మెగా ప్రిన్స్ వరుణ్తేజ్హీరోగా, మేర్లపాక గాంధీ దర్శకత్వంలో తెరకెక్కిన సరికొత్త హారర్కామెడీ చిత్రం ‘కొరియన్కనకరాజు’ బాక్సాఫీస్ వద్ద దూసుకుపోతోంది. రాయలసీమ సంస్కృతి మరియు కొరియన్ కల్చర్ మేళవింపుతో సాగే విభిన్నమైన కథాంశంతో రూపొందిన ఈ సినిమా ఆగస్టు 7 థియేటర్లలోకి వచ్చి ప్రేక్షకుల నుంచి విశేష ఆదరణ పొందుతోంది. ఈ చిత్రంలో రితికా నాయక్నాయికగా నటించగా, సత్య తనదైన కామెడీతో సినిమాకు ప్రధాన ఆకర్షణగా నిలిచారు.* ఆ ప్రాబ్లమ్ వల్లే ప్రమోషన్స్కి రాను.. యష్ వల్ల రూల్స్ బ్రేక్ చేశా - నయనతార వరుణ్ తేజ్ కెరీర్ బిగ్గెస్ట్ ఓపెనింగ్రాయలసీమలోని అనంతపురం జిల్లా పెనుగొండ నేపథ్యంలో సాగే ఈ కథలో కనకరాజు (వరుణ్తేజ్) అనే పల్లెటూరి యువకుడిని ఒక కొరియన్ ఆత్మ ఆవహించడం, దాని చుట్టూ జరిగే పరిణామాలు ప్రేక్షకులను తెగ నవ్విస్తున్నాయి. వరుణ్ తేజ్ నటనలోని వైవిధ్యం, సత్య కామెడీ టైమింగ్ థియేటర్లలో నవ్వుల పూలు పూయిస్తున్నాయి. తొలిరోజే దాదాపు రూ.10.2 కోట్ల వసూళ్లను సాధించి వరుణ్ తేజ్ కెరీర్లోనే హయ్యస్ట్ ఓపెనింగ్స్ సాధించిన చిత్రంగా నిలిచింది. శనివారం కూడా ఈ సినిమా బాక్సాఫీస్ వద్ద అదే స్థాయిలో కలెక్షన్ల వర్షం కురిపించింది.ఐదేళ్ల పోరాటం.. నాగబాబు ఎమోషనల్ ట్వీట్ఈ సినిమా సాధించిన ఘన విజయంపై వరుణ్ తేజ్ తండ్రి, నటుడు నాగబాబు తీవ్ర భావోద్వేగానికి గురయ్యారు. సినిమా వీక్షించిన అనంతరం ఆయన సోషల్ మీడియా వేదికగా స్పందిస్తూ కొడుకు కష్టాన్ని, ఓర్పును కొనియాడారు.* వారణాసి’ నుంచి 'రుద్ర' మాస్ లుక్... సోషల్ మీడియాను షేక్ చేస్తున్న మహేశ్ బర్త్డే పోస్టర్స్"గడిచిన ఐదేళ్లుగా నేను మౌనంగా గమనిస్తూనే ఉన్నాను. నా కొడుకు ఎదుర్కొన్న నిరాశలు, అనుభవించిన బాధ నాకు తెలుసు. వరుస ఓటములు పలకరించినా, పరీక్షించే వైఫల్యాలు ఎదురైనా తన ప్రయత్నాన్ని మాత్రం ఎప్పుడూ ఆపలేదు. మనసులోని బాధను బయటకు చెప్పకపోయినా అది తానెంతగా గాయపరిచిందో తండ్రిగా నాకు బాగా తెలుసు. మాటలు లేకపోయినా ఒకరినొకరు ఓదార్చుకునేవాళ్లం. తనలోని పట్టుదల, ఓర్పును నేను నిరంతరం చూశాను. ఐదేళ్ల సుదీర్ఘ పోరాటం తర్వాత ఈ రోజు తిరుగులేని బ్లాక్బస్టర్ విజయం తనను వరించింది. ఈ విజయం క్రెడిట్ పూర్తిగా తన కష్టానికే దక్కుతుంది. నేను తన కెరీర్లో ఏ రోజూ జోక్యం చేసుకోలేదు. అందుకే ఓటములు ఎలా తనవో, ఈ గెలుపు కూడా పూర్తిగా తనదే. మై చైల్డ్ వరుణ్, నిన్ను చూస్తుంటే తండ్రిగా ఎంతో గర్వంగా ఉంది! ఈ చిత్రాన్ని నమ్మి ఇంతటి ఘన విజయాన్ని అందించిన దర్శకుడు మేర్లపాక గాంధీ, సత్య, రితికా నాయక్, నిర్మాత రాజీవ్, సంగీత దర్శకుడు తమన్ మరియు సాంకేతిక బృందానికి నా హృదయపూర్వక ఆశీస్సులు. ఇది నీ క్షణం బంగారూ, ఇలాగే మెరుస్తూ ఉండు" అని నాగబాబు ఎమోషనల్గా రాసుకొచ్చారు. నాగబాబు చేసిన ఈ ఎమోషనల్ పోస్ట్ సోషల్ మీడియాలో వైరల్గా మారింది. మెగా అభిమానులు, సినీ ప్రముఖులు వరుణ్ తేజ్కి, చిత్ర బృందానికి అభినందనలు తెలుపుతున్నారు.
