కోలీవుడ్ సూపర్స్టార్ రజనీకాంత్ ప్రస్తుతం వరుస సినిమాలతో దూసుకుపోతున్నారు. త్వరలో ‘జైలర్ 2’ చిత్రంతో ఆయన ప్రేక్షకులను పలకరించనున్నారు. ఆ వెంటనే ‘ధర్మన్’ రానుంది.
కోలీవుడ్ సూపర్స్టార్ రజనీకాంత్ (Super Star Rajinikanth) ప్రస్తుతం వరుస సినిమాలతో దూసుకుపోతున్నారు. ‘జైలర్’ (Jailer) మూవీతో సెన్సేషనల్ హిట్ కొట్టిన తలైవా, ప్రస్తుతం నెల్సన్ దిలీప్కుమార్ దర్శకత్వంలో ‘జైలర్-2’ (Jailer 2)లో నటిస్తున్నారు. అనిరుధ్ రవిచందర్ సంగీతం అందిస్తోన్న ఈ భారీ సీక్వెల్ అక్టోబర్ 15న ప్రేక్షకుల ముందుకు రాబోతోంది. దీనిపై ఇప్పటికే అంచనాలు ఆకాశాన్ని తాకుతుండగా... రజనీకాంత్ తన తదుపరి ప్రాజెక్ట్ అయిన ‘ధర్మన్’ను ‘డ్రాగన్’ ఫేమ్ అశ్విన్ మారిముత్తు దర్శకత్వంలో చేస్తున్నారు. లోకనాయకుడు కమల్ హాసన్ తన సొంత బ్యానర్ రాజ్ కమల్ ఫిల్మ్స్ ఇంటర్నేషనల్’ పై ఈ సినిమాను ఎంతో ప్రతిష్టాత్మకంగా నిర్మిస్తున్నారు.
అయితే ఇప్పుడు ఈ ‘ధర్మన్’ సినిమాకు సంబంధించి సోషల్ మీడియాలో ఒక క్రేజీ అప్డేట్ వైరల్ అవుతోంది. అదేంటంటే... ఈ సినిమాలో సూపర్స్టార్ రజనీకాంత్ అల్లుడి పాత్రలో టాలీవుడ్ ఎనర్జిటిక్ స్టార్ రామ్ పోతినేని (Ram Pothineni) నటించబోతున్నారట. తమిళంతో పాటు తెలుగు, ఇతర భాషల్లో కూడా ఈ సినిమాపై భారీ హైప్ క్రియేట్ చేయాలనే ప్లాన్తో మేకర్స్ రామ్ను ఈ పవర్ఫుల్ రోల్ కోసం సంప్రదించారని సమాచారం. ఇప్పటికే రామ్ పోతినేనికి డైరెక్టర్ కథ చెప్పడం, ఆయనకు నచ్చడంతో వెంటనే గ్రీన్ సిగ్నల్ ఇచ్చేయడం కూడా జరిగిపోయాయని సినీ వర్గాల్లో టాక్ నడుస్తోంది. అయితే ఈ రోల్ విషయంలో మరొక ఆసక్తికరమైన వార్త కూడా బయటకు వచ్చింది. రామ్ కంటే ముందు ‘ధర్మన్’ మూవీ టీమ్ ఈ పవర్ఫుల్ రోల్ కోసం వర్సటైల్ నటుడు విక్రమ్ను సంప్రదించిందట. కానీ కొన్ని కారణాల వల్ల విక్రమ్ ఈ ఆఫర్ను తిరస్కరించడంతో, వెంటనే రామ్ పోతినేనిని ఖరారు చేశారని అంటున్నారు.
ఇక ఈ సినిమా మామా-అల్లుళ్ల మధ్య జరిగే కక్షలు, ప్రతీకారాలు, ఇంటెన్స్ ఎమోషన్స్ చుట్టూ తిరుగుతుందని సినీ వర్గాలు చెబుతున్నాయి. రజనీకాంత్, రామ్ల మధ్య ఉండే ఇంటెన్స్ రిలేషన్షిప్ ఈ సినిమాకి ప్రధాన ఆకర్షణగా నిలవబోతోందట. ఈ కాంబినేషన్ను సరిగ్గా హ్యాండిల్ చేయగలిగితే, బాక్సాఫీస్ వద్ద కలెక్షన్ల సునామీ ఖాయమని విశ్లేషకులు భావిస్తున్నారు. ఇక ఈ మూవీలో రజనీకాంత్ భార్యగా సీనియర్ నటి సిమ్రాన్ నటిస్తుండగా.. ఆయన కూతురిగా యంగ్ అండ్ బ్యూటిఫుల్ రాశి ఖన్నా కనిపించబోతున్నారు. రాశి ఖన్నాకు జోడీగా రామ్ అలరించనున్నారట. ప్రస్తుతం ఈ సినిమా రెండో షెడ్యూల్ షూటింగ్ చెన్నైలో శరవేగంగా జరుగుతోంది. త్వరలోనే రామ్ పోతినేని రోల్పై మేకర్స్ నుంచి అధికారిక ప్రకటన కూడా వచ్చే అవకాశం ఉంది. మొత్తంగా అయితే అసలీ కాంబినేషన్ని ఎవరూ ఊహించి కూడా ఉండరు. నిజంగా తెరపై కనుక ఈ కాంబో సక్సెస్ కొడితే మాత్రం.. రామ్ మరిన్ని సినిమాలలో ఇలా కనిపించే అవకాశం లేకపోలేదు. ఈ చిత్రానికి కూడా మ్యూజిక్ సెన్సేషన్ అనిరుధే స్వరాలు సమకూరుస్తుండటం మరో విశేషం.
మరోవైపు, వరుస చిత్రాలతో బిజీగా ఉన్న రామ్ పోతినేని ప్రస్తుతం తన సొంత ప్రాజెక్ట్ 'RAPO23'పై కూడా దృష్టి పెట్టారు. విశేషమేమిటంటే ఈ మూవీకి రామ్ స్వయంగా దర్శకత్వం వహిస్తున్నారు. ‘రాపో సినిమాటిక్స్’ బ్యానర్పై కృష్ణ పోతినేని ఈ చిత్రాన్ని భారీ స్థాయిలో నిర్మిస్తున్నారు. ప్రస్తుతం ఈ సినిమా షూటింగ్ కూడా వేగంగా సాగుతోంది. మరి ఓ వైపు హీరోగా, మరోవైపు దర్శకుడిగా బిజీగా ఉన్న రామ్ పోతినేని, సూపర్స్టార్ రజినీకాంత్తో కలిసి ‘ధర్మన్’లో స్క్రీన్ షేర్ చేసుకుంటారా లేదా అనేది వేచి చూడాలి.
సొంతూరులో కూరగాయలు అమ్మిన హీరో.. ఏఐ ఫొటోలు కాదండోయ్!
మరోసారి అసూయ చాటుకున్న సిద్ధార్థ్ ఆనంద్!
Nagarjuna: ఆ సినిమా చేయడమే నేను తీసుకున్న సాహసోపేత నిర్ణయం
