేపట్టినా సఫలమవుతుంది. ప్రయాణాలు లాభిస్తాయి. మంచి పరిచయాలు ఏర్పడతాయి. అనేక విధాలా ఆదాయం వృద్ధి చెందుతుంది. ఆర్థిక సమస్యలు, రుణ సమస్యలు చాలావరకు పరిష్కారమవుతాయి. నిరుద్యోగులకు, ఉద్యోగులకు ఆశించిన ఆఫర్లు అందుతాయి. ఆశించిన మానసిక ప్రశాంతత లభిస్తుంది. మిథునం: ఈ రాశికి భాగ్య స్థానంలో గ్రహణం ఏర్పడుతున్నందువల్ల విదేశాల నుంచి లేదా దూర ప్రాంతాల నుంచి ఆశించిన శుభవార్త అందుతుంది. పెళ్లి, ఉద్యోగ ప్రయత్నాల విషయంలో సానుకూల స్పందన లభిస్తుంది.. కొత్త ప్రయత్నాలు చేపట్టడం, కొత్త నిర్ణయాలు తీసుకోవడం చాలా మంచిది. ఆర్థికంగా పురోగతి ఉంటుంది. ఆరోగ్యానికి, ఆదాయానికి లోటుండదు. ముఖ్యమైన ఆస్తి, ఆర్థిక వ్యవహారాల్లో కీలక నిర్ణయాలు తీసుకోవడం జరుగుతుంది. ఆకస్మిక ధన ప్రాప్తికి అవకాశముంది. కన్య: ఈ రాశికి షష్ట స్థానంలో గ్రహణం సంభవిస్తున్నందువల్ల సమస్యలు, ఒత్తిళ్లు పూర్తిగా తగ్గు ముఖం పడతాయి. ఆస్తి, ఆర్థిక వివాదాల నుంచి బయటపడతారు. సాధారణంగా ఏ సమస్యా ఉండే అవకాశం లేదు. శత్రువులు, పోటీదార్ల మీద పైచేయి సాధిస్తారు. ఆర్థిక ప్రయత్నాలు

భారతదేశంలో ఏ రాష్ట్రానికి చెందిన యువతకు అతి సులభంగా ఉద్యోగాలు లభిస్తున్నాయో ఎప్పుడైనా ఆలోచించారా? దానికి సమాధానం ఇప్పుడు వచ్చేసింది. కొత్తగా విడుదలైన 'ఇండియా స్కిల్స్ రిపోర్ట్ 2026' (India Skills Report 2026) ప్రకారం, ఉద్యోగం సాధించే నైపుణ్యాలు, అర్హతలు ఉన్న వారిలో ఉత్తరప్రదేశ్ రాష్ట్రం దేశంలోనే మొదటి స్థానంలో నిలిచింది. నేటి జాబ్ మార్కెట్‌కు కావలసిన నైపుణ్యాలు, సంసిద్ధతలో యూపీ యువత అందరికంటే ముందున్నారని రిపోర్టు పేర్కొంది. ఈ రిపోర్ట్ ప్రకారం మన దేశంలో యువత ఉద్యోగార్హత గణనీయంగా పెరిగింది. 2025లో ఈ రేటు 54.81 శాతంగా ఉండగా, 2026 నాటికి అది 56.35 శాతానికి చేరింది. అంటే మారుతున్న కార్పొరేట్ రంగానికి, కొత్త రకాల జాబ్స్ కోసం మన దేశ యూత్ మునుపటి కంటే చాలా వేగంగా అప్‌గ్రేడ్ అవుతున్నారని ఈ గణాంకాలు స్పష్టం చేస్తున్నాయి. ఈ రిపోర్టును ఈటీఎస్ (ETS) సంస్థ.. కాన్ఫెడరేషన్ ఆఫ్ ఇండియన్ ఇండస్ట్రీ (CII), ఆల్ ఇండియా కౌన్సిల్ ఫర్ టెక్నికల్ ఎడ్యుకేషన్ (AICTE), ఇతర ప్రముఖ సంస్థలతో కలిసి సంయుక్తంగా తయారు చేసింది. ఇందులో భాగంగా లక్షకు పైగా అభ్యర్థులు రాసిన 'గ్లోబల్ ఎంప్లాయబిలిటీ టెస్ట్' (GET) ప్రతిభను విశ్లేషించారు. దాంతో పాటు 7 ప్రధాన