సినీ తారలు సాధారణంగా తెరపై తప్ప నిజ జీవితంలో సామాన్యుల మధ్యకు రావడం చాలా అరుదుగా చూస్తుంటాం. అలాంటిది ఒక పాపులర్ హీరో రోడ్డు పై కూర్చుని కూరగాయలు అమ్మి అందరినీ ఆశ్చర్యపరిచారు.
సినీ తారలు సాధారణంగా తెరపై తప్ప నిజ జీవితంలో సామాన్యుల మధ్యకు రావడం చాలా అరుదుగా చూస్తుంటాం. అలాంటిది ఒక పాపులర్ హీరో రోడ్డు పక్కన కూరగాయల దుకాణంలో కూర్చొని స్వయంగా కస్టమర్లకు కూరగాయలు తూకం వేసి అమ్ముతుంటే ఎవరైనా ఆశ్చర్యపోవాల్సిందే. కోలీవుడ్ విలక్షణ నటుడు విమల్ (Hero Vimal) సరిగ్గా ఇలాంటి పనే చేసి అందరినీ ఆశ్చర్యపరిచారు. తొలుత ఆయన కూరగాయలు అమ్ముతున్న ఫొటోలు, వీడియోలు నెట్టింట ప్రత్యక్షమవ్వగానే.. ప్రస్తుతం ట్రెండ్లో ఉన్న ఆర్టిఫిషియల్ ఇంటెలిజెన్స్ (ఏఐ) ద్వారా సృష్టించిన ఫేక్ చిత్రాలని అంతా భావించారు. కానీ అసలు విషయం ఆరా తీయగా, ఆయన నిజంగానే తన సొంత గ్రామంలో కూరగాయలు విక్రయించారని తెలిసి అందరూ ఆశ్చర్యపోతున్నారు.
వివరాల్లోకి వెళితే.. తమిళనాడులోని తిరుచ్చి జిల్లా మణప్పారై సమీపంలో ఉన్న పన్నంకొంబు విమల్ సొంతూరు. మంగళవారం రాత్రి ఆయన తన స్వగ్రామానికి కారులో వెళ్తుండగా, రోడ్డు పక్కన వారాంతపు సంత జరుగుతుండటం గమనించారు. చిన్ననాటి జ్ఞాపకాలు గుర్తొచ్చాయో ఏమో కానీ, ఏమాత్రం సెలబ్రిటీ హోదాను మనసులోకి రానివ్వకుండా వెంటనే కారు దిగి నేరుగా సంతలోని ఓ కూరగాయల దుకాణానికి వెళ్లారు. అక్కడ కూరగాయల బుట్టల ముందు కూర్చొని సాధారణ వ్యాపారిలా కూరగాయలను చేతుల్లోకి తీసుకుని విక్రయించడం మొదలుపెట్టారు.
తమ అభిమాన హీరో స్వయంగా కూరగాయలు అమ్ముతుండటం చూసిన స్థానిక ప్రజలు, సంతకు వచ్చిన కొనుగోలుదారులు పెద్ద సంఖ్యలో ఆయన దుకాణం వద్దకు తరలివచ్చారు. విమల్ సైతం ఎంతో ఆప్యాయంగా గ్రామస్తులతో మాట్లాడుతూ వారికి స్వయంగా కూరగాయలు తూచి ఇచ్చారు. కొందరు స్థానికులు ఈ అరుదైన దృశ్యాలను తమ స్మార్ట్ఫోన్లలో బంధించి సోషల్ మీడియాలో పోస్ట్ చేయడంతో అవి కాస్తా క్షణాల్లో విపరీతంగా వైరల్ అయ్యాయి. సినీ స్టార్ అయినప్పటికీ తన మూలాలను, సొంతూరిని మర్చిపోకుండా ఇంత సాధారణంగా ప్రవర్తించినందుకు నెటిజన్లు హీరో విమల్ సింప్లిసిటీకి ఫిదా అవుతూ ప్రశంసల జల్లు కురిపిస్తున్నారు.
మరోసారి అసూయ చాటుకున్న సిద్ధార్థ్ ఆనంద్!
Nagarjuna: ఆ సినిమా చేయడమే నేను తీసుకున్న సాహసోపేత నిర్ణయం
Sanjjanaa Galrani: విజయ్.. త్రిష.. సంజన గల్రానీ షాకింగ్ కామెంట్స్!
