22k Gold Price Today: అంతర్జాతీయంగా ఉద్రిక్తతలు పెరగడం, ఇదే సమయంలో క్రూడాయిల్ ధరలు కూడా పెరగడంతో గత వారం 10 రోజులుగా బంగారం, వెండి ధరలు విపరీతంగా పెరుగుతూ వచ్చిన సంగతి తెలిసిందే. ఇక్కడ ప్రధానంగా అమెరికా- ఇరాన్ మధ్య శాంతి చర్చలు కొలిక్కి రాకపోవడం సహా రష్యా- ఉక్రెయిన్ మధ్య మళ్లీ భీకర దాడులు జరుగుతుండటం, హర్ముజ్ జలసంధి పూర్తి స్థాయిలో తెరుచుకోవడంపై అనిశ్చితి నేపథ్యంలో ముడి చమురు ధరలు భారీగా పెరిగాయి. మరోవైపు ద్రవ్యోల్బణాన్ని కట్టడి చేసేందుకు యూఎస్ ఫెడరల్ రిజర్వ్ కూడా వడ్డీ రేట్లను పెంచుతుందన్న అంచనాలతో బంగారం ధరలు వరుసగా పెరిగాయి. అయితే ఒక్కసారిగా గరిష్ఠాల నుంచి ధరలు దిగొస్తున్నాయి. వరుసగా రెండో రోజు కూడా దేశీయంగా బంగారం, వెండి ధరలు పతనం అయ్యాయి.ఇప్పుడు 2 నెలల గరిష్ఠ స్థాయి నుంచి ధరలు దిగొస్తుండటంతో కొనుగోలుదారులు ఊపిరి పీల్చుకుంటున్నారు. ముఖ్యంగా ఇక్కడ గరిష్ఠ స్థాయిల వద్ద ప్రాఫిట్ బుకింగ్ జరిగిందని నిపుణులు చెబుతున్నారు. ప్రస్తుతం ఇంటర్నేషనల్ మార్కెట్లో రేట్లు పెద్దగా తగ్గకపోయినా, దేశీయంగా మాత్రం దిగొస్తున్నాయి. ప్రస్తుతం దేశీయంగా హైదరాబాద్ నగరంలో అదే విధంగా అంతర్జాతీయ మార్కెట్లోనూ బంగారం, వెండి ధరలు ఆగస్ట్ 15న ఉదయం ఎలా ఉన్నాయో చూద్దాం.ప్రస్తుతం హైదరాబాద్ నగరంలో 22 క్యారెట్లకు చెందిన బంగారు ఆభరణాల ధర రూ. 650 పతనంతో తులానికి రూ. 1,40,150 కి దిగొచ్చింది. కిందటి రోజు కూడా (ఆగస్ట్ 14) ఇది రూ. 1150 మేర తగ్గింది. దానికి ముందు చూస్తే వారం రోజుల్లోనే రూ. 7 వేలకుపైగా ఎగబాకింది. మరోవైపు 24 క్యారెట్ల స్వచ్ఛమైన పసిడి ధర రూ. 710 తగ్గడంతో తులం రూ. 1,52,890 కి పడిపోయింది. ఇక్కడ కిందటి రోజు రూ. 1260 పతనమైంది.Read Also: బంగారాన్ని నిషేధించిన భారత్.. చివరికి అదే పసిడి దేశాన్ని ఎలా ఆదుకుంది? 22 ఏళ్లలో ఏం జరిగిందంటే?బంగారం ధరల బాటలోనే వెండి రేట్లు కూడా కిందటి రోజుతో పోలిస్తే మళ్లీ తగ్గాయి. ఆగస్ట్ 15న ఉదయం 7 గంటల సమయంలో వెండి ధర రూ. 5 వేలు తగ్గి ప్రస్తుతం కేజీకి రూ. 2.55 లక్షల వద్ద ఉంది. ఆగస్ట్ 1న ఇది రూ. 2.35 లక్షల స్థాయిలో ఉండగా, 2 వారాల్లోనే ఇది రూ. 25 వేలు పెరగ్గా ఇప్పుడు రూ. 5 వేలు పతనమైంది.దేశీయంగా ధరలు తగ్గినా ఇంటర్నేషనల్ మార్కెట్లో మాత్రం ఫ్లాట్గానే ట్రేడవుతున్నాయి. ప్రస్తుతం స్పాట్ గోల్డ్ రేటు ఔన్సుకు 4385 డాలర్లు పలుకుతోంది. సిల్వర్ రేటు 65.44 డాలర్ల స్థాయిలో ఉంది. ఇక డాలరుతో రూపాయి విలువ రూ. 95.46 స్థాయిలో కదలాడుతోంది.గమనిక: ఈ ధరలు ఆగస్ట్ 15 ఉదయం 6 గంటల సమయంలోనివి. ఉదయం 10 గంటలకు మళ్లీ ఇంటర్నేషనల్ మార్కెట్ ధరలకు అనుగుణంగా దేశీయంగా కూడా గోల్డ్, సిల్వర్ రేట్లు మారే అవకాశం ఉందని గమనించగలరు.