రంగాలకు చెందిన 1,000 కంటే ఎక్కువ కంపెనీల అభిప్రాయాలు, సమాచారాన్ని సేకరించి ఈ రిపోర్టును రూపొందించారు. రాష్ట్రాల వారీగా ఎంప్లాయబిలిటీ ర్యాంకింగ్స్‌లో ఉత్తరప్రదేశ్ మొదటి స్థానంలో నిలవగా, మహారాష్ట్ర రెండో స్థానంలో, కర్ణాటక మూడో స్థానంలో నిలిచాయి. ఆ తర్వాత కేరళ, పంజాబ్, మధ్యప్రదేశ్, పశ్చిమ బెంగాల్, రాజస్థాన్, అరుణాచల్ ప్రదేశ్, జమ్మూ కాశ్మీర్ వరుసగా టాప్-10లో చోటు దక్కించుకున్నాయి. ఈ లిస్టులో టాప్ 10 లో ఏపీ, తెలంగాణలు లేవు. కానీ, ఇండియా స్కిల్స్ రిపోర్ట్ వంటి జాతీయ స్థాయి నైపుణ్య సర్వేల్లో తెలుగు రాష్ట్రాలైన తెలంగాణ, ఆంధ్రప్రదేశ్ తమ ప్రతిభను చాటుకున్నాయి. 18

ఉద్యోగం కోసం ఎదురుచూస్తున్న ఫ్రెషర్లకు గుడ్‌న్యూస్‌. ఈ ఏడాది జులై నుంచి డిసెంబర్‌ వరకు ఫ్రెషర్లను నియమించుకునేందుకు 75 శాతం కంపెనీలు సిద్ధంగా ఉన్నాయని టీమ్‌లీజ్‌ ఎడ్‌టెక్‌ నివేదిక తెలిపింది. ఏడాది తొలి ఆరు నెలలతో పోలిస్తే ఈ సంఖ్య 73 శాతం నుంచి 75 శాతానికి పెరిగింది.రిటైల్‌, ఈ-కామర్స్‌, టెక్నాలజీ స్టార్టప్‌లు, తయారీ రంగాల్లో ఫ్రెషర్లకు డిమాండ్‌ పెరిగింది. ఉద్యోగానికి అవసరమైన ప్రాక్టికల్‌ స్కిల్స్‌ ఉన్న అభ్యర్థుల కోసం కంపెనీలు చూస్తున్నాయని నివేదిక పేర్కొంది.అయితే అన్ని రంగాల్లోనూ పరిస్థితి ఒకేలా లేదు. ఐటీ రంగంలో ఫ్రెషర్ల నియామకా అవకాశం 81 శాతం నుంచి 76 శాతానికి తగ్గింది. కన్సల్టింగ్‌, టెలికాం, మార్కెటింగ్‌, అడ్వర్టైజింగ్‌ రంగాల్లోనూ మూడు శాతం చొప్పున తగ్గింది. మీడియా, ఎంటర్‌టైన్‌మెంట్‌, ఎడ్యుకేషన్‌ రంగాల్లో రెండు శాతం చొప్పున క్షీణత నమోదైంది.ఏ స్కిల్స్‌ కావాలంటే?ఫ్రెషర్లను తీసుకునే విషయంలో కంపెనీలు ఇప్పుడు మరింత జాగ్రత్తగా వ్యవహరిస్తున్నాయని టీమ్‌లీజ్‌ ఎడ్‌టెక్‌ వ్యవస్థాపకుడు, సీఈఓ శంతను రోజ్‌ తెలిపారు. ముఖ్యంగా ఐటీ, కన్సల్టింగ్‌ రంగాల్లో ఏఐపై అవగాహన, సమస్యలను ఆచరణాత్మకంగా పరిష్కరించే సామర్థ్యం, ప్రాజెక్టులపై పని చేసిన అనుభవానికి ప్రాధాన్యం పెరుగుతోందన్నారు.నగరాల వారీగా చూస్తే బెంగళూరు 90 శాతంతో ముందుంది. ముంబై 75 శాతం, చెన్నై 71 శాతంతో తర్వాతి స్థానాల్లో ఉన్నాయి.వీఎల్‌ఎస్‌ఐ చిప్‌ డిజైన్‌, ఏఐ ఇంజినీరింగ్‌, క్లౌడ్‌ సెక్యూరిటీ, డిజిటల్‌ మార్కెటింగ్‌ అనలిటిక్స్‌, గుడ్‌ మ్యానుఫ్యాక్చరింగ్‌ ప్రాక్టీసెస్‌ వంటి కోర్సులు ఉద్యోగావకాశాలను మెరుగుపరచగలవని నివేదిక పేర్కొంది