శ్రీదేవి అభిమానులకుప్రియాంకస్పెషల్ సర్ప్రైజ్
దివంగత లెజెండరీ నటి శ్రీదేవి జయంతి సందర్భంగా ఆమె జీవిత చరిత్రపై బాలీవుడ్ స్టార్ ప్రియాంక చోప్రా కీలక అప్డేట్ ఇచ్చారు. 'ఎంప్రెస్ - ద డెఫినిటివ్ బయోగ్రఫీ ఆఫ్ శ్రీదేవి' పేరుతో రానున్న ఈ పుస్తక కవర్ పేజీని ప్రియాంక తన ఇన్స్టాగ్రామ్ ఖాతాలో షేర్ చేశారు. ఈ ప్రకటనతో శ్రీదేవి అభిమానుల్లో నూతన ఉత్సాహం నెలకొంది. భారతీయ సినీ పరిశ్రమలో తనకంటూ ప్రత్యేక గుర్తింపు తెచ్చుకున్న శ్రీదేవి 2018, ఫిబ్రవరి 24న దుబాయ్లో కన్నుమూశారు. 54 ఏళ్ల వయసులో గుండెపోటుతో ఆమె మరణించడం అప్పట్లో అందరినీ షాక్కు గురిచేసింది. ఆమె మరణానంతరం శ్రీదేవి జీవిత చరిత్రను పుస్తక రూపంలో తీసుకురావాలని కుటుంబ సభ్యులు నిర్ణయించారు. దీనికోసం వెస్ట్ల్యాండ్ బుక్స్ సంస్థ 2023లోనే అధికారిక ప్రకటన విడుదల చేసింది. ఈ పుస్తకాన్ని ప్రముఖ రచయిత ధీరజ్ కుమార్ రాస్తున్నారు. శ్రీదేవికి అత్యంత సన్నిహితుడైన ధీరజ్ కుమార్, ఆమెను కుటుంబ సభ్యునిలా భావించేవారని భర్త బోనీ కపూర్ వెల్లడించారు. దీంతో ఈ పుస్తకంపై భారీ అంచనాలు నెలకొన్నాయి. ఇదిలా ఉండగా, పుస్తక కవర్పై అమితాబ్ బచ్చన్ రాసిన అద్భుతమైన వ్యాఖ్యలు ప్రత్యేక ఆకర్షణగా నిలిచాయి. శ్రీదేవిని 'అపారమైన ప్రతిభకు నిలువుటద్దం' అని అమితాబ్ బచ్చన్ కీర్తించారు. ఈ కోట్ను పుస్తక ముఖచిత్రంపై ప్రముఖంగా ముద్రించారు. ప్రియాంక చోప్రా షేర్ చేసిన ఈ పోస్ట్ను భర్త బోనీ కపూర్ వెంటనే రీషేర్ చేశారు. ఫలితంగా ఈ వార్త సోషల్ మీడియాలో నిమిషాల వ్యవధిలోనే అందరికీ తెలిసింది. శ్రీదేవి కెరీర్లోని కీలక ఘట్టాలను ఈ పుస్తకం వెలుగులోకి తీసుకురానుంది. ప్రధానంగా 1980, 1990లలో వాణిజ్యపరమైన భారతీయ సినిమాల్లో ఆమె చూపిన ఆధిపత్యాన్ని ఇందులో వివరించనున్నారు. ఆమె వ్యక్తిగత ప్రయాణం, సినీ రంగంలో ఎదుర్కొన్న సవాళ్లు, సాధించిన విజయాలను ధీరజ్ కుమార్ వివరించనున్నారు. మిస్టర్ ఇండియా, చాందిని, హిమ్మత్వాలా వంటి అద్భుతమైన సినిమాల వెనుక ఉన్న కృషిని పాఠకులు