ఉద్యోగుల అకౌంట్లో వడ్డీ ఎప్పుడు ఆగిపోతుంది? ఇనాపరేటివ్ ఖాతాలపై కొత్త రూల్స్ ఇవే

EPFO Interest Rate: ఉద్యోగం మారినప్పుడు లేదా మానేసినప్పుడు చాలా మంది తమ ఈపీఎఫ్ ఖాతాలోని డబ్బులను అలాగే వదిలేస్తుంటారు. అయితే, ఒక నిర్దిష్ట కాలం పాటు జమలు లేని ఖాతాలను ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) ఇనాపరేటివ్ అకౌంట్స్ (Inoperative Accounts) గా గుర్తిస్తుంది. కొన్ని రకాల ఖాతాల్లో ఒక గడువు దటిన తర్వాత వడ్డీ జమ కావడం నిలిచిపోతుంది. దీనికి సంబంధించి పూర్తి నిబంధనలు, మీ పీఎఫ్ సొమ్ముపై వడ్డీ తగ్గకుండా చూసుకునే మార్గాలు వివరంగా తెలుసుకుందాం.ఇనాపరేటివ్ ఎప్పుడు అవుతుంది?ఈపీఎఫ్ఓ నిబంధనల ప్రకారం వివిధ పరిస్థితుల్లో ఒక పీఎఫ్ ఖాతా ఇనాపరేటివ్‌గా మారుతుంది. ఉద్యోగికి 55 ఏళ్ల వయస్సు నిండిన తర్వాత కూడా పీఎఫ్ క్లెయిమ్ చేసుకోకుండా ఖాతాలో నిధులు అలాగే ఉంటే ఖాతా పని చేయడం ఆగిపోతుంది. ఉద్యోగి శాశ్వతంగా విదేశాలకు వెళ్లిపోవడం లేదా మరణించిన సందర్భాల్లో నిధులు అలాగే ఉండిపోవడం, వరుసగా 36 నెలల పాటు ఖాతాలో ఎలాంటి కొత్త జమలు రాకపోవడం వంటివి జరిగినప్పుడు ఖాతా ఇనాపరేటివ్ గా మారుతుంది.Read Also: ఈరోజు మీ PF వడ్డీ 8.25 శాతం జమ అయిందా? ఒక్క SMSతో ఈజీగా చెక్ చేయొచ్చు.. ప్రాసెస్ ఇదేఏ సందర్భంలో వడ్డీ రావడం ఆగిపోతుంది? 55 ఏళ్ల వయస్సు తర్వాత: ఉద్యోగి పదవీ విరమణ పొంది, 55 ఏళ్ల వయస్సు దాటిన తర్వాత కూడా 36 నెలల పాటు పీఎఫ్ డబ్బులు ఉపసంహరించుకోకపోతే, ఆ ఖాతా ఇనాపరేటివ్ గా మారి వడ్డీ జమ కావడం ఆగిపోతుంది. 55 ఏళ్ల కంటే తక్కువ వయస్సు: 55 ఏళ్ల కంటే తక్కువ వయస్సు ఉన్న ఉద్యోగులు ఉద్యోగం మనేసినప్పటికీ, వారి ఖాతాలో 58 ఏళ్ల వయస్సు వచ్చే వరకు వడ్డీ జమ అవుతుందని ఈపీఎఫ్ఓ గతంలోనే స్పష్టం చేసింది. అయితే 36 నెలల పాటు జమలు లేకపోతే ఖాతా ఇనాపరేటివ్ గా మారుతుంది. 58 ఏళ్ల సాధారణ రిటైర్మెంట్: 58 ఏళ్ల వయస్సులో రిటైర్మెంట్ చేస్తే సభ్యుడికి 61 ఏళ్లు వచ్చే వరకు పీఎఫ్ నిధిపై వడ్డీ లభిస్తుంది. 70 ఏళ్ల వరకు పని చేస్తే: కొందరు సీనియర్లు 70 ఏళ్ల వయసు వచ్చే వరకు కొనసాగితే వారికి 73 ఏళ్లు వచ్చే దాకా ఆ బ్యాలెన్స్‌పై వడ్డీ వస్తూనే ఉంటుంది.పీఎఫ్ ఖాతాదారులు తీసుకోవాల్సిన జాగ్రత్తలుపాత పీఎఫ్ ఖాతాలోని బ్యాలెన్స్ ను కొత్త కంపెనీకి చెందిన పీఎఫ్ ఖాతాకు యూఏఎన్ (UAN) సహాయంతో వెంటనే ట్రాన్స్‌ఫర్ చేసుకోవాలి. మీ యూఏఎన్ ఖాతాకు ఆధార్, పాన్, బ్యాంక్ ఖాతా వివరాలు అనుసంధానించడం తప్పనిసరి. చాలా కాలం పాటు వాడని పీఎఫ్ ఖాతాలు ఉంటే ఈపీఎఫ్ఓ మెంబర్ పోర్టల్‌లోకి లాగిన్ అయి బ్యాలెన్స్, క్లెయిమ్ స్టేటస్ చెక్ చేసుకోవడం మంచిది.