చంపేస్తానేమో అని భయం వేసింది.. డిప్రెషన్ నుంచి హేమ ఎలా బయటపడిందో తెలిస్తే షాక్ అవుతారు
సినిమా రంగంతో పాటు వ్యక్తిగత జీవితంలో ఎదురయ్యే రకరకాల ఒత్తిళ్లు, మానసిక సంఘర్షణలు కొన్నిసార్లు మనుషులను తీవ్ర డిప్రెషన్లోకి నెట్టివేస్తాయి. ఎక్కువగా ఫిల్మ్ ఇండస్ట్రీకి చెందినవారే ఇటువంటి ఇబ్బందులను ఎదుర్కొంటుంటారు. అలాంటి క్లిష్ట పరిస్థితిని తాను ఎలా ఎదుర్కొన్నారో, ఆ తీవ్రమైన ఎమోషన్స్ నుంచి బయటపడటానికి ఎలాంటి మార్గాన్ని ఎంచుకున్నారో హేమ ఒక ఇంటర్వ్యూలో స్పష్టంగా వివరించారు. తనను విమర్శించినవారిని సెన్సార్ డైలాగ్స్తో తిట్టడానికి కారణం ఏంటి? కూల్ అవ్వడానికి హేమ ఏం చేసింది? తనలో ఉన్న ఎమోషన్స్ను ఎలా బయటకు పంపాలో తెలియక ఒకానొక దశలో తీవ్రమైన డిప్రెషన్ను ఎదుర్కొన్నానని హేమ తెలిపారు. ఆ మానసిక వేదన ఎంత తీవ్రంగా ఉండేదంటే, "నేను డిప్రెషన్తో చనిపోతానేమో లేక కోపంలో వేరే ఎవరినైనా ఏమైనా చేస్తానేమో" అనే భయం కూడా కలిగిందని ఆమె ఆందోళన వ్యక్తం చేశారు. గుండెల్లో పేరుకుపోయిన భారాన్ని, కోపాన్ని బయటకు పంపలేకపోతే మానసికంగా పెద్ద ప్రమాదం జరుగుతుందనే భావన ఆమెకు కలిగింది. ఈ తీవ్ర ఒత్తిడి నుంచి ఉపశమనం పొందడానికి నటి హేమ 'ఐస్ బాత్' అనే ప్రత్యేక థెరపీని ఎంచుకున్నారు. దాదాపు 150 కిలోల మంచు గడ్డల (Ice) మధ్య కూర్చుని గట్టిగా అరుస్తూ తనలో ఉన్న కోపాన్ని, ఆవేదనను బయటకు తోసేసినట్లు చెప్పారు. ఈ థెరపీ విధానం గురించి ఆమె వివరిస్తూ — "ఐస్ బాత్లో కూర్చోబెట్టే ముందు నిపుణులు మనకు ప్రత్యేక సెషన్స్ ఇస్తారు. మనల్ని మానసికంగా సిద్ధం చేసి, మన మూడ్ని ఆ స్థితికి తీసుకెళ్తారు. గుండెలోని ఏ భారాన్ని, బాధను బయటకు వదిలేయాలనుకుంటున్నామో దాన్ని వదిలేయమని గైడెన్స్ ఇస్తారు" అని తెలిపారు. ఆ క్రమంలోనే తాను కంట్రోల్ లేకుండా కేకలు వేస్తూ, అసభ్య పదాలతో (Censor words) లోపల ఉన్న ఆక్రోశాన్ని అంతటినీ బయటకు కక్కేశానని, దానివల్ల మనసు పూర్తిగా తేలికపడిందని ఆమె వివరించారు. ఈ థెరపీ పొందిన తర్వాత దాని నుంచి