ఎన్టీఆర్ సీఎం అయ్యాకే రోజూ అన్నం తినేటోళ్లం.. పళ్ల బురుసు’ నటుడు సుధాకర్ రెడ్డి

తెలంగాణ గ్రామీణ వాతావరణం, అక్కడి మట్టి వాసనతో కూడిన భావోద్వేగాలను వెండితెరపై ఆవిష్కరిస్తూ తెరకెక్కిన సరికొత్త చిత్రం 'పళ్ల బురుసు'. కుటుంబ బంధాలు, ఆప్యాయతలు, కంటతడి పెట్టించే ఎమోషన్ల సమాహారంగా రూపుదిద్దుకున్న ఈ చిత్రం ఆగస్టు 14న ప్రపంచవ్యాప్తంగా థియేటర్లలో విడుదలకు సిద్ధమవుతోంది. అన్నపూర్ణ స్టూడియోస్, ఎపిక్ స్టూడియోస్ సంయుక్తంగా నిర్మించిన ఈ చిత్రానికి ఉదయ్ చౌహాన్ దర్శకత్వం వహించగా, పవన్ సీహెచ్ సంగీతం అందించారు. 'బలగం' చిత్రంలో కొమరయ్య పాత్రతో తెలుగు ప్రేక్షకుల గుండెల్లో చెరగని ముద్ర వేసుకున్న సీనియర్ నటుడు సుధాకర్ రెడ్డి ఈ సినిమాలో ప్రధాన పాత్ర పోషించడం విశేషం.* అజిత్ కుమార్‌తో డైరెక్టర్ శంకర్ బిగ్ ప్లాన్... కోలీవుడ్‌ని ఊపేస్తోన్న సెన్సేషనల్ కాంబో!ఎనిమిది పదుల వయసున్న వృద్ధుడి చుట్టూ ఈ కథ తిరుగుతుంది. తన కొడుకుని ఒక పళ్ల బురుసు (టూత్ బ్రష్) కొనివ్వమని అడిగితే దాన్ని అతడు నిర్లక్ష్యం చేస్తాడు. దాంతో ఆ వృద్ధ తండ్రి ఏకంగా కొడుకుపై పోలీస్ స్టేషన్‌లో కేసు పెట్టే వరకు వెళ్తాడు. ఒక చిన్న వస్తువు చుట్టూ తండ్రీ కొడుకుల మధ్య సాగే ఈ పోరు, చివరికి కుటుంబ బాధ్యతలు, వృద్ధాప్యంలో తల్లిదండ్రులకు ఇవ్వాల్సిన ప్రేమ ప్రాముఖ్యతను కళ్లకు కట్టినట్లు చూపిస్తుంది. ఈ సినిమాలో మురళీధర్ గౌడ్, ప్రజ్వల్ యాద్మ, గోమతి రెడ్డి కీలక పాత్రలు పోషించారు.సినిమా ప్రమోషన్లలో భాగంగా సుధాకర్ రెడ్డి ఇచ్చిన ఓ ఇంటర్వ్యూ ప్రస్తుతం నెట్టింట తెగ వైరల్ అవుతోంది. తన చిన్ననాటి జీవితాన్ని, నాటి ఆహార అలవాట్లను గుర్తుచేసుకుంటూ ఆయన చేసిన వ్యాఖ్యలు అందరినీ ఆకట్టుకుంటున్నాయి. "మా చిన్నతనంలో అసలు వడ్ల అన్నం తినేవాళ్లమే కాదు. కేవలం ఏదైనా పండుగలు, శుభకార్యాలు వచ్చినప్పుడు మాత్రమే ఇంట్లో అన్నం వండుకునేవాళ్ళం. మిగతా రోజుల్లో రోజూ ఉదయం, సాయంత్రం మొక్కజొన్న గటకే మా ప్రధాన ఆహారం. మొక్కజొన్న రవ్వతో తయారుచేసే ఆ గటక శరీరానికి ఎంతో బలాన్ని, తక్షణ శక్తిని ఇచ్చేది. జీర్ణక్రీడకు కూడా అది ఎంతో మంచిది. బియ్యం దొరికినా అది కొనుక్కునే ఆర్థిక స్తోమత ఉండేది కాదు’ అని తన నాటి జీవన విధానాన్ని సుధాకర్ రెడ్డి వివరించారు.* ఇప్పటికీ పశ్చాత్తాపడుతూనే ఉన్నా... ‘దబిడి దిబిడి’ సాంగ్‌ వివాదంపై శేఖర్ మాస్టర్ రియాక్షన్అలాగే దివంగత ముఖ్యమంత్రి నందమూరి తారక రామారావు (ఎన్టీఆర్) ప్రవేశపెట్టిన పథకం గురించి మాట్లాడుతూ... ‘ఎన్టీఆర్ ముఖ్యమంత్రి అయ్యాక పేదల కోసం కిలో రెండు రూపాయలకే బియ్యం ఇవ్వడం ప్రారంభించారు. ఆ పథకం వచ్చిన తర్వాతే మేము రోజూ అన్నం తినడం అలవాటు చేసుకున్నాం. రోజూ అన్నం తినడం ఏంటి అని అప్పట్లో చాలా ఆశ్చర్యపోయేవాళ్ళం. మా నాన్న సంపాదించిన డబ్బంతా కేవలం ఖానా, పీనాకే సరిపోయేది’ అని సుధాకర్ రెడ్డి జ్ఞాపకాలను నెమరువేసుకున్నారు. అలాగే ఈ రోజుల్లో మంచినీటిని కూడా కొనుక్కుని తాగే పరిస్థితి వస్తుందని అప్పట్లో అసలు ఊహించలేదని ఆవేదన వ్యక్తం చేశారు. సుధాకర్ రెడ్డి పంచుకున్న ఈ యథార్థ జీవిత అనుభవాలు నెట్టింట్ వైరల్‌గా మారాయి.