కేరళ ఇన్ఫ్లుయెన్సర్ జంటలో కలకలం.. భర్తపై భార్య సంచలన ఆరోపణలు
సోషల్ మీడియాలో లక్షలాది మంది ఫాలోవర్లతో ఆదర్శ దంపతులుగా గుర్తింపు పొందిన కేరళకు చెందిన ఓ ఇన్ఫ్లుయెన్సర్ జంట జీవితంలో ఊహించని పరిణామం చోటుచేసుకుంది. అఖిల్, మేఘనలుగా ప్రాచుర్యం పొందిన ఈ జంటలో, భార్య మేఘన తనను విడిచి ఒక బస్సు క్లీనర్తో వెళ్లిపోయిందంటూ భర్త అఖిల్ చేసిన ఆరోపణలు తీవ్ర కలకలం రేపుతున్నాయి.ఇన్స్టాగ్రామ్లో అఖిల్, మేఘనలకు విశేష ఆదరణ ఉంది. వీరు పోస్ట్ చేసే ఆకర్షణీయమైన వీడియోలు, ఫ్యామిలీ వ్లాగ్స్, ట్రావెల్ రీల్స్తో నెటిజన్లకు ఫేవరెట్ కపుల్గా నిలిచారు. సోషల్ మీడియాలో ఎంతో అన్యోన్యంగా కనిపించే వీరి జీవితంలో ఇటువంటి ఘటన చోటుచేసుకోవడం వారి ఫాలోవర్లను విస్మయానికి గురిచేసింది.ఇటీవల అఖిల్ ఒక వీడియోను విడుదల చేస్తూ తన భార్యపై తీవ్ర ఆరోపణలు చేశారు. మేఘన ఒక స్థానిక బస్సు క్లీనర్తో కలిసి ఇంటి నుంచి వెళ్లిపోయిందని తెలిపారు. వెళ్లే సమయంలో ఇంట్లో ఉన్న నగదు, బంగారు ఆభరణాలను కూడా తీసుకువెళ్లిందని ఆయన వ్యక్తం చేశారు. ఈ పరిణామంతో తాను తీవ్ర మానసిక వేదనకు గురవుతున్నట్లు అఖిల్ ఆ వీడియోలో పేర్కొన్నారు.అయితే, ఈ వ్యవహారంలో ఇప్పటివరకు అఖిల్ చేసిన ఆరోపణలు మాత్రమే వెలుగులోకి వచ్చాయి. మేఘన వైపు నుంచి దీనిపై ఎటువంటి స్పందన రాలేదు. ఆమె వెల్లడించే వివరణతోనే ఈ ఘటనకు సంబంధించిన పూర్తి వాస్తవాలు తెలిసే అవకాశం ఉంది
